سلام ياصاحبي

**معلومات** **العضو** · 01-12-2009, 07:12 PM

اخواني الكرام السلام عليكم وعيدكم مبارك وكل سنه والجميع بخير.
ابيات متواضعه ارسلتها للشاعر راجح السبيعي تحكي موضوع خاص رغم رده لم يصلني حتى الان لكن اوعدكم اذا وصلني نشرته هنا لكم تحياتي..

ياهاجس الشعر هيا دام شفت القاع ممطور=حنت رعود المعاني والقوافي مستخيله
كم لي ونا خيل برقك من ثلاث اسنين وشهور=واليوم يوم امطرت سقها وفكري لك دليله
مدام قصد القصيده بحر شعروطيب مشهور=في ساحله ترسي الهقوات والسفن الثقيله
نقيتها من عيوب النقد لاحشو ومكسور=لوحافها راعي الغرات مايلقا الهزيله
سلام ياصاحبي والسر بين اثنين محصور=ياخيرمن يجمع اخصال المراجل والفضيله
ياراجح المدح يزهابك على الطالات مأثور=في عالم مختلف والمختلف سيره دخيله
طيبك يسند وخلق الله مع الايام بحدور=يقولها الي مجرب بالدهر عدله وميله
لوقلت ابالغ فنصف القرن يشفع لي ومعذور=من بعدماذقت طعم الحاليه والحنظليله
لوكان بيت القصيده يارفيق العمرمحظور=عن عين من يسبر الخلات لاحيل وحيله
معناي برميه في قاع عميقه وانت دكتور=من معطيات الحساب تحلها بأهون وسيله
الشمس عرض السمالكن مايطلع لهانور=واليل يظفي على السارق ويرخي له شليله
والمحكمه مسرح الاحداث للعميان والعور=ماتنقضي خصمة فيها عميل من عميله
والبيت الابيض مثل ماقيل لو بالخير معمور=على القفا ماضرب بيت يوازيه ومثيله
والرميه اللي غدت بكليب منها الزير مقهور=لو اختلاف الدوافع بننا قصه طويله
والعبره اللي تسد الحلق وسط الصدر وتفور=ازرت تفارق خفوقي يارفيق العمر ليله

**معلومات** **العضو** · 01-12-2009, 08:35 PM

ارحب يابومحمد

ومن طول الغيبات جاب الغنايم

وصح لسانك عدد ماطلعت الشمس

بحر و قافيه و معاني من الوزن الثقيل

لاهنت ولاهان راجح السبيعي

تقديري واحترامي

**معلومات** **العضو** · 02-12-2009, 04:33 PM

صح السانك

ولاهنت على القصيدة الجزلة

تحيتي لك

الجـــآدل

**معلومات** **العضو** · 07-12-2009, 11:59 PM

هي طلاااسم
هي سحر
اهي الغااز
او كوكتيل متعه امتزج فيه الشعر والدراما واستنطاق القارئ
وشحذ هممه للتحليق بهذه الدره وفك رموزها
او فضوول البعض لمحاولة سبر الاغوار وتحليلها
هنا فن لايجيده سوى الكبار
كبار الابداع الذي يرفض ويستعصي على الصغار والمستشعرين
ولايخضع ولاينحني سوى للموهبين .

هناااا الشعر وكفى
حسن امتعتنااا
على الرغم من عدم تمكني او المحاوله لفك رموزها
ويكفيني وهذا مايهمني بانني قراءت شعر جزل
وننتظر المبدع راجح السبيعي

**معلومات** **العضو** · 08-12-2009, 09:23 PM

قصيدهـ من شـآعرً جــزل لاهنت يالقرم .

**معلومات** **العضو** · 08-12-2009, 09:28 PM

قصيدهـ من شـآعر جــزل لاهنت يالقرم .

**معلومات** **العضو** · 09-12-2009, 04:34 PM

يامرحبا ياحسن ,,

ويامرحبا بالقصيد الجزل ,, صح الله السانك وجمل الله حالك ,

والله يعطيك العافيه على هذه الابيات الرائعه ,, والموجهه الى شاعر جزل كذلك ,,

بيض الله وجهك وبأنتظار الرد

**معلومات** **العضو** · 12-12-2009, 08:18 PM

ارحب يابو سالم صح بدنك وماعليك زود واتمنى اني
ارضي ذائتقتك لك تقديري.

**معلومات** **العضو** · 12-12-2009, 08:37 PM

والعبره اللي تسد الحلق وسط الصدر وتفـور
ازرت تفارق خفوقي يارفيـق العمـر ليلـه

صح الله لساااانك اخووي مدد لا عدد
على ها الرائعة الشعرية

دمت بحفظ الله

**معلومات** **العضو** · 12-12-2009, 10:26 PM

ارحب يابومحمد

ومن طول الغيبات جاب الغنايم

وصح لسانك عدد ماطلعت الشمس

بحر و قافيه و معاني من الوزن الثقيل

لاهنت ولاهان راجح السبيعي

تقديري واحترامي

**معلومات** **العضو** · 19-12-2009, 04:20 PM

مشكور يالجادل صح بدنك اسعدني مرورك لاشك لك ارق التحايا..

**معلومات** **العضو** · 21-12-2009, 05:53 PM

ارحب يالكنق صح بدنك وبيض الله وجهك لاعمتك مرور تشريف لشخصي لك تحياتي..

**معلومات** **العضو** · 22-12-2009, 04:19 PM

جزل يا حـسـن ومبدع صح الله لسانك ياذيبان ..

والمعنى في بطـنك ياحسن

تقبل تحياتي،،

**معلومات** **العضو** · 25-12-2009, 07:05 PM

الدولار صح بدنك لاهنت طال عمرك لك تحياتي..

**معلومات** **العضو** · 28-12-2009, 09:45 AM

صح بدنك ياخالد لاهنت على المرور..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية