قصيده للشيخ الدكتور عائض القرني في قبيلة الدواسر وآل زايد

[معلومات العضو ابومبخوت الدوسري]

قصيدة الشيخ / عايض القرني في قبيلة الدواسر

يبرق البارق لمقدمـك والراعـد رعـد=وأرضنا ترقص إذا جيت والشاخص يميل
الله من قلبٍ علـى نغمتـك قـام وقعـد=كن قولك منهـلٍ بـاردٍ مـن سلسبيـل
أو كما العاب خودٍ علـى المبسـم بـرد=ضاع في المسك والطعم طعم الزنجبيـل
جعل عينٍ تنظلـك نونهـا فيـه الرمـد=وجعل قلبٍ ما يحبـك يقطْـع بالصقيـل
يا نشيد السحر لعلـع ويسلـم مـن نشـد=عزوته بـاولاد زايـد مزبنـة الدخيـل
يطرب القمري ويمسـي يغنيهـا الصلـد=والحمـام إذا سمعهـا يرتلهـا هـديـل
يا حمير أسلم وجاك الوفـا متـن وسنـد=مثل غيث الحشرنـوه يخيـل ويستخيـل
(من رجال (الأزد) نعمين والعالـم شهـد=مانبي من خايب الجـد والمفلـس دليـل)
لورصاص الحرب يهمي كماوبل البـرد=فوقنا يابوعلـي فـي الجماجـم ماتميـل
نشرب الدم مثـل شـرب المولـه للفنـد=وننشق البـارود كنـه رياحيـن النثيـل
والدخان إذا حضرنا الوغـا كنـه ثمـد=نكتحل به والقنا عندنـا مكحـل وميـل
(ربعنا الأنصار) في الحرب واردهم ورد=وحنظله منا شهيد وفـي الجنـه غسيـل
جيشنا في بدر بـدع وجّـوْد فـي أحـد=قطع روس الشرك بيمانا يشفـي الغليـل
طعننا صوب الكلـى والحشايـا والكبـد=وضربنا بالسيف الاجرد على راس القتيل
مانهاب الموت لو كان في شـدق الأسـد=باعت الأرواح في سوق يسلم من يشيـل
وش بعد تطلب نحدثـك عنـا وش بعـد=أقصر الهقوات تكفى ترى المسرى طويل
شيخنا لوجاك شـوره تقـل يـازن بلـد=وطفلنا من جودة العقل جـا شيـخٍ ثقيـل
والنميمـه والخنـا سوقهـا فينـا كسـد=ما تسمعنا لهرجـة حقيـراً قـال قيـل
ما تغزلنـا بسلمـى ولانـوف ورغـد=ما تغنينا من الوجـد بالطـرف الكحيـل
أرتضينـا منهـج الله وبايعنـا الفـهـد=وانتسبنـا للحنيفيـه الديـن الأصـيـل
والذي ما يعبـد الله يمـوت مـن الكمـد=وش يبي بالعيش عيرٍ على المزود وبيـل
عن صلاة الفجرويل الـذي عنهـا رقـد=تايه مخبـول يامشبهـه بصحـاب فيـل
من يريد المجد يتعب ومن يزرع حصـد=والنجـاة بطاعـة الله ويانعـم السبيـل
والله اللي صاحب الجـود ماللجـود حـد=مدتـه تغنـي إلا قطّـب الاش البخيـل
يقبـل التايـب ومـن رد ماكنـه شـرد=أمره النافذ ولـو قلـت هـذا مستحيـل
لـه نـزولٍ بآخرالليـل والعالـم هجـد=من دعا يكرم ويعطى وهـذا كـل ليـل
ما نظمت الشعرلجـل العطايـا والرفـد=ولاطلبت من الخلايق ولو وزنـة فتيـل
الله من علمٍ وشعرٍ بصـدري لـه زبـد=هايجٍ مايج منيـفٍ علـى دجلـه ونيـل
كل ماقمت احبسه يا قصيدي هـد - هـد=غير يغلبني بغزره وأنا جسمـي نحيـل
كم تدفق مثل سيـل العرمـرم واحتشـد=حطم الجدران من صطوته شال النخيـل
مقصدة وادي الدواسر يكرم مـن قصـد=جودهم لوسال في الناس ينسي كل سيـل
يا مخيلْ وبل ليـلٍ علـى القبلـة ركـد=زعزعته الريح وأقبل وله زجروصهيـل
له مناشي في محايل وزمجرفـي ضمـد=راعده زلـزل بفيفـا ودوا فـي بكيـل
أحتكم في ديرة الجـود وأهمـل وجتهـد=كن شبيهٍ للدواسر تـرى الغالـي قليـل
قالهـا عبـدٍ لمـولاه مـا يعـزا بأحـد=غير رب البيت حسبي وهو نعم الوكيـل
والصلاة على محمد تسيـر بـلا عـدد=وآل بيته والصحابه خلاصة كـل جيـل

 

 

 

 

[معلومات العضو أخو الشيوخ]

صح لسانك ياشيخنا


وسلمت يمين من نقلها



تقبل مروري



أخو الشيوخ

 

 

 

 

[معلومات العضو ابومبخوت الدوسري]

أرحب يا أخو الشيوخ على المرور الطيب الله يسلمك من كل شر تحيـــــــاتي وتقديـــــــري

 

 

 

 

[معلومات العضو دغش محمد الصخابرة]

لاهنت بو مبخوت ويعطيك العافيه ,,,,

ودمتم بحفظ الرحمن....

 

 

 

 

[معلومات العضو الشقرديه]

صححح لسان الشيخ الفاضل/ عائض القرني
ولاهنت اخوي على طرحك القصيده الرائعه

 

 

 

 

[معلومات العضو ابوعبدالرحمن الودعاني]

جزاك الله خيراً وبارك الله في عمرك وعملك

على إيراد هذه القصيده العصماء

والشيخ عائض جمع الخير كله بارك الله فيه

محبك / أبوعبدالرحمن الودعاني

 

 

 

 

[معلومات العضو أبن حفيظ المزروعي]

السلام عليك ورحمة الله وبركاته ... ما لها تسجيل صوتي ؟ ... ولاهنت على المشاركه الطيبه ...