هية دهم وعبيده على الدواسر ومقتل أبن الاشرم أمير عبيده

[معلومات العضو حفيد الأمراء]

مناسبة القصيدة

يرويها لنا أبن الشاعر محمد بن هادي ابوسواحة الهواملة


الشيخ حسن بن محمد بن هادي الهوملة يقول في مناسبتها:


كان هويدي ابن بطينه راعي عند الهوامله وقال بروح الى جماعتي ال دمنان صوب نجران والجماعه بيشدون صوب الشمال حول الربيع

وانا ماني برايح معكم يالهوامله واخذ شرطه (( على دور السنه ياخذ له مفرود من الابل ) والهوامله اختلف عليهم الراي وغيروو وجهتهم صوب السليل ( القانص )

ويوم وصل انت ياابن ابطينه عند جماعته في دهم وعبيده قال ميد جماعته عينت لي دبش ماعندها احد

صوب القانص ويبي ربعه يتغنمون من الابل ويوم وقعوا على الحلال الإ هو حلال الهوامله بالصدفه

قال ابن ابطينها ميد جماعته : هذه ابل الهوامله وعليها الرثمه وصاح فيهم ياقوم هذولا العرب لا يمنعون ولا يرحمون ولا توخذ إبلهم خلونا ننحاش برقابنا

وقال بعض جماعته : حنا ودنا نفلت بعمارنا

وقال بعض جماعته الاكثريه : ما جينا من ديارنا الإ وحنا ناوين على الحلال ولا عندنا نيه ان حنا انهون

ثم قاموا وغاروا على الابل وخذوا الاكثريه منها ويهجونها و لا هجت لانها ما بعد إخذت من قبل


ثم صاح الصائح من الهوامله والإ هم يلحقون دهم مع عبيده واشتبكوا مع بعضهم وصار الذبح بينهم

بين( وذبح ابن الاشرم من امراء عبيده )وهو سابع سبعه وفكوا الابل

ويوم كل عود ديرته قالت ام( ابن هضبان امير دهم )" لعنباك ماجبت من المعضه ( ناقه ) بشي "

وقال ابن هضبان ميد امه راد عليها : " والله لو جبت لي منها احوار ان تشوفين وادي ادهم وعبيده

مليان من الدواسر "

فقال محمد بن هادي الهوامله قصيدته المشهورة

ونصاها الأمير حزام بن خزام العجالين وأمتدحه فيها :

عند الضحى بد يتنا لي نايف=في راس رجماً من علوي اشروفها
اول كلامي لا إله إلا الله=اللي رقيباً فوق الامه يشوفها
من عقب ذا ياراكبٍ فوق حايل=راعيها بمسواق الرحايل يلوفها
تنصى حزامٍ مشبع الضيف في القسا=راعي كرمتاً ما تنعرف لي وصوفها
راعي صحناً لا غابت الشمس جره=ما ينعرف لي حايله من خروفها
لا جاونا أهل الجبل يبغون إبلنا=على الحضانيا دامياتاً خفوفها
فبعنا عليهم بيعتاً ينحكابها=على شمخ العيرات نحمي عصوفها
لا كن قطيط الهيج منا ومنهم=بردا مخيلٍ منشيٍ من قنوفها
نطعن لعينا كل ملحاً زانه=هزعا الفقار اللي تحالق صوفها
طاح أبن لشرم وقفوا رباعته=سمر الحدايا شالته في كفوفها
ثلاثة ً وسط المدوسه واربعه=ونفساً نحر القوم جعله ذلوفها
هذا لعينا اللي أتنبا منا=في هيتاً يا ليت عينه تشوفها
حنا هل الحرشا لانق صايح=لا قامت الحيران تعثر خلوفها
حسنية ً تروي السنسن إلى التقوا=نصبر على الدنيا لا جا احذوفها
زايدية ً نبني الشروع الطيبه=هل بيعتاً لا جا ملاقي شنوفها
ختمت جوابي والصلاة على النبي=عد الحجر وعداد ممشى صروفها

 

 

 

 

[معلومات العضو الشقرديه]

الف عافيهـ على طرحكـ الرائع كل الشكر

 

 

 

 

[معلومات العضو الهول الودعاني]

يعطيك العافيه يا حفيد الامراء وبيض الله وجهك على السالفه الطيبه هذي ومهيب غريبه على الهوامله وانشهد انهم يرفعون الراس

 

 

 

 

[معلومات العضو سعود بن محمد الصخابره]

طرح جميل من اللي مع الهوامله يوم الهيه

 

 

 

 

[معلومات العضو حفيد الأمراء]

شاكر للجميع


على هذا المرور العطر



والذي البس المشاركة



جمالاً ونورا



واما أستفسار أخي وابن عمي أبو محمد أعتقد جميع ال حسن



لأن الشاعر يقول في البيت الرابع عشر (حسينيةٍ)



والذي روى المناسبة هو ابن الشاعر






والسلام

 

 

 

 

[معلومات العضو حفيد الأمراء]

تنبيه هام


الذي شارك في هية دهم وعبيدة هم (قبيلة الفرجان والشكرة)

والشاهد قول الشاعر الشكري في هذه الهية

والنعم بالفرجان واللي من الابه حضر= آلاد شكر هل المدح في اليوم الكبير

 

 

 

 

[معلومات العضو ابو زيد الغييثي]

لاهنت يا حفيد الامراء هذا ذكر هذه الهية

ونعم بالهواملة علمهم طيب من أول

وتالي

ولا خلا ولا عدم

 

 

 

 

[معلومات العضو حفيد الأمراء]

الاخ الكريم


ابو زيد الغييثي



شاكر لك



على هذا المرور العطر



والذي عطر المشاركه



وماعليك زود