أربعة شعراء يتاضمنون مع طفلة غزة

[معلومات العضو راشد المسعري]

السلام عليكم ورحمة الله وبركاته:




أغلبنا يذكر الطفلة (هدى) التي قام جيش الاحتلال الاسرائيلي قبل عدة سنوات بقصف عائلتها وهم على شاطئ غزة مما أدى إلى استشهادهم جميعاً ولم يتبقى سوى الطفلة هدى التي رأيناها عبر الفضائيات وهي تبكي وتنحب عائلتها على الشاطئ مما أثار قريحة الشاعر فهد فهيد الدوسري (الوافي) وقال هذه الابيات موجهه للشاعر نايف بن مسرع:-

يالربـع لا تنسـون قصـة فلسطيـن=الـقـصـة الـلــي دايـمــاً مشغلـتـنـا
اليـا متـى وانـا نشـوف العنـاويـن=الغيـرنـا المصـلـوح وانــا نستـنـا
اليا متى وانا على الوضع راضين=نبغـا السـلام وجـات ذي مشكلتـنـا
لا تنشغـل ياللـي كنـزت الملايـيـن=الـمــال يـفـنـى والـفـنــا تالـيـتـنـا
يابـو معـزي يـا زبــون المخلـيـن=الوضـع مـزري ياولـد ويـش نتنـا
الطفلة اللي شفتها شـوف بالعيـن=تبـكـي مــن البـلـوا وحـنـا بلـتـنـا
تشكي فراق اللي عليهـا عزيزيـن=مـن فقـد أهلهـا بالدمـوع زهمتـنـا

وهذه رد الشاعر نايف بن مسرع

ياهاجسـي ذالحـيـن ... ذالحـيـن.. ذالحـيـن=الــوافــيــة بـــيـــن الــبــرايــا نـصــتــنــا
من شاعرن ( صدره ) مثنّى على " إين "=و( العجز ) ثولث به وختمه على " أتنـا "
يــوم كـبـرت لــه صــورة الظـلـم والـبـيـن=أطــلــق عــنـــان الـبـاكـيــة واسـهـجـتـنـا
تصـيـح.. تـزهـم.. تنتـخـي: يـاهـل الـديـن=وش علمـنـا لــو كـــان مـلـيـار... مـتـنـا !
ملـيـار... مـابـه معتـصـم يقـضـي الـديــن!=يـــــوم الـعـفـيـفـة بـالـمـدامــع نـخـتـنــا ؟
قلـنـا لـهـا: صحـيـح كـنـا هــل ا( حـنـيـن)=يـــــوم الــعـــزاوي لابـغـتـنــا .. لـقـتــنــا
والـيــوم يـــا أخـتــاه: عــــذراً.. ذلـيـلـيـن=ياطيـبـهـا كـــان انـقـلــت ( كيـمـرتـنـا ) !!

وهذه مجاراة الشاعر راشد بن سحيم

الــوافـــي ونــايـــف ربـــــوعٍ عــزيــزيــن=لــــو كــــان بــعــض اشـعـارهــم لـوعـتـنـا
حــركـــت يـالــوافــي جـــــروحٍ مـكـامــيــن=واشـعـلــت لـــــك نـــــارٍ لـظــاهــا كـلـتـنــا
نـــارٍ تـوقــد فـــي الـصــدر عـــدة سـنـيــن=بـاسـبـابـهـا جــيـــوش الـهــمــوم ابـتـلـتـنـا
(شارون) .. (نتن) .. (وشلة اسحاق رابين)=يــــــا لـــلآســــف والله مـــــــا عـبــرتــنــا
ولا تـــراهـــم يــــــا جــمــاعــة ذلـيــلــيــن=ومــــاهــــم كــــفــــو ياناس لـمـواجـهــتــنــا
هــــذا كــــلام الــحــق مــاهــوب تـخـمـيــن=الله مـبــيــنــهــا (بـــقـــولـــه) وجـــتـــنـــا
وآخــــر كــلامـــي يـالــربــوع الـكـريـمـيـن=بــيـــت بــعـــد هــــــذا تــــــراه ثـمـرتــنــا
(هـدى) مـع (الـدرة) مـع (الشـيـخ ياسـيـن)=مـــــا تـنــســي كـــــود الـمـنـيــة خــذتــنــا

وهذه أيضا مجاراةالشاعر عبدالله الصخيبري

ياطفلـة تبكـي بشاطـي فلسطيـن=يـتـيـمـة وأم اليـتـيـمـه بـكـتـنـا
بكت علينـا عـام سبعـه وستيـن=وعلى امها مـن مابلاهـا شكتنـا
تقول ابنخـا مـن يـرد المعاديـن=اكفوفهـم مـن ماحوتهـا عطتـنـا
اخواني الغالين واحد وعشريـن=من مدهـم كـف المعـادي رمتنـا
العـم سـام مصـدّر لــه قوانـيـن=وثـيـقــة بالـمـؤتـمـر مالـكـتـنـا
قلت اصبري لابد ماينزع الدين=قالـت مـتـى لـكـن ذي سالفتـنـا
قلت الرجا بمبـدل العسـر باليـن=وعده يقيـن إن كـان حنـا ثبتنـا
قالت يتيمـه ودي اقـول شيئيـن=قلت امك من سنين قد صارحتنا

 

 

 

 

[معلومات العضو ابو زيد الغييثي]

ارررررررررررررررررحب تراحيب المطر

(( بــو محســن ))

وافي يالقرم لا عدمناك

نقل موفق وصح اللسانكم

ملايييييين يا شعارنا الاكارم

فهد بن فهيد

نايف بن مسرع

راشد المسعري

عبدالله الصخيبري


لله دركم عبرتم عن مشاعر نكنها في صدورنا

اسال الله ان ينصر أخواننا المجاهدين في ارض فلسطين

أخوك/ ابو زيــــد

 

 

 

 

[معلومات العضو أبو سعود الودعاني]

ابو محسن لاهنت يالقرم

بيض الله وجهك

وصح الله السنت الشعار

ولاهانوا

عز الله انهم وفو وكفو

 

 

 

 

[معلومات العضو نايف الخييلي]

قصايد معبّره ومحزنه

صح ألسنت الشعراء الاربعه وعافاك الله يابو محسن

 

 

 

 

[معلومات العضو المطنوخه]

الطفلة اللي شفتها شوف بالعين تبكي من البلـوا وحنـا بلتنـا تشكي فراق اللي عليها عزيزين من فقد أهلها بالدمـوع زهمتنـا حيااااك الله اخوي ماقصرت على طرحك القصائدالموجعه عن غزه.. وصح السان الشعارولاهانو على القصائد المؤثره..