الصبح شعشع واقبل النور بالنور

[معلومات العضو راشد محمد المقابله]

هذه القصيده لشاعرنا المميز والمبدع

ناصر بن دهيم الغياثات الدوسري

وإنشاءالله تعجبكم

الصبح شعشع واقبل النور بالنور=والليل الاسود مايجيب الصراحـه
ماني بضايق لكن القلب مقهـور=مثلي تساوت ضيقته وإنشراحـه
آمنت باللي ثبّت اطويق والطـور=عساه يلهمني ثبـوت وفصاحـه
واضح واحب اقابل الناس مسرور=مخلوق من بين الرضا والسماحه
اكتب قصيدي همي إسعاد جمهور=ماهمني فوضه وصوره وساحـه
موجٍ تلاطم من ورى سبعة ابحور=حروف شعري للمخاليـق راحـه
يامبتليني بالحكي اسمع الشـور=لا تحسبنّك عايش بوسط واحـه
اللي خلقنا ميّـز الحـق والـزور=الفرق واضح كالسمـا والبراحـه
الطب يبغاله من النـاس دكتـور=والهندسه تبغى ارتفاع ومساحـه
ياللي تقول اني من الناس مغرور=ميّز هماج المـا وميّـز قراحـه
لامن كبر راسي مع الطيش معذور=لكن غرور الشخص سبة مطاحه
نسعى بهالدنيا نبي الحال مستور=والمجتهد همـه وغمـه نجاحـه
ياصاحبي لا تقعد اتلـف واتـدور=الطير وشهو ؟ لو كسرنا جناحـه
منت بمعي يابن الاجاويد مجبـور=من راح مني سمّـح الله مراحـه

 

 

 

 

[معلومات العضو دـأيـم إهـذريبــگ]

مشكور والله يعطيك العافيه على الطرح

تحياتي

 

 

 

 

[معلومات العضو راشد محمد المقابله]

المشاركة الأصلية كتبت بواسطة دـأيـم إهـذريبــگ

مشكور والله يعطيك العافيه على الطرح

تحياتي

الله يبيض وجهك على المرور