سهيل

[معلومات العضو سالم بن صمهود]

(سهيل)=
سهيل بان ومرحباالف بسهيل =نجم تباشيرالفرج مع طلوعه
يقفي سموم القيض ويبردالليل=وتطيب نفس اللي بعيد رموعه
اللي هواه مخازرات المخاليل=وضح خذت قلب المولع قطوعه
وضح تقابس مثل وصف القناديل=تروي ضمى العطشان وتردجوعه
وضح لهافي كل يمه مداهيل=ماهيب في شين المراتع قنوعه
لاذكرقاع مسقيته المخاييل=مشت ونجم الصبح باول شلوعه
الى مشت تبري كبودًمعاليل= واحدً توريه العــــذاب وتروعه
البل غناة وسمعة لرجاجيل =من مقدم التاريخ لاخرســــــبوعه
يازينهالابكرالوسم بالســـيل=والروض عقب السيل خضرًسموعه
ثم داعبه من عقب سيله هماليل=حتى يزوف العشب من كل نوعه
وعينتهافي خايعً عقب مــــاسيل=قفرًجنابه مـــــانزل في افروعه
هذي مباهيل وهذي مشـــــاميل=وطياحهالصوت عجلً رجـوعه
طياحهايغضي على الصوت ويميل=يجي على الوداه ولف ومطوعه
وانحركت قعدته شفت التهاويل=مثل الدريك اللي تسابق فزوعه
تنسيك من هم الليال المقابيل=واللي مضى تنسى الثلوث وربوعه
هذى الطرب ماهوب فعل المهابيل=ولايغبط الاخاشعً في ركوعه
الصلف=

 

 

 

 

[معلومات العضو أفلاطون دوسر]

شاعر يكتب الطبيعه العذرية من جديد بعد أن خدش حياءها التطور المزعـوم ,,

ذهبت بنا إلى مضارب الشيخ لافي يابن صمهود ..

قصيدة الأصالة و الجمال و التسلسل في المسـ/راح و المهـ/ داف,,

يازينها لابكــّرالـوسـم بالـسـيـل = والروض عقب السيل خضرًسموعه
ثم داعبه من عقب سيلـه هماليـل = حتى يزوف العشب من كل نوعـه
وعينتهافي خايـعً عقـب ماسيـل= قفرًجنابـه مانـزل فـي افروعـه
هـذي مباهيـل وهـذي مشاميـل = وطياحها للصـوت عجـلً رجوعـه
طياحها يغضي على الصوت ويميل= يجي على الوداه ولـف و مُطـُوعـه
وانحركت قعدته شفـت التهاويـل= مثل الدريك اللي تسابـق فزوعـه

صح لسانكـ

ودمت في سمـو ..

في البيت الأول ذكرت ( مرحبا الف ) و من الأمور التي لا يحبذها النقاد ( و حاشاني أن أكون منهم ) هو إستخدام الشاعر للمفردة الغير دارجة في مجتمعه و محيطه الداخلي ..
مجرد ملاحظة و قد تكون في غير محلها ..

حفظك الرحمن أيها الصلف ..

 

 

 

 

[معلومات العضو محمد الولامين]

صح لسانك مليون وعساك ماتهون ابيات جزله وكاتبها جزل

ولا هنت على ماقدمت من ابداع وياجعل يمناك سالمه

 

 

 

 

[معلومات العضو ابو فهد الغييثي]

صح السانك وعتلى شانك

قصيده رائعه وجزله ولاهنت

على طرحها

تحيااااااااااااتي

 

 

 

 

[معلومات العضو نايف الخييلي]

الله الله

صح لسانك يابو فيصل على القصيده الممتعه

والله يبكّر بالوسم ان شاء الله

 

 

 

 

[معلومات العضو مشعل راشد الشايقي]

هذى الطرب ماهوب فعل المهابيـل
ولايغبط الاخاشـعً فـي ركوعـه


ياسلام عليك ياجزل


لله درك اخي سالم على هذه الدره


وصف بليغ من شاعر راقي فكر واحساس



صح لسااااااااانك حتى ترضى



تقبل حضوري واعجابي



مع خالص التحية والتقدير

 

 

 

 

[معلومات العضو بنت الذيب]

سالم بن صمهود

صح لسانك

قصيده رااائعه بمعنى الكلمه

يعطيك الف عافيه

ونتريا الزود من صوبك

تحياتي لك

 

 

 

 

[معلومات العضو ابو عسكر الغييثي]

صح لسانك وبيض الله وجهك على القصيدة الرائعة


اخوك/ ابو عسكر الغييثي

 

 

 

 

[معلومات العضو بدر بن صقر العجالين]

سهيل بـان ومرحبا الـف بسهيـل=نجـم تباشير الفـرج مـع طلوعـه
يقفي سمـوم القيـض ويبرد الليـل=وتطيب نفس اللـي بعيـد رموعـه

الله الله ومرحبا ألف فيك يا أبوفيصل يا نجم سهيل الشعري..

