||قصيده فـــــي البـــر||

[معلومات العضو برنسيسه الريــــاض]

الســـــلاااااام عليييييييييكم ورحمه الله وبركــاته

هذي القصــيده سلمكم الله عن البـــــر , وأن شاء الله تحـــوز علـــى أعجاابكـــم ..

\
\
\

يـــاهل الــولع قلبي تزايد فتوقـه
. .قصـده يسّج بديرتن مابها أسـوار
من فوق شاصٍ يعجب اللي يسوقه
مــجهزينه للمقاطــع والأخطـار
مضفٍ على كل الصحاري حقوقه
. .تــّوه جديدٍ كل طبلونه أصفـــار
إليـــا شلع تقول يرخـــي سبــوقه
. .فــرخٍ قطامي ورّد عقب محـــدار
الطيــر والدربيــل تزهى شنوقـه
. .والعزبــه اللي زودهــا بن وبهار
أمــل التوانك لا تهمــك عروقه
. .وإضرب تهاتيه الخلا منت محتار
يحلا نسيم الصبح ساعة شروقه
. بــالفيضة اللي كلها نبت نـــوار
يــزين بـدع القاف بحلا طروقه
. .بقـفــرٍ خلاء مــاطبها كـل دوار
إرم الحـطب والناس كلٍ وشوقه
. .وجذ الدلال الصفر فمصالي النار
ثــم إحكر الفنجال ويزيــن ذوقه
. .بــريةٍ يـطــرب لهــا كــل زوار
الصيــد واجــد والنشاما تحوقه
غــزايــرٍٍ دايــم سمينات وخيــار
إرم النظــر مــافيه شئ يعوقــه
. .برضِ خلاء ترتع بها دق الأبكار
العمـــر فاني والليالي تسوقــه
والــرازق الله والمخاليق قصّار

وســـــــــــلااااااااااامتكـــــــم يالأجـــــــــــوااد

م\ن

 

 

 

 

[معلومات العضو متعب الشكري]

صح الله لسانتس ولسان الشاعر قصيده جزله بارك الله فيك على النقل الموفق تحيأإتي

 

 

 

 

[معلومات العضو خيالية]

يا سلام عليك يالبرنسيسه شكلك مشتهيه طلعت بر ههااي

صح لسااان الشااعر ،، وتسلمين على نقل القصيده ..

 

 

 

 

[معلومات العضو برنسيسه الريــــاض]

المشاركة الأصلية كتبت بواسطة متعب الشكري

صــح بدنكـ ,, لاهنت ع المرور الطيب

 

 

 

 

[معلومات العضو برنسيسه الريــــاض]

المشاركة الأصلية كتبت بواسطة خيالية

يا سلام عليك يالبرنسيسه شكلك مشتهيه طلعت بر ههااي

صح لسااان الشااعر ،، وتسلمين على نقل القصيده ..

أأي والله مشتهيه طلعه بر
كل ماقلت مشينا قالوا لابرد الجو وجاء المطر
مدري متى
اللهم أغثناااااا ياااااااارب
وصح الله بدنكـ يالغلا ,

 

 

 

 

[معلومات العضو راشد محمد المقابله]

صح السان الشاعر

ويعطيك العافيه على القصيده وهذا وقتها

 

 

 

 

[معلومات العضو رماد]

.
.
•
سلم النآقل .. والمنقول ..

فعلآاً ..
مُتصفح .. رآق

 

 

 

 

[معلومات العضو الهاج ـري]

لبا البر والله ولبا طاريه


تسلم يمناس على قصيده الطيبه لاهنتي

 

 

 

 

[معلومات العضو برنسيسه الريــــاض]

عاشــق هريسان
رمــــــاد
الهـاجــــري

لاهنـــــــتم ع المـرور الطــــيب