لابة ٍ تاسم عصاها

[معلومات العضو عبدالرحمن الجبابرة]

السلام عليكم ورحمة الله وبركاته
مصافحتي الأولى لبياض قلوبكم ونقاء تذوقكم .
.
.



مرحبا ترحيبة الود وغلا ماهي خفا مير جهرا ترحيب من خال المخا يل في السما متراكمه والبرق رعاّدي وهو يرجي الحيا يزهي على ذيك القفا ر المقفرات .
مرحبا يا منوتي ومكنون سدّي ورحبي ياعين بدّي لابةٍ تاسم عصاها جارها لمن نصاها ما يضام وضيفته حيل وسنام وما بكلن طايلن طالاتها .



طالة نجوم الثريا بالعلالي لانخاهم خايفٍ من الموت جالي زبنوه وارتجالي في مقالي للرجالي : بيض الله وجه راعيها العلوم المسفرات المنورات .
مغنيات مشرّفات ومترفات مشهيات مشفيات ومقبلات نايفات و نيرات خيرات مكمّلات بالمعاني وبالمعالي عاليات سماتها وصفاتها .



لا بقصدي مراسلاتٍ بالمجا مل لا وربي ماتكامل فرحتي لين التقيكم مستماحي أصطفيكم كني اللي يومن أمسى حالمٍ له حلم واصبح والاماني محققات .
حقق الله أمنيات اللي يقول ان الدواسر هم كواسر مايهابون المعاسر ما يلين الدوسري الابكيف كيفه لو تعاظم حيف حيفه مايهون و يرتكي لقضاتها .



خوتي معكم على وجه التقى وكف النقا ومنزالكم بصبيّ عيني قد عطيتوني من اكنوز المودة والمحبة واللبابة مابخلتوا مثل ذاك اللي يقول اخذ ه وهات .
هات يرجي الزود في صرّة رصيده عد مرات و يعيده كود يلقى ماتتقى من بقايا حثل بخله كن ماخلى وبقى يحسبن العز في جمع الدراهم ذاتها .


يوم جيته في مبيته صدّ عني وخاب ظني في مظني وسلم اسلوم الزمام بيدِّ لبّاس الزِّميم والمحاجل رحت راجل صوب وكري ودار فكري ما جرى قد فات مات .
مات يوم ان المروَّّه فيه وحقوق الأخوّه تنتهك قدام عينه كن ما بيني وبينه رابطٍ بالود ظابط يضبط حدود اللبابه والنجابه في علو اسماتها .


وسمها بيّن دفوشه قام جيش لي طروشه كل من هبّا ودبّا جا يثرثر ماتربّى ربته دنياه يدني بالمواطي يحسبنه حايزن له عز لا حاز الفتات .
مادرى انه في سواته بي يدنسها عباته لا لفى متكى الرجال وقيل وش عندك مقال وقال شبري ما يطال العز
ماقدر ازعل اللي حاكمتني بمالها وبشاتها .


وارسل اللي مايشرف عارضن ردّ المعرّف بندّه من دون تبرير وتعرّف وانكفى يزعم يولّف مادرى انه يوم سعدي وود ودي يوم فارقت الوجيه الكالحات .
حد حدّي وجد جدّي وقلت والله ماتعدّي دامها جات بتحدّي ما لحقني بالحسايف يوم قلت ان السقيمه في مواريها عقيمه هو تبنى عرّته وجناتها .


غيرهذا والله اني ناذر ونذرٍ أفي به لو تعدّى حدّي بحكم اللعانة لارتكي له بالمعاني والسماني وادخله تاريخ مظلم ماحلم به في الليالي المقبلات .
تمت وآخر مقالي بالصلاة وبالسلام وبالمحبة للنبي اللي على وضح النقا مبعوث مرسل من يطيعه يبشر بعدن ومخلد في النعيم ويهتني بجناتها .


التوقيع :

أبو غانم

غانم وجدي محمد سيف بتار مهنّد عم ذكره راس ماله دينه وعقله و فكره لابتي يالي تفاخر والعرب نوماسها لاباتها.
غانم علومه مقادم حاز من نبع المغانم والمكارم سفرته تندى وقولي قول جازم مدته بيضا ويمينه بالمطايب طابت بكمبودي ازرق والعلوم موثقات .

