محاورة 00 شايب 00 وبنت

[معلومات العضو بنـــدر بن عبدالله]

بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن فيها

في يوم من الايام مرت عليه بنت وهو بالسوق

وهو جالس بين اربع شيبان من قبيلته

دخلت محل قريب منه وسلمت .. دخل هو وراها ورد السلام

تضايقت البنت من وجوده وفجأه عطته ظهرها ومشت ولا استإذان ولا شي

ولع الشايب من حركتها قال فيها كم بيت يستعطفها فيها


يقول الشايب :


يا بنت خوذي خاطري وارحميني

لا تجرحين العود بعيونك السـود

غضي نظرك وغطي الوجنتينـي

لعل يومٍ جدد الجرح مـا يعـود

يوم انتهى مع مرمسات السنينـي

جتني صواديفه على غير مقصود

باول شهر عشره نهـار الثنينـي

حمدان مروا به على جنازة حمود


تنرفزت البنت وارجعت له وردت عليه وجارته في الشعر


.
.


ردت عليه وهزأته تقول

يا شايب الرحمن وينـك ووينـي

عزي لحالك قدمك الباب مسـدود

قلبك عطوف وجاه قلـبٍ متينـي

والبنت ما تشفق على مغازل العود

حبل الرجا مقطوع بينـك وبينـي

مثل الغليث اللي رعا قلبه الـدود

اقفى شبابـك والعـرب مقبلينـي

يا عود ما يرجع من العمر مفقود


.
.


حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه


يقول حمدان :


يا بنت صـدي بالعيـون الظليلـه

لا صد عنـك الله نهـار القيامـه

مالي ومالك يالفـروع الطويلـه

لو فيك من رسم البـداوه علامـه

يابنت مـا لـي بالثمانيـن حيلـه

اهدف كما تهدف على البير قامـه

اقفى شبابي والدهر شفـت ميلـه

يالله حسـن الخاتمـه والسلامـه

اعطيك موجز والبضاعـه قليلـه

واخذت لك من صافي الماء سنامه

.
.
.

بعد فتره مرته مره ثانيه وردت عليه السلام واستفزته وراحت وخلته

ولع الشايب وقال ليه ما ابين لها في كم بيت انها بتشيب مثلي

واني رجال طيب وان الناس تنصاني ومعروف بالكرم

واني ما ابي منها غير التحيه والترحيب



يقول حمدان :


يا بنت ما جاس الكبـر والخشونـه

وعادت شباب اليوم يجفل من الشيب

ياسرع ما وبلـك تمـزع مزونـه

يالفاتنـه يـا ام الثمـان الرعابيـب

يا بنت مـا بينـي وبينـك مهونـه

كلمة شرف نبي تحيـه وترحيـب

الله مـن عـودٍ ثقيـلـه طنـونـه

ينصاه راع المشكلـه والمواجيـب

على الكرم والديـن نفسـه حنونـه

تلقاه بالاجـواد شـرق وتغاريـب


.
.
.

جهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه

وقالت مثل ما جيتي بابياته ترجعني بابياتي

العجوز مسكينه قالت طلعيني ولا ابي منكم شي الله لا يعودكم انتم واوراقكم


ردت البنت ابيات اقوى من الاولى واكثر تحطيم مسكين الشايب

ما احد رحمه حتى لو حاول يستعطف

.
.
.

تقول البنت :


العود عود وطايحـاتٍ سنونـه

من كثر ما يرقد على جرة الذيب

عودٍ مهرقل والعرب ما يبونـه

ياعود ما لك في طويل المراقيب

اقفى شباب العود راحت حتونه

مثل اليتيم اللي بكا ما له مجيب

جداه ينثر دمعـة ٍ مـن عيونـه

غريق موجٍ ما لقا له مقاضيـب

.
.
.

وسلامتكم

.
.
.

اتمنى المحاورة اعجبتكم

.
.

ولد الشيوخ

 

 

 

 

[معلومات العضو الرفيدي]

لاهنت على النقله لهذه القصه الرائعه والظريفه ......

ابيض وجه يابو عبدالله

تحياتي لك

 

 

 

 

[معلومات العضو الواضح]

مشكور أخوي / بندر بن عبدالله


وأختيار موفق


وعز الله أن ذا الشايب مابعد فدر

 

 

 

 

[معلومات العضو سعد الغريري]

لا هنت اخوي بندر بن عبدالله علي النقل الطيب

 

 

 

 

[معلومات العضو بنـــدر بن عبدالله]

الرفيــــــــــدي ، الواضــــــــــح ، سعـــــــــد الغريري
.
.
.
مشكورين على مروركم الكريم وردكم ..
.
.
يعطيـــــــكم العافيــــــــــه

.
.
.
ولد الشيــــــــــــــــــوخ

 

 

 

 

[معلومات العضو فارس الوادي]

لا هنت اخوي بندر بن عبدالله

 

 

 

 

[معلومات العضو تركي الغييثي]

السلام عليكم ورحمة الله وبركاته شكراً لك اخي الكريم على هذا المقال والله لا يهينك على القصه الرائعه والى الامام