الشاعر سلطان بن فهيد العجالين يمدح الأمير عبدالعزيز بن حزام العجالين

[معلومات العضو حفيد الأمراء]

هاضت هواجيسي وفالطرس فضيت = ابيات شعر تعجب اللي قراها
وطيبتها بالطيب من شان للقيت = تعجب نواقيد الشعر من حلاها
وجمعتنا شرد المعاني المشاتيت = وخذيت نادر حكمة من حشاها
والمدح واجب في الرجال العناتيت = امثال ولد حزام رايم اعلاها
عبدالعزيز اللي يسرك ليا جيت = في مجلسه ترحيبته لك ثناها
في مجلسه ترتاح لامن تمركيت = تلقى رجال تسعد اللي نصاها
شيخ فطين فاهم ماتوريت = اعرف مناهيجه وميز قداها
له منهج يعرف وله جاهن وصيت = وافعاله اتنومس المنهو حكاها
وانا بمدح الشيخ قلت وتجريت = على قداي امشي وفكري بناها
هو مزبن الخايف ليا جاه في البيت = ياقف معه وشحون قلبه جلاها
وانا اشهد انك فالطويلات عديت = عديت بفعالك بعالي نباها
كم مشكلة جاتك وبالفكر حليت = حليتها واطفيت حامي لضاها
يوم اشكلت قسمة الاراضي تعزويت = وحليت مشكلها وكل رضاها
اخلصتها بسراع من يوم شديت = عزمك عليها لين وقفت رحاها
وقسمتها بين الرفاقه وساويت = وكل شكر سعيك ومثلك قضاها
ولك وقفة مع ولد فرحان واقديت = ساعة لجالك يوم ضاق بفضاها
قال العصيمي يطلب الجاه فزيت = وقلت ابشر بسعدك وعندي دواها
لاتشتحن منها بسيطه وجديت = واخلصت مشكلته ودندن صداها
ولاقمت فالازم تبي الحق وفيت = منتب تجي دونه تعدي وراها
افعالكم بيضا كما لشمس لاريت = ماشن يغطيها وكل يراها
وانته بدرب الطيب من يوم شبيت = واللي سواتك جعل يطول بقاها
ولا جا مجالك في مكان وطريت = قالوا نعم كل المراجل حواها
طيبه وشيمه هرجتي بالتثابيت = وكلمة لساني تبهج اللي دراها
ويالايمي فالمدح مجنون مخطيت = اعرف من امدح يوم الحن غناها
وختامها ياناس صليت صليت = على نبينا سيد الناس طاها

 

 

 

 

[معلومات العضو ابن الفلوجةالدوسري]

شكرا يالغالي تحياتي لك

 

 

 

 

[معلومات العضو العماني]

صح الله لسان الشاعر سلطان بن فهيد العجالين

ويستاهل الأمير عبدالعزيز بن حزام العجالين من هذا واكثر والنعم به وبالعجالين العموم.

وتسلم ياحفيد الامراء على ايراد القصيدة .

تقبل تحياتي،،

 

 

 

 

[معلومات العضو الدوسري هديان]

صح الله لسان الشاعر سلطان بن فهيد العجالين

ويستاهل الأمير عبدالعزيز بن حزام العجالين من هذا واكثر والنعم به وبالعجالين العموم.

وتسلم ياحفيد الامراء على ايراد القصيدة .

تقبل تحياتي،،

 

 

 

 

[معلومات العضو حفيد الأمراء]

	شاكر للجميع على هذا المرور الجميل والذي جمل المشاركه

 

 

 

 

[معلومات العضو الجراح]

صح لسان الشاعر سلطان بن فهيد العجالين ويستاهل الأمير عبدالعزيز بن حزام بن خزام العجالين المدح والثناء علمه غانم الله يحفظ الأمير عبدالعزيز ويمد بعمره على طاعته ولاهنت ياحفيد الأمـــراء على ايراد القصيدة

 

 

 

 

[معلومات العضو حفيد الأمراء]

	شاكر للجميع على هذا المرور الرائع والذي البس المشاركه نوراً وجمالاً وعطراً يفوح شذاه طوال الأيام