 

 

 

 

[معلومات العضو محمد مبارك]

قصيده ذات معاني راقيه جدا وهي شبيهه بقصيده الشاعر

الكبير حمد بن هادي المسردي رحمه الله المسماه بالمعجزه

بعنوان الطياره

صح لسانك ملايين يالقرم وامتعنا بمعجزاتك الجديده

 

 

 

 

[معلومات العضو شافي القويسي المخاريم]

والبقا يا الصاحب اللي اعتلا روس الطويلات الشوامخ المهيلات غاليٍ وفخوته نلقا العلوم الغانمه النادره و الساميات
مرحبا عد الحجر عد الشجر عد البشر مليار مايكفون مير شرفنا حضورك يالكريم ابن الكرام طبع الكرم عاداتها



قصيدتك جميله جدا و هذا ترحيب مني لك بسيط
صراحه اعجبتني قصيدتك ولا تحرمنا من جديدك
تحياااااااااااااااااااتي

 

 

 

 

[معلومات العضو سالم بن صمهود]

صح لسانك ملايين يالقرم وامتعتنا بمعجزاتك الجديده ذات البحور العجيبه والغريبه في نفس الوقت

 

 

 

 

[معلومات العضو عبدالرحمن الجبابرة]

أخوي محمد مبارك
شكرا لك من الأعماق على حضورك المبكّر والوافي وصح بدنك وبيض الله وجهك حضورك شرف وتعقيبك ترف لاعدمناك .. وكما تفضلت القصيدة تجاري أسلوب الشاعر المعجزة حمد المسردي رحمه الله وهو من الشعراء الموهوبين وسبق أن أستمتعت كثيرا بسماع قصيدته الطيارة من خلال تسجيل صوتي ولا زلت أبحث عن قصائد أخرى له .

دمتم بود ووفاء

 

 

 

 

[معلومات العضو عبدالرحمن الجبابرة]

أخوي شافي القويسي المخاريم
يا سلام عليك والبقا لك يالوفا وصح بدنك وسلم فكرك وبيض الله وجهك ولا عدمناك وصح لسانك ملايين على الترحيب الوافي وكرم الضيافة


دمتم بود ووفاء

 

 

 

 

[معلومات العضو عبدالرحمن الجبابرة]

أخوي المشرف القدير : سالم بن صمهود

صح بدنك يالغالي وسلم فكرك وبيض الله وجهك على تعقيبك الضافي وترحيبك الوافي لاعدمناك وحضورك محل تقديري واهتمامي

دمتم بود ووفاء

 

 

 

 

[معلومات العضو محماس2000]

صح اللسانك يااااااا القرم على القصيده جميله

 

 

 

 

[معلومات العضو عبدالرحمن الجبابرة]

أخوي محماس 2000
مرحبا بك ملايين وصح بدنك يالغالي وبيض الله وجهك وحضورك نوماس وتشريف لاعدمناك

دمتم بود ووفاء

 

 

 

 

[معلومات العضو العماني]

الشاعر القدير عبدالرحمن الجبابره

في البداية ارحب بك في محلك وبين ربعك في موقع الدواسر الرسمي

وسعيدين بانضمام شاعر مثلك الى كوكبة شعراء الموقع

وصح الله لسانك على هذه القصيدة (الجباره) والابيات الابداعيه ولافض فوك .

في انتظار المزيد من ابداعاتك الجميله

تقبل تحياتي،،

 

 

 

 

[معلومات العضو أبـ ريماس ـو]

قصيده نادره ولا كل من يكتب الشعر بيكتب مثل هذه القصيده الف شكر على الطرح الجميل اخوي عبدالرحمن وننتظر جديدك

 

 

 

 

[معلومات العضو عبدالرحمن الجبابرة]

الأستاذ القدير : نايف العماني
صح بدنك وسلم فكرك والبقا للمرحب وحضورك وترحيبك محل تقديري واهتمامي وشرف لي الإنضمام لكوكبة النبلاء ومشاركتهم إبداعاتهم وبيض الله وجيهكم كلكم


دمتم بود ووفاء

 

 

 

 

[معلومات العضو عبدالرحمن الجبابرة]

أخي العزيز : أبو ريماس

حضورك نوماس وتذوقك حوى جميل الإحساس وتسلم ياتاج الراس لاعدمناك وبيض الله وجهك


دمتم بود ووفاء

 

 

 

 

[معلومات العضو راشد المسعري]

ابيض وجه ياعبدالرحمن وصح لسانك وسلم فكرك على القصيدة المميزة من تميز قائلها

 

 

 

 

[معلومات العضو ابو فهد الغييثي]

صح لسانك على القصيده المدهشه

يعطيك العافيه على الطرح

تحياااااااااااااااتي