العز في الجمعا على الدين واهداه

[معلومات العضو راشد المسعري]

ياا لله يا اللي كل عين ترجاه
يامدرج الأفلاك يا خير هادي
يا اللي ليا ضاقت علينا طلبناه
عليك يا والي الأمور اعتمادي
امشي على أوامره وادورارضاه
وأساله الغفران يــــوم التنادي
يوم شديد تشكي الناس بلواه
من الرسول موكدينــه وكادي
يوم يشيب روس الأطفال مبدآه
ما ينفع المذنوب صفق الأيادي
البعض منهم واهج النار تصلاه
والقسم لآخر في ظلال وبرادي
من فاز يعطونه كتابه بيمناه
ويصير جوه عقب الإشفاق هادي
خسران يا بياع دينه يدنياه
طول الدهر لا فاد ولااستفادي
من قام ضد الدين لأربح مسعاه
عليه ناحــــو لابسات ألحدادي
والخاتمة يعطى كتابه ييسراه
ويصبح على حزنه وويله ينادي
على الظلال يعيش الوقت قضاه
قضى حيــــــاته غفلة وانتقادي
اللي اشترك في الظلم يصير لما جاه
يصبر ليوم فيــــــه يثنى القيادي
يا وجد من كثرت خطاياه وجداه
عقب الترف والعز شاف ألزهادي
ترضى لنفسك يا فتى الجود ترضاه
تمشي مع الإرفاق من غير زادي
الوقت لأطالت لياليه عفناه
مطال يقصــــــر والمصيرالنفادي
دنيا دنيه ربحها اليوم شفناه
نار تولع وأخـــــــــرتها رمادي
كم غافل غاراتها كدرت ماه
ان صبحت ولا تهجده هجــادي
عليه ميلات الدهر تشمت أعداه
يرجع عليــه الوقت هــم ونكادي
ما ينطوي المعنى على غيرمطواه
ولا ينجح اللي في ملفه سوادي
اللي مضا من الوقت بعضه نسيناه
واللي ذكرنا مثل حلم ألرقــادي
باليت يرجع وقتنا اللي خسرناه
وان الخطااللي فات ليته يعادي
غلطان يا للي سلم الأجود خلاه
خلى الشرف واختار درب ألفسادي
لاتقتدي بافعال هذاك واياه
صداقته تشمت عليك الأعـــــــادي
الله يا الذي هقاويه مرداه
اصبح ذميم بين حضر وبــــوادي
الشرف في لاماه والعيد فرقاه
اخذ النصيحة يافطين الفـــــوادي
ينكر خطا غيره ولاينكر خطاه
وزود على كثر المجادل اعنادي
وعلى عرض الناس يركض مطاياه
وفزع مشاويره على غيــر قادي
من رابع الخايب سكن درم واياه
لبس الدناسة عقد لبس الجـــدادي
ومن طاوع الشيطان في دينه اغواه
يصبح غريق بين الأمواج غادي
اللي قبل منا النصيحة نصحناه
واللي عصا يهديه رب العبادي
من عاشر الطيب ترى الطيب شرواه
وبالطيب يرقى نايفات المبادي
خلك مع الطيب وممشاك ممشاه
ورافق على الربع القروم العوادي
العزياللي تنتمي له وتبغاه
ماهوب في الكرة ولافي النوادي
عز الفتى دينه وسلمه ومرباه
وربعه عضوده عند قدح الزنادي
تاقف معه وبقدر الامكان تحماه
لاصار باطراف الحبال انعقادي
العز في الجمعا على الدين واهداه
والذل والخذلان فــي الانفرادي
ماكل من ذب الطويل يتعلاه
ولاكل رماي توفق وصـــــادي
ما ينطح الماجوب قولتك لولاه
والسيف مايطعن وهو في الغمادي
والمرجلة رجم يعنيك مرقاه
عسر على العاجز طويل عيادي
قول بليا فعل ماله مكافاه
سراب جـــو زامي به حمادي
والبخل مازود هل البخل في الجاه
والمدح مــاناله كبير الوسادي
احسب حساب الوقت واعرف قضاياه
وخلك على طول الحياة اقتصادي
ورزق بحوشه صاحبك لاتمناه
ومع الشريعة لاتسوي اعتقادي
واللي صفاله مقدم الوقت واغناه
لايحسب ان بافي الليالي عيادي
وسر الفتى لابد يعرف من اقصاه
يعرف وبفعاله تذيع الروادي
وماقدمت يمناه يحصى ويلقاه
يحصية من دمر ثمود وعادي
لاتبتهد خصم تقابلت واياه
افه احقوقه واخذ منه القوادي
اللي صلح والمصلح اجره على الله
واللي عفا عن خصمه اجره يزادي
ياما سمعنا من الكلام وتركناه
واصد ماكني سمعت المنـــــــادي
اسهر ولذات الكرى ماتهناه
بين المنام وبين عيني اجهـــــــادي
الله من قلب طواريه تشعاه
ونفس تعاتبنــــــي وصدر حشادي
يشبه لرسلان على النار مركاه
مع الحرارة زودها القنـــــــــادي
انشد عن اللي تقصده قبل تنصاه
واكسب معرفه في الرجال الجيادي
معرفة الاجواد ربـــح كسبناه
عنبـــــــــر ومسك والتلالي زبادي
لاجاك مبلـــــــي زمانه تحداه
حده عليك من اشهب اللال حادي
واســــــه ولاتخبر عدوه ابلواه
واصبر على الشدات صبر المهادي
وماينفع المحتاج رزق تـــــعداه
ولايغنى الكســـــــلان كثر القعادي
امن الرجال اليا تـــــعارفت واياه
تزداد مـــــــن فكره ورايه سدادي
ومنهم وفيهم مـــــن تحبه وتشناه
واخيرهم منهو لربعه اسنـــادي
يااللي تريد الحر دور لمجنــــاه
يعجبك لاطلقته نهـــــار الهدادي
لمااعترض جول الحباري تولاه
زنده قوي والــــــمخالب احدادي
يهوي سريع وكل ماناش ضواه
من الجو حولها عريض الثنادي
وحيا يفوتك لاتخيـــــــل رفاياه
ولاترتجي صيف رعاه الجرادي
ودرب الردا والـــجو كله عرفناه
يــــــا الله تهدينا لدرب الرشادي
السيل ماياتي على غيــر مجراه
ولاينعطي لـــول شهادة اعدادي
واللي يبي يملك ابيوت امبنـــاه
مامتلك شـــي بدون اجتهادي
واللي نثر حبه على غير مسقاه
يخسر ويندم عند وقت الحصادي
كل على مقصد فوادة ومـــــعناه
ولولا المقاصد ماوصلنا المرادي
عزي لمن ضيع رحولــه بمسراه
ضل الطريق وضاع منه الجوادي
الوقت قيض واصبح الدارمضماه
لاله دليــــــــل ولا يعرف السدادي
القاف شاب وبسم ربي ختمنـــــاه
اللي بسط سبـــــع وسبع شدادي
وصلوا علــــــى اللي دلنا واتبعناه
عد المطرواعداد مــا سال وادي
نبينا اللي جنــــــة الخلد مــــــاواه
مبعوث وارسل رحمة للعبادي


