تقييم واستفتاء لمشاركات (صدى نبض القصيد) (5) لأحمد الغاطي

**معلومات** **العضو** · 30-01-2009, 05:57 PM

بسم الله الرحمن الرحيم
السلام عليكم ورحمة الله وبركاته

مساء التألق والإبداع
مساء الرقي والإمتاع

لنـبـث في الأرواح.. المحبـة والتـأخـي ..
لـ نصنع من اللقاء.. أخـوة صـادقـة ..
ونعانقكم من جديد بالخير والإخلاص والوفاء ..
مره اخرى .. واخرى ... نظل نرتشف من تميز .. وعذوبه صدى شعرائنا

فهنا طرح من الاخ الشاعر الجزل
أحمد الغاطي
يقول في الابيات ...

القاف ذا الوقت لاما كتب في غزه=مهوب في شاعره يفخر ولايزها
لا يابقايا الشموخ وتالي العزه=من امة(ن) حلـّت الذله قلاوزها
لوهزوا ارضك صمودك ماحد(ن) هزه=عقيدة(ن) راسخه والله معززّها
للموت حزه ومجدك كل ابوحزه=مفاخر(ن) بالذهب شعبك يطرّزها
انا وما املك فدايا باقي العزه=ابطال واطفال غزه مع عجايزها

والابيات المجاريه هي :-

(1)

ياشاعر(ن) بهّر الدلـه علـى قـزه=يفداك منهو ليا صعبت فلا احرزهـا
نعيت غزه بقاف(ن) ضافي(ن) بـزه=في خمسة ابيات يالغاطي مبروزهـا
غـزه نختنـا وحنـا نطبـخ المـزه=مليار حتى الدعـا ياخـوك يعجزهـا
كل(ن) على قز رايه محرق(ن) رزه=وعدونـا حربتـه فالقلـب غارزهـا
وعباس ياخذ مـن الغليـون ويمـزّه=ويقول يا أولمرت قلي كيف عاوزها

(2)

يالربع والحزن خيم في وسط غزه = حرب اليهود المعادي ما نميـزها
ياناس اشوف العرب باسيف منغزه = دم العرب سايلً والجرح ينغزها
ماعدنا غير نشعر والشعر رزه = الله يعيين العرب في ما يلعوزها
وشيوخنا في قمم! للذل ملتزه = هرجات من بعدها تصفيق !! مخنزها

(3)

الجرح دامي وفوق طعونه نحزه=والتفرقه للاسف حنا نعززها
الحمدلله هو الناصر لاهل غزه=وحنا مجرد شعارات نبروزها
كفاحهم صامد والريح ماتهزه=لمن غفت عين..روح المجد تغمزها
لاقال واحد خطأ !! جاء الاخر وخزه=وشلون غايتنا بالله نحرزها!!!
صرنا مجرد صور تلعب بها الرزه=ولاجات ((رايس))من اللي يقول ماعزمها

(4)

من شان غزه قوافي الشعر منفـزه=فزة شجيع ٍ سهام الموت مبرزهـا
لا يا بقايا الرضوخ ولا بقى عـزه=الا جـروح ٍ نداويهـا ونعـززهـا
قلوبنا من سيـوف الـذل منخـزه=مات الرجا في قلوب ٍمـن يعززهـا
صارت ذياب العرب تجفل من العنزه=ما عاد تقدر ذياب اليـوم تحرزهـا
العار والنار والبـارود مـن كـزه=غير اليهودي وغزه حن جنايزهـا

وهنا فيه مجال للتقييم لطرح بعض شعراءنا لو تاخرو في المشاركه كما يحصل في العاده
وسنتيح المجال لهم لو أتت مجاراة متأخره

والان
أعضاء منتدانا الشامخ
هنا
(صدى نبض القصيد)
بنجومه وبوحهم المميز كما عهدناهم بين اياديكم وامام اعينك
*لتقييمها*
والتصويت على اي الابيات المجاريه في الوزن والقافيه والمضمون
باستطاعتكم ان تصوتو لكذا مجاراة في ضغطة زر مره وحده
فالمجال الان مفتوح امامكم للتصويت ...

**معلومات** **العضو** · 31-01-2009, 02:52 AM

اشكرك اختي نجديه على مجهودك الرائع والا نهائي

بيض الله وجيه الشعار ولا هنتوا

كل الشكر لكِ اختي نجديه واثنيها لك

**معلومات** **العضو** · 02-02-2009, 05:34 PM

جعلك تسلم اخوي ابوزايد لاهنت عالكلام الطيب

**معلومات** **العضو** · 02-02-2009, 05:51 PM

نفسي اعرف المستهبل اللي مصوت على لا شيء ؟؟
ياخوي كان وفرت صوتك لاحد المشاركين !

