أسرة العياضي أهل الأحساء لمن تعود ؟

[معلومات العضو abuadeeb]

الأخوة الأعضاء الكرام
أسرة العياضي الكريمة في الأحساء هل هم من تغلب أم من تميم ؟
وهل لهم علاقة باسر العياضي الأخرى المنتشرة في مناطق المملكة والكويت ؟

 

 

 

 

[معلومات العضو ماعليكم زود]

المشاركة الأصلية كتبت بواسطة abuadeeb

الأخوة الأعضاء الكرام
أسرة العياضي الكريمة في الأحساء هل هم من تغلب أم من تميم ؟
وهل لهم علاقة باسر العياضي الأخرى المنتشرة في مناطق المملكة والكويت ؟

الاخ الغالي ابو ايب
السلام عليكم ورحمه الله وبركاته
انا لا اعرف ايش اصل العياضي حقين الاحساء
لكن قبل زمن ليس بعيد كان بصحبتي شخص من العياضي
من بني تميم ومررنا علي مكتب عقار مؤقت مكتوب عليه العياضي للعقارات
وذللك شرق الرياض قلت ماشاء الله هذا المكتب لكم قال هذا لواحد شيعي
حبيت اقول انه يوجد عياضي دواسر وايضا بني تميم ويوجد ايضا عياضي شيعه
لكن حقين الاحسا ء لااعلم عنهم والدواسر حقين الاحساء انشاء الله يفيدونك
بارك الله فيك وسدد خطاك

 

 

 

 

[معلومات العضو الماهر الدوسري]

السلام عليكم

أولا أخي العزيز لا يوجد من العياضي شيعه أبدا


بالنسبة إلى أصل أسرة العياضي في المملكة بشكل عام حسب مالدي من

معلومات هو كالتالي:

1- أسرة العياضي في سدير وبالتحديد في(جلاجل), وينتسبون إلى قبيلة بني

تميم, منهم في الرياض والكويت ونجران.

2- أسرة العياضي في المدينة المنورة وبالتحديد في (الحناكية), وينتسبون إلى

قبيلة بني حرب, منهم في القصيم والرياض.

3- أسرة العياضي في المنطقة الشرقية والأحساء وبعضهم في الرياض

من( اكْمده) في وادي الدواسر , وينتسبون إلى قبيلة الحـقـبان الدواسر.

يقول الشاعر فارس الحقباني:

[من سلايل تغلب(ن) وجه وجاه] [والقبايـل طيبها طيب العقيد]

[والعيـــــاضي رافع(ن) ربي نباه] [يشهد التاريخ بافعال(ن) تشيد]

[وكل علم(ن) غانم في ذا الحياه] [يجتمع تحت اسم حقباني أكيد]


هذا للمعلومية لأني حاولت أن أجمع المعلومات التي لديّ وهذا ماتوفر عندي

وهي صحيحة مئة في المئة

حسب روايات بعض افرادقبيله الحقبان المعاصرين للاحداث منهم من توافاه الله وندعوا له بالرحمه والمغفره ومنهم من يعيش وقتنا الحالي امدالله عمره بالصحه والعافيه نطرح لكم احداثها وشواهدهاالتاريخيه

كان مجموعه من قبيلة الحقبان مايقارب الخمسة عشر بيت قطين بطرف مزرعه تقع جنوب الاحساء بموقع يقال له المرقاب وفي الطرف الثاني من المزرعه كان هناك ناس قطين من قبيلة ال مره والمرقاب تحديدا هو المكان الواقع جنوب حي المطار وغرب جامعة الملك فيصل وكان الجميع يعيشون افراح عيد الاضحى المبارك لعام 1371للهجره حيث حدثت مشاده بين
الصبيه واختلاف من اجل طاقيه وكان ذالك صباحاوبعد صلاه العصر تجدد الخلاف بينهم من جديد وقد تطور الوضع وتدخل الكبار يقولون الرواه ان بداية تدخل الكبار والعزاوي بدات من بعد صلاة العصر عتي غياب الشمس
وقد كان عدد رجال الحقبان المشاركون ثلاثون رجل ورجلان من قبيلة المصاريرواثنا ذالك وقبل غروب الشمس اتى فزعه من يام قبيلة ال عرجا مايقارب عشرون رجل ويقول الر اوه انهم كانو قادمين من الحفيره على سياره قلاب ومعهم رجال من ال شامر وبعد انتها الاحداث وانهاءصلاة المغرب اتت سيارات الشرطه وصارت تشيل اي واحد مري او حقباني وسجنوهم بقصر البراهيم الموجود حاليا كمعلم وتراث وكان على وقت ابن جلوى حاكم الشرقيه وقد توفي ثلاثه من قبيلة ال مره داخل السجن وقامت قبيلة ال مره بتوكيل شخص ينوب عنهم بدعواهم امام الحكومه وقام بالمهمه نفسها وجيه الحقبان المرحوم الشيخ سعد بن محمد الحميدي الحقباني نيابه عن قبيلته حتي انتها الموضوع ونورد لكم بعض القصائد
الخاصه بالحدث