صح الله لـسـانـك أنت مبدع ويشهد علي الله اني اقولها صادق ومن دون أي مجامله لزيادة مشاركات او اي شئ من هذا القبيل..

جزله وبصراحه أمتعتنا وأنت تحري بها ياذيبان...

واحب ارد على الأخ ( أفلاطون دوسر ) وأقوله أن قصيدة ابوفيصل ماعليها خلاف ، وملاحظتك في غير محلها جعلك تحيا يا أفلاطون ، لأن أبوفيصل استاذ في الشعر وهو غني عن شهادتنا..

ومشكوور ولاهنت يالصلف على القصيده الطقسيه وبيض الله وجهك..

وتقبل تحياتي،،

 

 

 

 

[معلومات العضو شافي القويسي المخاريم]

قصيده مميزه
صح لسانك يا ابو فيصل
و كما قال اخوي بدر
انت استاذ في الشعر يا ابو فيصل
تحياااااااااااتي

 

 

 

 

[معلومات العضو العماني]

الشاعر الكبير بوفيصل

صح الله لسانك والله يجيب الحيا والخير حتى نزوركم عند الذود .

تقبل تحياتي،،

 

 

 

 

[معلومات العضو نجــــــــــديه]

اشكرك على ايراد القصيده وصح لسانك
ويسلم راسك شاعر جزل الله يعطيك العافيه
تحياتي لك
دمت بخير

 

 

 

 

[معلومات العضو ابن فادر]

ابو فيصل

جميع كلمات المدح والاطراء لن تكون شهاده لشاعريتك الفذه ولن تجمل رائعتك الجميله
بذاتها فانت نباس للشعر العذب المحبب للنفس لخلوه من فضييح الكلام وكما ذكرت انا سابقا بان شهادتي فيك مجروحه ولكن الجميل يجبر متذوقيه الاشاده به وان لم يرغب قائله


وضح تقابس مثل وصف القناديـل &&&تروي ضمى العطشان وتردجوعـه

وضح لهافـي كـل يمـه مداهيـل &&&&ماهيب في شين المراتـع قنوعـه

لاذكرقـاع مسقيـتـه المخايـيـل&&&&&مشت ونجم الصبح بـاول شلوعـه

الـى مشـت تبـري كبودًمعاليـل&&&&&& واحدً توريـه العـذاب وتروعـه


كان بودي ان تكون متواجده على مائدة الافطار مثل سابقتها لاحتوائها على لغة التحدي
الصارغه التي سوف تلزم اصحاب سباق ؟؟؟؟؟ الصمت المهيب

لك مني المحبه والتقدير

ودمت بود

 

 

 

 

[معلومات العضو سالم بن صمهود]

شاعر يكتب الطبيعه العذرية من جديد بعد أن خدش حياءها التطور المزعـوم ,,

ذهبت بنا إلى مضارب الشيخ لافي يابن صمهود ..

قصيدة الأصالة و الجمال و التسلسل في المسـ/راح و المهـ/ داف,,





يازينهـا لابكّرالـوسـم بالسـيـل
والروض عقب السيل خضرًسموعه

ثم داعبه من عقب سيلـه هماليـل
حتى يزوف العشب من كل نوعـه

وعينتهافي خايـعً عقـب ماسيـل
قفرًجنابـه مانـزل فـي افروعـه

هـذي مباهيـل وهـذي مشاميـل
وطياحها للصوت عجـلً رجوعـه

طياحها يغضي على الصوت ويميل
يجي على الوداه ولف و مُطُوعـه

وانحركت قعدته شفـت التهاويـل
مثل الدريك اللي تسابـق فزوعـه






صح لسانكـ

ودمت في سمـو ..



في البيت الأول ذكرت ( مرحبا الف ) و من الأمور التي لا يحبذها النقاد ( و حاشاني أن أكون منهم ) هو إستخدام الشاعر للمفردة الغير دارجة في مجتمعه و محيطه الداخلي ..
مجرد ملاحظة و قد تكون في غير محلها ..

حفظك الرحمن أيها الصلف ..

اخوي الغالي افلاطون دوسر
ارحب ياغالي وصح الله بدنك وبيض الله وجهك على المرورالذي اسعدني كثيرً وملاحضتك لها مكانتها عندي سوا وافقت الصواب ام لم توافقه

 

 

 

 

[معلومات العضو الـــــــــذرب]

أبو صمهود الله لا يهينك على هذه الأبيات التي أمتعتنا بها

قصيده جزله في قمت الجزاله

ونتحرى جديدك

الـــــــذرب