(( الإمام تركي بن عبد الله آل سعود ))

[معلومات العضو شيهانه بكف صقار]

صبحكم/ مساكم الله بالرضا

اليوم جايبة لكم قصيدة ل::

(( الإمام تركي بن عبد الله آل سعود ))

تركي بن عبد الله آل سعود بن عبد العزيز بن محمد بن سعود ويعتبر الأمير تركي من خيرة الأمراء السعوديين قام بتأسيس الدور الثاني للدولة السعودية باستيلاءه على الرياض في سنة /1240هـــ وحرر سائر بلدان نجد من السيطرة المصرية ويتضح لنا من قصيدته التالية : التي يسندها على ابن عمه مشاري الذي كان مبعد من قبل الدولة التركية بمصر ومدى ما نعمت به البلاد من أمن و استقرار

طار الكرى عن موق عينى وفرا =وفزيت من نومي طرالي طـواري
وابد يت من جاش الحشاء ماتـدرا =واسهرت من حولي بكثر الهذ اري
خـط ٍ لفانـى زاد قلبـي بحـر ا=من شاكي ضيم النيـا والعـزاري
سر يا قلم واكتب علـى ماتـورا=أزكى سلام لابن عمـي مشـاري
شيخ على درب الشجاعة مضـرا=من لابة يـوم الملاقـا ضـواري
يامـا سهرنـا حاكـم مايـطـرا=واليوم دنيا ضاع فيهـا افتكـاري
اشكي لمن يبكي له الجـود طـرا=ضراب هامـات العـدا مايـداري
ياحيف ياخطو الشجـاع المضـرا=في مصر مملوك لحمر العتـاري
من الزاد غاد لـه سنـام وسـرا=من الذل شبعان من العـز عـاري
وش عاد لو يلبس حريـر يجـرا=ومتوج تـاج الذهـب بالـزراري
دنياك يابـن العـم هـذي مغـرا=ولاخير في دنيا حلاهـا مـراري
تسقيك حلـو ثـم تسقيـك مـرا=ولذاتهـا بيـن البرايـا عـواري
اكفـخ بجنحـان السعـد لاتـدرا=فالعمـر ماياقـاه كثـر المـداري
مافي يد المخلـوق نفـع وضـارا=ماقدر الباري على العبـد جـاري
وسلم وسلم لي علـى مـن تـورا=واذكر لهم حالي وما كان جـاري
إن سايلـوا عنـي فحالـي تسـرا=قبقب شراع العز لـو كنـت داري
يـوم ٍ كـل ٍ مـن عميلـه تبـرا=حطيت الأجرب لي عميل مبـاري
ونعم الرفيق الي سطـا ثـم جـرا=يودع مناعيـر النشامـا حبـاري
رميت عنـي برقـع الـذل بـرا=ولاخير فيمن لايـدوس المحـاري
يبقى الفخر وأنـا بقبـري معـرا=و أفعال تركي مثل شمس النهاري
وحصنت نجد عقب ماهي تطـرا=مصيونة عن حر لفـح المـذاري
ونزلتها غصـب بخيـر وشـرا=وجمعت شمـل بالقرايـا وقـاري
والشرع فيها قد مشـى واستقـرا=وقرا بنا درس الضحى كل قـاري
زال الهوى والغـي عنهـا وفـرا=ويقضي بها القاضي بليا مصاري
وان سلت عمن قال لـي لا تـزرا=نجد غـدت بـاب بليـا سـواري
ومن أمن الجانـي كفـا ماتحـرا=وتازى حريمه باالقرايا وجـاري
واجهدت في طلب العلى لين قـرا=وطاب الكرى مع لابسات الخزاري
ومن غاص غبات البحر جاب درا=ويحمد مصابيح السرى كل ساري
وأنا أحمد اللي جاب لـي ماتحـرا=وأذهب غبار الذل عني وطـاري
والعمـر مايـزداد مثـقـال ذرا=عمر الفتى والرزق في كف باري
وصلاة ربي عد مـا خـط قـرا=على النبي ما طاف بالبت عـاري

(ديوان الأمراء وتحفة الشعراء - ماجد بن طاهر )

 

 

 

 

[معلومات العضو الهاج ـري]

بيض الله وجهس على نقل هذه القصيده المميزه

 

 

 

 

[معلومات العضو شيهانه بكف صقار]

ووجهك ابيض

لاهنت على المرور الطيب

لاعدمناك

 

 

 

 

[معلومات العضو دـأيـم إهـذريبــگ]

مشكورهـ والله يعطيك العافيه على الطرح

والله يرحم الامام تركي بن عبدالله ال سعود

تحياتي

 

 

 

 

[معلومات العضو الرحال 99]

الله يرحم الامام المجاهد تركي بن عبدالله

 

 

 

 

[معلومات العضو جذابه بنت ذيابه]

الله يرحمه ويغمد روحه الجنه


مشكوره ياقلبي على طرحك

 

 

 

 

[معلومات العضو شيهانه بكف صقار]

اللهم اميييييين

لاهنتم ع المرور الضاااوي

اعذب التحااايااا

 

 

 

 

[معلومات العضو ابومبخوت الدوسري]

بارك الله فيك والله يعطيك الصحة والعافيه على هذا الطرح والمعذره على التعديل في القصيدة تقبلم ارقاااا التحاااايااااا

 

 

 

 

[معلومات العضو شيهانه بكف صقار]

ياهلا ويامسهلا اخوي

تسلم ع التنسيق , كل الشكر