قصيدة الشاعر المرحوم عبد الله بن ناصر بن باتل الحقباني






يالله ياللي له عبيدة امصلين=لامات عبدك ليك تبعث عظامه
عسى اليامن عادلوا بالموازين=ميزاننا جعله ثقيل مقامه
ذي هية جتنا وحنا مغيبين=جتنافزاع مثل وصف التهامه
يام تحامو والجماعه ثلاثين=من ذل من ربعي غشتة الملامه
لادالعياضي باللقا فعلهم زين=بياعة للروح لاجاء مسامه
ولاد الحبيبي بالملاقات ظفرين=ياسعد منهم بالشدايد حزامه
ضالو علينا يوم حنا شويين=ولازهمنا زايد ذي غشامه
يبغون هزعتنا وحنا معيين=وانركهم رك النهل في حيامه
لعيون منهي تزهم الربع لدنين=لاطار ستره من جنية زمامه
نرمي السلب من دون مدعوجة العين=ونقول باقي الروح جعله عدامه
وسعد الحميدي طيب الراس والدين=سعدابن عمه لاشكاالحمل ضامه
برع اليامنه رقى للسلاطين=وذرب اليامنه هرج في كلامه
وجعل ابن عامرباقي حسبة اسنين=تمشى له البيضاوتاصل تهامه
واللي ردي لايقرب المجلس الزين=كبيه ياللي زاهياته وشامه

قصيده الشاعر مبخوت بن عمران الحقباني





قال ابن عمران مما بخاطره=يبدع القيفان بعاليات ارجودها
علم لفاني كدر البال وازعله=دمعي على لوجان يحفي خدودها
لاد العياضي طوعوا كل عايل=وش عاد لو.... تزاهم جدودها
شجعانهم سووا البلا بايمانهم=واللي عدى في دقلهم مايعودها
ثلاث مرات وهم يكسرونهم=كسر الهشيم اللي تخرع فنودها
ياليت منهوفي الملاقى حاضر=يوم انعزل ظفرانها من شرودها
يانعم ياعيال الحبيبي ماجد=لاشب ضو الحرب هم بارودها
حنا بني تغلب ومن نسل وايل=دواسر تروي شباجب عودها
لون زهم في زايدكان ادبروا=كثر الزنايج ماحملهاعمودها

قصيدة الشاعر شايع الشكري





نافدا اللي نومسونا وحنا غايبين=يوم جاهم....عايل ردوا جزاه
يوم ضرب وخلوه ربعه له ونيين=مانفعه ....ولا منهو وراه
والله انا لودرينا نجيكم لولين =جمعنا في الضيق كل يجنب من نحاه
هدمن لاد العياضي ربوع صاملين=كل مدغوش نهار اللقاعاف الحياه
بنعتذرمن بني عمنا انا غايبين=من تسده غيبته ذاك مايشذب قفاه
لابتي من باب هجرجموع مردفين=وطها الوادي واجنب الى الوادي وراه

قصيدة الشاعرهجاج ابن عيد الغياثات





نعم ياربع تعزووابالعياضي=يوم سوالموت معهم ينقلونه
ناطحو...مجفية الحياضي=لين قفوا والطريح يهملونه
حقهم عقب الشحم لبس القضاضي=واشهد انهم كلهم يستاهلونه
لوزهم في زايدولد العياضي=كان جاء جمع ثقيلات ركونه
نحمدالله غايب والرب راضي=ياهني من غاب ماشافت عيونه


قصيدة الشاعراللسان الهويملي





ربعنا ياللي تبون الحسا ياطارشين=ياهل العيرات ياكاربين حبالها
كلمة باقولها للذهين اللي فطين=كلمة باقولها واحذروا بدالها
نعم بالحقبانزادوا علي الديان دين=حصلوا كسب النواميس في مجالها
ونعم ياربع المصاريرياللي حاضرين=ادو المجهودبايمانها وافعالها

قصيده محمدبن فهيدالحقباني





يانديبي وارتحل حرة وجناردوم=نصها اللي حربته للمعادي ساقها
هية تذكرلنافي الحساجتناالعلوم=ليت منهوحاضريوم شب شعالها
هيه يا للي في ضحى العيد تجعل لك رقوم=لاتبين اللي حضرقاعد ماجالها
والحبيبي قلطوهم على شحم القحوم=والردي لايقهوا يكود حثالها

منقوووووووووووووول

 

 

 

 

[معلومات العضو نآصر البدراني]

لا كلام بعد كلام الماهر !


كلام مُوّثـق بالقصايد ...


الله يعطيك العافيه يا الماهر ولاهنت