**معلومات** **العضو** · 02-02-2009, 06:24 PM

اقتباس:

المشاركة الأصلية كتبت بواسطة نجــــــــــديه

نفسي اعرف المستهبل

اللي مصوت على لا شيء ؟؟
ياخوي كان وفرت صوتك لاحد المشاركين !

هههههههههههههههههههههههههههههههههههه

لا عاد تحطين احتياط يانجديه شكل 6 هو اللي بيفوز ذا المره

(( انا اعرف اللي دشو الموضوع بس منهو فيهم الله اعلم ))

لاتقولين علمني لني مانيب معلم

**معلومات** **العضو** · 02-02-2009, 06:48 PM

صح الله لسان الشاعر الكبير احمد الغاطي وصح الله لسان الشعراء كلهم

وبيض الله وجهك يانجدية ولا هنتي

تقبلي تحياتي،،

**معلومات** **العضو** · 03-02-2009, 01:21 PM

قمه في المهزله والاستهزاء

يعني لو وفرت على نفسك ولا دخلت الموضوع افضل

**معلومات** **العضو** · 03-02-2009, 02:18 PM

اشكرك اختي نجديه على مجهودك الرائع

**معلومات** **العضو** · 04-02-2009, 01:33 AM

اقتباس:

المشاركة الأصلية كتبت بواسطة الحبيبي10

هههههههههههههههههههههههههههههههههههه

لا عاد تحطين احتياط يانجديه شكل 6 هو اللي بيفوز ذا المره

(( انا اعرف اللي دشو الموضوع بس منهو فيهم الله اعلم ))

لاتقولين علمني لني مانيب معلم

لاتعلم
منة الله ولا اللي يتمننون بالخبر والعلم اللي عندهم
بس ماودك تهد عليه واحد من اللي يبقسون

عندك لين

**معلومات** **العضو** · 04-02-2009, 01:44 AM

اقتباس:

المشاركة الأصلية كتبت بواسطة نجــــــــــديه

لاتعلم
منة الله ولا اللي يتمننون بالخبر والعلم اللي عندهم
بس ماودك تهد عليه واحد من اللي يبقسون

عندك لين

مانيب معلم لاني ما احب اثير الفتن 1

2 هذا شخص فاشل يحب يحارب النجاح لانه مايستطيع ان يجاريهم

3ولا تصدقين كل مايقال يانجديه هذا من باب المزح (( متحفظ جداً على الفقره الثالثه ))

**معلومات** **العضو** · 04-02-2009, 01:47 AM

اقتباس:

المشاركة الأصلية كتبت بواسطة هايف العماني

صح الله لسان الشاعر الكبير احمد الغاطي وصح الله لسان الشعراء كلهم

وبيض الله وجهك يانجدية ولا هنتي

تقبلي تحياتي،،

ووجهك ابيض لاشنت
اشكرك عالتواجد
تحياتي

**معلومات** **العضو** · 04-02-2009, 02:01 AM

اقتباس:

المشاركة الأصلية كتبت بواسطة سالم بن صمهود

اشكرك اختي نجديه على مجهودك الرائع

جعلك تحيا
تواجد ولا اروع
تحياتي

**معلومات** **العضو** · 04-02-2009, 02:19 AM

اقتباس:

المشاركة الأصلية كتبت بواسطة ابو زايـد البدراني

قمه في المهزله والاستهزاء

يعني لو وفرت على نفسك ولا دخلت الموضوع افضل

**معلومات** **العضو** · 04-02-2009, 02:27 AM

اقتباس:

المشاركة الأصلية كتبت بواسطة الحبيبي10

مانيب معلم لاني ما احب اثير الفتن 1

2 هذا شخص فاشل يحب يحارب النجاح لانه مايستطيع ان يجاريهم

3ولا تصدقين كل مايقال يانجديه هذا من باب المزح (( متحفظ جداً على الفقره الثالثه ))

انا اقوله
رجلاً والرجالو قليلو

**معلومات** **العضو** · 04-02-2009, 05:02 PM

تم التصويت

شكرا على الجهود اختي الغاليه نجديه..

تقبلي تحياتي،،

مشاهدة نتائج الإستطلاع: مارقم الابيات التي ارضت ذائقتكم ومتناسبه مع الابيات الانف طرحها
مجاراة (1)	12	48.00%
مجاراة(2)	1	4.00%
مجاراة(3)	1	4.00%
مجاراة(4)	1	4.00%
مجاراة(5) احتياط	0	0%
مجاراة(6) احتياط	10	40.00%
إستطلاع متعدد الإختيارات. المصوتون: 25. أنت لم تصوت في هذا الإستطلاع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية