العزوبي & المتزوج

[معلومات العضو ابو طارد]

الســلا عليكم ورحمه الله وبركاته

يقول العزوبي

قال العزوبي يوم شـاف المعاريـس=الرابـح اللـي لاقعـد مايقـومـي
أول سنـة كـلٍ يبـث الاحاسيـس=وثاني سنة تجلب عليـك الهمومـي
وثالث سنة حط الرمـل والمتاريـس=لابد مـن حـربٍ تقـوم وتدومـي
لامن دخلـت الـدار لاكنهـا بليـس=متلفلـفٍ فـي غاليـات الهدومـي
تأخذ من المخباة وتسحب من الكيس=وتغيـر الموديـل شـيٍ لـزومـي
وان قلت ما أملك يامره لوهو فليس=قالـت تديّـن لا تكـثـر بلـومـي
ولاجيت مرة نـاويٍ لـك ب(......)=قالت تصّبـر خـل قلبـك رحومـي
ليتك تساعدنـي تصحـح كراريـس=زادوا علينا أربع حصص في العلومي
أزوارة في العصر والصبح تدريـس=والليـل تصحيـحٍ وودي أنـومـي
تبكي إذا جاها وجع لوهو ضريـس=وتقول أبي دكتـور ماهـو حكومـي
يروح عمرك بين عرسٍ وتأسيـس=واربـع سنيـن والبزاريـن كومـي
وسط المطابخ بين قـز ومحاميـس=هـذا صحـن رزٍ وهـذاك ثـومـي
والا خلصـت إمنظـفٍ الملالـيـس=جتك تقول انهـج نبـي زود لومـي
ولا جبت قالت اكنس الحوش تكنيس=خل البلاط يصيـر مثـل النجومـي
ومكرسٍ جهدك من الخوف تكريـس=وان نادتك بالصوت اقبلـت مومـي
يجيـك تـال الليـل دايـم كوابيـس=ويشيبنـك مزعجـات الحلـومـي
هذي حياة اللي ركض باغي(......)=ضيع حيـاة أول وصـار محرومـي
تعيش يالمعـرس حيـاة المحابيـس=وشف العزوبي بكل شارع يحومـي
من مفرق جلاجل إلى جوي للحيـس=وان حار حايرهم بوسطـه يعومـي
يفرح إذا شاف الوتـر والمراويـس=وفي كل يـومٍ كاشـتٍ ومعزومـي
شف العزوبي مايعـرف الهواجيـس=ولا يـودي حرمتـه كـل يـومـي
يا عنك ماحاش الفخـر والنواميـس=الا عزوبـيٍ يـعـرف السلـومـي
اذا اعرس المعرس غدا عندنا هيس=ونزيل اسمه من سجـل القرومـي
والى بغيـت البهذلـة والدحاويـس=فأعرس وخلك من عداد الرخومـي
وش صابكم من عرسكم يا المفاليس=وش استفدتوا غيـر دق الخشومـي
اللي تزوج أشهد انـه غـدا تعيـس=والرابح اللي ماخذٍ لـه(.......... )
ترى عناق العام نطت على التيـس=والحرعقب العـرس يصيـر بومـي

,,,,
,,,
,,
,

(الرد ليس على قافية القصيدة السابقة لكن تنفع)

رد المتزوج وقــال

,
,,
,,,
,,,,

قـال العريـس أنـا الـذي فـي سعـاده=ماني عزوبـي ضايـق الصـدر مهمـوم
مبسـوط مـن مثلـي قعـد عنـد غـاده=مهـوب مثـل اللـي لحالـه تقـل بـوم
فـي كـل ليلـه حاضـنٍ لـه وســاده=وانا مـع المزيـون فـي غرفـة النـوم
أنـا اشهـد انـه عايـشٍ فـي قــراده=يـروح عمـره مـا تهـنـى ولايــوم
الـى دخـل للبـيـت يبـلـش بــزاده=يقعـد يقطّـع لـه طمـاطٍ معـه ثــوم
ولا قضـى عقـب العصـر مـن عـداده=والحوض مـن كثـر المواعيـن مزحـوم
والـى غسلهـن ثـم فــك الـسـداده=دلـى يغسـل لـه سـراويـل وهــدوم
وان ماطـبـخ روّح لمطـعـم حـمـاده=والا قعـد فـي منزلـه واعلـن الصـوم
وان جـاه ضيـفٍ باغـيٍ لـه رفــاده=يـروح يشـري رز وايــدام ولـحـوم
مـا يعـرف الشمبـو وراسـه عــراده=وشمغـه مـن الكـواي مليانـه رقـوم
مـا يكنـس الفرشـه ويلـقـط بــداده=امــا بقـايـا رز او خـبـز مـعـروم
عـنـده صراصـيـرٍ بحـاجـه ابــاده=تسرح وتمرح فـي الغـرف دايـم الـدوم
يجمـع قـروشـه ويتسـلـف زيــاده=حتـى يسافـر مصـر او ديـرة الــروم
او راح يــم الـتـاي وتــرك بــلاده=ناظـر جـوازه ممتلـي كـلـه خـتـوم
دايـم يسافـر مــا يـعـرف العـبـاده=يسـكـر وينـكـر و........ بـالـكـوم
وإلـى رجـع يــروح يــم العـيـاده=حيـث ان فيـده مـن فعايلـه مـزكـوم
(..........................................)=حيثـه مسيكيـنٍ مـن العـرس محـروم
لـه موتـر خــرده كثـيـر فـسـاده=في كـل يـومٍ فـي الاشـارات مصـدوم
غمـارتـه تـقـول ورشــة حــداده=ومريقـده فـي شنطـتـه دوم مـحـزوم
دوم يتنـقـل تـقـل كـنـه جـــراده=فـي كـل يـومٍ نـازل لـه علـى قـوم
يسهر والـى قـام الظهـر مـن رقـاده=روّح على شغله والـى اليـوم مخصـوم
يـذي بنـات الـنـاس يبـغـي مــراده=في كل يومٍ زاهـمٍ لـه علـى ( هـوم )
اراه مـايـعـرس ويـقــدح زنـــاده=يتـرك بنـات النـاس ويصيـر معصـوم
يلـقـى هـنـوفٍ تخـدمـه مـثـل داده=ويصيـر رجّـالٍ ويسلـم مـن الـلـوم
يفـرح الـى مـن قـرب وقـت الـولاده=ويصير معنـى العـرس بالحيـل مفهـوم
يـشـوف أولاده ومـعـهـم شـهــاده=قبـل الوفـاة وقولـة النـاس مـرحـوم

تم حذف بعض الكلمــات بهدف ( انتقــاء الألفـــاظ )

أسف على الاطـــالـــه

دمتم بخيـــــر

منقول للاستمتاع مع هاتين القصيدتين ،،، وتقبلوا خالص التحيات ،،،

 

 

 

 

[معلومات العضو ابو طارد]

للمرور،،،