منقول/ للشاعر محمد بن عايض الحبابي

 

 

 

 

[معلومات العضو محمد بن حمد الشكرة]

صح الله لسانك واعتلا شانك يابو محسن على نقل القصيدة وصح الله لسان الشاعر /محمد بن عايض الحبابي القحطاني ولاتحرمنا من الجزلات ياالقرم

 

 

 

 

[معلومات العضو راشد المسعري]

المشاركة الأصلية كتبت بواسطة محمد بن حمد الشكرة

صح الله لسانك واعتلا شانك يابو محسن على نقل القصيدة وصح الله لسان الشاعر /محمد بن عايض الحبابي القحطاني ولاتحرمنا من الجزلات ياالقرم

محمد بن حمد الشكرة

صح بدنك وتسلم على المرور على القصيدة والرد الطيب ، لاهنت وتقبل ودي وتقديري ،،،،

 

 

 

 

[معلومات العضو مجري الهياب]

صح لسان الشعر الحبابي ولاهنت ياراشد على النقل وتقبل مروري

 

 

 

 

[معلومات العضو ناصر بن فهد]

صح لسانك ياابومحسن


وصح لسان الشاعر /محمد بن عايض الحبابي


ولاهنت وبيض الله وجهكـ على النقل

 

 

 

 

[معلومات العضو عطب الضرايب]

لاهنت
,
وصح الله
,
اللسان
,
الشاعر
,
محمد بن عايض الحبابي

.

 

 

 

 

[معلومات العضو محمد بن سالم الخضراني]

 

 

 

 

[معلومات العضو متعب الشكري]

صح لسانك ياابومحسن


وصح لسان الشاعر /محمد بن عايض الحبابي


ولاهنت وبيض الله وجهكـ على النقل

 

 

 

 

[معلومات العضو خيالية]

صـــــــح لسااان الشـــاااعر ،، يعطيك العااافيه .....

 

 

 

 

[معلومات العضو ابو زابن المسعري]

بيض الله وجهك على نقل هذه القصيده الجزله

وصح الله السان الشاعرمحمد بن عايض الحبابي

فهو معروف بقصائد النصح والارشاد

 

 

 

 

[معلومات العضو نادر الناهشي]

لاهنت اخوي راشد على النقل الموفق وعادتك ماتجيب الاالجزل

وصح لسان الشاعر

 

 

 

 

[معلومات العضو عبدالله الحافر الغييثي]

صح الله لسانك واعتلى شانك يابو محسن على نقل القصيدة وصح الله لسان الشاعر /محمد بن عايض الحبابي القحطاني وهذا يدل على علو ذائقتك يالمطوع

 

 

 

 

[معلومات العضو راشد المسعري]

مجري الهياب
ناصر الفصام
إيفرست
محمد بن سالم بن فهيد
حزم الظامي
خيالية
ابو زابن المسعري
نادر الناهشي
خميس مطر الغييثي

صحت ابدانكم جميع والله لا يهينكم على المرور على القصيدة والكلام الطيب وهذا من ذوقكم

وتقبلوا ودي وتقديري ،،،

 

 

 

 

[معلومات العضو نايف الخييلي]

اختيار جزل ومثل ماقال اخونا الغالي خميس اختيار يدل على ذائقه شعريه عاليه

صح لسان الشاعر وسلمت يمنى الناقل

 

 

 

 

[معلومات العضو دغش محمد الصخابرة]

صح لسانك ياابومحسن


وصح لسان الشاعر /محمد بن عايض الحبابي


ولاهنت وبيض الله وجهكـ على النقل