الحــــــــــــــــر ما تـــرضيه غير المعالي

[معلومات العضو براك السديري]

هين مردك للفرج يأكبـر الضيـق
دام الليـالـي تقتفيـهـا لـيـالـي
هي بس تبغى طول صبر وتوافيـق
وأشيل هـم النـاس كلـه لحالـي
وعمر المربط مايسـوق المطاليـق
والحر ماترضيـه غيـر المعالـي
ياصاحبي وإن زاد ظلـم المخاليـق
فلاتحسب إن الله عن الخلق سالـي
والطيب يمحى العيب عرف ومواثيق
والا الخطا ماله على الطيب والـي
واللي جرحني بين حدب ومعاليـق
مأخفي عليك انه الى الحين غالـي
ياحلمي اللي مالـك اليـوم تحقيـق
حبك حقيقي بـس وصلـك خيالـي
والحب يفضحني وان اخفيته يويـق
وإن مامضالـي بالوفـا مابقـالـي
جرحتني مختـار ياحالـي الريـق
واسامحك مجبـور يـاراس مالـي
صوره ولا يحتاج الإحساس تعليـق
أركض رجا ويطيح ميّـس ظلالـي
وان كان بيبان المشاعـر مغاليـق
فماهو جديد ان الزمـن ماصفالـي
ليت الهوى جمعه ولا فيـه تفريـق
أوليـت ماللبعـد فالقلـب صالـي
ياصاحبي وان شلت لك فوق ماطيق
فأنا لحالي جيـت وأرحـل لحالـي
وهين مرده ينتهـي كـل هالضيـق
وأقـول للمـره الأخيـره تعـالـي

 

 

 

 

[معلومات العضو خيالية]

صـــح لســاااانك ويعطيك العاااااافيه ...............

 

 

 

 

[معلومات العضو ناصر فياض الودعاني]

ياحلمي اللي مالـك اليـوم تحقيـق
حبك حقيقي بـس وصلـك خيالـي
والحب يفضحني وان اخفيته يويـق
وإن مامضالـي بالوفـا مابقـالـي


صح لسانك يابراك


ولاهنت على النقل تقبل مروري بكل الود

 

 

 

 

[معلومات العضو براك السديري]

اشكركم على مروركم الكريم

 

 

 

 

[معلومات العضو محمد بن سالم الخضراني]

صح لسانك ولسان شاعرها

ولاهنت على النقل

 

 

 

 

[معلومات العضو دغش محمد الصخابرة]

لاهنت وصح الساااااانك والسان قايلها

ويعطيك العافيه على الطرح يابراك........

 

 

 

 

[معلومات العضو نادر الناهشي]

براك السديري

ياصاحبي وان شلت لك فوق مااطيق

فانالحالي جيت وارحل لحالي

لاهنت على النقل ولاهان شاعرها

 

 

 

 

[معلومات العضو يحيى الودعاني]

صـــــــــــــح لســــــــــانك و اعتلا شانك

لاهنت

 

 

 

 

[معلومات العضو براك السديري]

اشكركم عى مروركم الكريم