فنجال وعلوم رجال

[معلومات العضو ابو حسين الدوسري]

فنجال وعلوم رجال

0 0 0 بكر هذال مدخل للشاعر راكان بن حثلين العجمي: ياما حلا الفنجال مع سيحة البال في مجلسٍ ما فيه نفسٍ ثقيله هذا ولد عمٍ.. وهذا ولد خال وهذا رفيقٍ ما ندوّر بديله الإنسان العربي معروف بكرمه ومراجله ونخوته وشجاعته وصفاته الطيّبة منذُ القدم التي توارثها عن الآباء والأجداد.. وقد بين لنا العديد من الشعراء الشعبيين من خلال أشعارهم الحكيمة فوائد علوم الرجال وأهميتها في حياة الإنسان خاصة في سن الشباب وما تعود به من منافع وسمعة طيِّبة.. فكل عمل نبيل يشكر عليه الإنسان يقول الشاعر ذعار بن محمد العماج: من لايحوش المراجل بأول الروح ما حصل المرجله والراس شايب لا صار راس الصبي ما هو بممدوح لا تشتحن لا حضر وان قيل غايب لا صار ما للنشامى فيه مصلوح يا جعل يسعى بقبره بالنصايب وعلوم الرجال وقصصهم الهادفة دائماً تحثنا على كل ما هو جميل مثل الاهتمام بالشرف والأمانة وحقوق الجار والترحيب بقدوم الضيوف ولين الجانب لهم وفي هذا الشأن يقول الشاعر بدر الحويفي الحربي: كسب المعالي ما يجي بالسهوله يصعب على اللي ما يجامل على الكود المجد عشّاق الكسل ما ينوله دربه على اللي يجهل الطيب مسدود وحفظ الشرف مبدا صفات الرجوله والمتزن ما هو على درب منقود ومجلس الرجال.. كما هو معروف المكان المخصص لجلوسهم فيه، ويعتبر من أهم ضروريات المنزل، ونجد فيه شبة النار واحتياجات الضيوف من المعاميل والقهوة والشاي والعود الأزرق وكل ما يجمّل صاحبه لذا فإنه يحلو فيه الجلوس والكلام الممتع والسمر والاستمتاع بالسواليف الطيّبة التي تنبع من الأعماق وتصدر من ثقة بالنفس واقتناع تام، وكذلك القصص الهادفة التي تحث على النخوة والكرم والاصالة والشجاعة وكل ما هو جميل من الهرج المفيد فتحلّي مجالس الرجال وتشد انتباههم وفي هذا المجال يقول الشاعر محمد بن شارع بن شري: المجلس اللي ما يروده رجاجيل تلقى دلاله والمراكي جديده أحدٍ على الصالي دلاله مقابيل وأحدٍ عن صالي دلاله بعيده ومما لاشك فيه أن (المجالس مدارس) فنجد كثيرين يحرصون على تلبية الدعوات عند الرجال الأوفياء الذين يقدرون الرجال.. ويحصرون على اصطحاب أبنائهم من أجل الاحتكاك بأهل المراجل والاستفادة منهم ومن مجالسهم العامرة بالكرم والرجولة وهذا الشاعر شاهر بن ضاحي آل سحيم يوصي ابنه بهذه الأبيات الحكيمة التي يحثه فيها على فعل المراجل وعلوم الرجال: أوصيك يا محمد وهذي وصيه سوالفي ما كل غمرٍ يفيدها عليك بالعليا تراها صعيبه واشد واصلب من سبايك حديدها ومن يحرص على علوم الرجال والمراجل نجد أن الناس يشهرون صاحب ذلك المجلس الطيّب ويقدرونه ويكرمونه ويعظمون شأنه في المجتمع نظير حبه للناس وجمعهم والاهتمام بهم وبدعوتهم في كل مناسبة لحضور مجلسه والحرص على التواصل معهم، ولولا المراجل لم نشاهد المحبة والتآخي والمساعدة بين الأصدقاء والزملاء والجيران والأقرباء وفي هذا الشأن يقول الشاعر حمد عبدالله المعجل: المجلس اللي مدهلٍ للرجاجيل يا حبني لأهله ويا حبني له ما يوجد إلا العود بين المعاميل وسوالفٍ تبري الكبود العليله 0 0 0 تحيتي

 

 

 

 

[معلومات العضو ابومبخوت الدوسري]

بيض الله وجهك يانسل الأجاويد على العلوم الطيبة وعلى هذا الموضوع الجميل لاهنت

المجلس اللي مدهلٍ للرجاجيل =يا حبني لأهله ويا حبني له
ما يوجد إلا العود بين المعاميل =وسوالفٍ تبري الكبود العليله

تقبل تحياااتي وتقديــــري

 

 

 

 

[معلومات العضو عبدالله الحافر الغييثي]

لاهنت يانسل الاجاويد

 

 

 

 

[معلومات العضو ابو عمر الشمري]

لاهنت يا نسل الاجاويد ,, ابيات رائعة

 

 

 

 

[معلومات العضو شيهانه بكف صقار]

لاهنت ع ايراد القصص والابيات

نومستنا


تحياتي

 

 

 

 

[معلومات العضو ابو حسين الدوسري]

المشاركة الأصلية كتبت بواسطة أبومبخوت الشكرة

المجلس اللي مدهلٍ للرجاجيل =يا حبني لأهله ويا حبني له
ما يوجد إلا العود بين المعاميل =وسوالفٍ تبري الكبود العليله

لك طولت العمر يبو مبخوت لك تحياتي وتقديري

 

 

 

 

[معلومات العضو ابو حسين الدوسري]

المشاركة الأصلية كتبت بواسطة خميس مطر الغييثي

الله لايهينك يبومطر وشاكر لك مرورك الضاوي
لك تحياتي وتقديري

 

 

 

 

[معلومات العضو ابو حسين الدوسري]

المشاركة الأصلية كتبت بواسطة ابو عمر الشمري

اعتلا شانك يبو عمر شاكر لك مرورك الكريم

 

 

 

 

[معلومات العضو ابو حسين الدوسري]

المشاركة الأصلية كتبت بواسطة شيهانه بكف صقار

لاهنت ع ايراد القصص والابيات

نومستنا


تحياتي

الله لايهينك يشيهانه شاكر لك مرورك العطر
تحياتي

 

 

 

 

[معلومات العضو الــخــضــرانــي]

بيض الله وجهك على ذالقصيده ولاهيب غريبه منكم
تقبل تحياتي الــــخـــضـــراااااانــــي

 

 

 

 

[معلومات العضو ابو حسين الدوسري]

المشاركة الأصلية كتبت بواسطة الــخــضــرانــي

بيض الله وجهك على ذالقصيده ولاهيب غريبه منكم
تقبل تحياتي الــــخـــضـــراااااانــــي

ووجهك ابيض يخوك يالخضراني ولك التحيه مني والتقدير
شاكر لك مرورك