تهب الرياح ويربح اللي ذرا فيها !!

[معلومات العضو الـنـازي]

السلام عليكم ورحمة الله

اعزائي اعضاء ورواد منتدى الدواسر ,, بهذه القصيدة ابدأ اولى مشاركاتي وهي

للشاعر الكبير / علي بن بلال اليامي ,, استمعت بقرائتها كثيرا وحبيت

اني اطرحها بين ايديكم لتشاركوني المتعه .. اترككم مع القصيده :

تهب الريـاح ويربـح اللـي ذرا فيهـا=ومـن لاذرا فيهـا تعدتـه الاربـاحـي
الايـام وديــانٍ طــوالٍ محانيـهـا=تعرضت أنا ما شاح فيهـا ومـا لاحـي
ديـارٍ نصبحهـا والأخـرى نماسيهـا=ليا طاب نوم اللي علي الهون يرتاحـي
تجزعت من دنيـاً عسـي الله يكافيهـا=ضحوكٍ عواقب ضحكها يمرض الصاحي
جيـاعٍ ذيابتهـا.. شبـاعٍ حصانيـهـا=تعز الردي وتهيـن كسّـاب الأمداحـي
ولا أقصـد بها شبعـة عـزيـزٍ يزكّيـهـا=أنا أقصد بها نـاسٍ غنييـن وشحاحـي
تميّحك لين إنـك مـن الجـم تسقيهـا=وتطوي رشاها وأنت في البيـر ميّاحـي
غنـاة محـرومٍ تِلحـق اللـوم راعيهـا=لها الوارثين وهـو لجـذاب الأرواحـي
أنا أشوف نـاسٍ زود الأمـوال يطغيهـا=وهم ما خذوها يـوم الأنيـاب كلاحـي
وجيه السراب اللي يخيب الرجـاء فيهـا=كبـار الكـذاب مكثريـن التمـداحـي
ضعوفٍ تزعزع في العوافـي عزاويهـا=تهبد الصحن وتفطـح الهـرج فطاحـي
وعنـد اللزوم يبيـن للنـاس خافيـهـا=يضيعـون ويجـي للعـزاوي تبطاحـي
ومن لاعرف كـدر المعانـي وصافيهـا=غدره الزمان الشين في ثـوب مزاحـي
والأنـذال لـو بالمـال تنفـخ علابيهـا=يضيعون عند حساب كم جاء وكم راحي
وترى كل من لـه عـادةٍ مـا يخليهـا=لما جاء الزمان اللـي هبـودٍ ورمّاحـي

تحياتي للجميع

 

 

 

 

[معلومات العضو برنسيسه الريــــاض]

طـــــــــــــــــرح رائـــــــــــــع واختيـــــــــــار مــــوفـــــق

يعطـــــــــــــــــيك العافيــــــــــــــــــــــــه

 

 

 

 

[معلومات العضو (((السبع)))]

حياك الله يا النازي وصح لســـــــــــــان الشاعـــــــــــــر

 

 

 

 

[معلومات العضو متعب الشكري]

صح الله لسان الشاعر علي بلال قصيده رائعه ولاهنت اخوي النازي على النقل

 

 

 

 

[معلومات العضو صقر الصقور]

أناأشوف ناس زود الاموال يطغيها ***وهم ما خذوها يوم الأنياب كلاحى


الله على الأبيات ويعطيك الف عافيه على طرح هذة الابيات وصح لسان قائلها

 

 

 

 

[معلومات العضو الـنـازي]

المشاركة الأصلية كتبت بواسطة برنسيسه الريــــاض

طـــــــــــــــــرح رائـــــــــــــع واختيـــــــــــار مــــوفـــــق

يعطـــــــــــــــــيك العافيــــــــــــــــــــــــه

كل الشكر لك برنسيسه على المرور الجميل

 

 

 

 

[معلومات العضو الـنـازي]

المشاركة الأصلية كتبت بواسطة (((السبع)))

حياك الله يا النازي وصح لســـــــــــــان الشاعـــــــــــــر

ابقاك الله وصح بدنك يالسبع

 

 

 

 

[معلومات العضو الـنـازي]

المشاركة الأصلية كتبت بواسطة حزم الظـآإآمـيے

صح الله لسان الشاعر علي بلال قصيده رائعه ولاهنت اخوي النازي على النقل

حزم الظامي

صح بدنك ولاهنت على المرور الذوق

 

 

 

 

[معلومات العضو الـنـازي]

المشاركة الأصلية كتبت بواسطة صقر الصقور

أناأشوف ناس زود الاموال يطغيها ***وهم ما خذوها يوم الأنياب كلاحى


الله على الأبيات ويعطيك الف عافيه على طرح هذة الابيات وصح لسان قائلها

الله يعافيك يا صقر الصقور ومرورك يزيدني

 

 

 

 

[معلومات العضو خيالية]

يعطيك العاااافيه .....

 

 

 

 

[معلومات العضو محمد بن سالم الخضراني]