البارحه مابين همي والأوراق

[معلومات العضو راشد محمد المقابله]

البارحه ما بين همي والاوراق . . . . .
جر القلم طاروق حزن(ن) يسليه

واسترسلت ابيات شعري من اعماق . . . . .
الموقف اللي مر وازريت اعديه

موعد لقا مبني على نيه افراق . . . . .
كان الاخير وضيق الصدر طاريه

وماهي غريبه لو بقول الصدر ضاق . . . . .
لاكن الاغرب كيف بودعه فيه

كانت دموعه تختنق بين الاحداق . . . . .
ونظرات عيني تقتله ثم تحييه

كني جلست اعلمه كيف يشتاق . . . . .
وكنه يعلم شعري شلون يرثيه

شح الزمن بموادعه والمسا ساق . . . . .
حزن القصايد والعتب والمشاريه

ياليل والله ماورى ليلك اشراق . . . . .
النور عانه يسحبه في خطاويه

عشاق قلي ليش او ويش عشاق . . . . .
الا ضحايه وقت مدري شسميه

يقطع سنين العشق يا درب الاشواق . . . . .
ياليت بيدي شي واقدر اسويه

الشاعر : محمد جارالله السهلي

 

 

 

 

[معلومات العضو ابومبخوت الدوسري]

صح لسانك وأعتلى شانك وصح لسان الشاعر / محمد السهلي على هذه القصيدة الجميلة يعطيك العافية ولاهنت بس لو القصيدة سلمت من هذا البيت كان ياسلام او من لفظ الجلاله

ياليل والله ماورى ليلك اشراق=النور عانه يسحبه في خطاويه

تقبل كل الأحترام والتقديــــر

 

 

 

 

[معلومات العضو راشد محمد المقابله]

أبو مبخوت

لاهنت على المرور