الشاعر سالم بن عيد بن هرسان القحطاني يمتدح الدواسر والأمير مشعان بن خزام بن حزام العجالين

[معلومات العضو حفيد الأمراء]

لاضاق صدري رحت للشيخ مشعان=أبغى اتسلى والسوالف نقيه
له مجلسٍ مليان شيبٍ وشبان=يفرح بملفى الضيف من منشويه
والعود الازرق دائرٍ بين الأخوان=وحيلاً تفطح بالصياني طريه
مهوب يحسب للخسائر اكحيلان=وسعد الرفيق وسعد منه خويه
حلحيل ما ينحال لو كان ما كان=يرسي كما ترسي هضاباً قويه
للصاحب أحلى من لبن كل مسمان=وللعدو رمحٍ وعلةٍ باطنيه
من نسل شيخٍ بالعسر يذبح الضان=ويفك عقب القوم في كل هيه
عجالين معروفين في كل ميدان=أهل الوفاء والطيب وأهل الحميه
دواسرٍ بالهوش ما هم بذلان=عند الشدائد لابةٍ صيرميه
يشهد له التاريخ في قصر عجلان=برفقة أخو نوره زبون الونيه
عبد العزيز معدلٍ كل غلطان=مصبح العدوان والشمس حيه
ياما وطو من المخاطر والأكوان=وكم صبحوا من ديرةٍ جاهليه
لين أصبحت نجدٍ بدينٍ وقرآن=وفي فطرةالإسلامٍ هم بالسويه
أقولها والله بصدقٍ وبرهان=وعقب صبيٍ في جوابه خطيه
وصلاة ربي عدّما هل ودان=على رسولٍ شرّف الله مجيه

 

 

 

 

[معلومات العضو فيصل الشكري]

لاهنت ياحفيد الأمراء على القصيده الطيبه


وصح لسان الشاعر على الابيات الرائعه


ويستاهلون العجالين المدح وهم كفووو



تقبلوا تحياتي,,

 

 

 

 

[معلومات العضو محمد الولامين]

صح لسان الشاعر سالم بن عيد بن هرسان القحطاني ويستاهل الأمير مشعان بن خزام بن حزام العجالين العلوم الغانمه
ولاهنت ياحفيد الامراء على ماقدمت وبيض الله وجهك

 

 

 

 

[معلومات العضو حفيد الأمراء]

الاخوة الكرام



فيصل الشكري



محمد الولامين



شاكر لكم



على هذا المرور العطر



والذي عطر المشاركه



والبسها جمالاً ونورا




ونثر عليها زهراً يفوح شذاه دوام الأيام



والسلام