محاورة نار وقوة معنى بين الشاعرين( فيصل الرياحي وعبدالحميد الفهمي)!!!

[معلومات العضو ريان الفهمي]

فيصل الرياحي

ياسلامي سلامآ ما تغير نباه
يارجالآ كرام وعاليآ صيتها

يذكر الرجل ميقاف الوفا ما نساه
دعوتآ وجهة صوبي ولبيتها


عبدالحميد الفهمي

مرحبا عد نوآ حاز وانهل ماه
والتحيه بقدر الضيف غنيتها

الوفي يالرياحي ما كرهنا لقاه
تعرف أم القرى وتعرف توقيتها


فيصل الرياحي

عاش صوتك وانا حب الحيا والحياه
يا عسى المعرفه ما ينهدم بيتها

المطوع يوصي هل سمعت الوصاه
التزم بالوصيه كانك أوحيتها


عبدالحميد الفهمي


عاش صوتك وحنا قوم وجهآ وجاه
وإن بنيت البيوت أنا ما هديتها

المطوع يوصي يالتقى والصلاه
وانا صليتها عساك صليتها


فيصل الرياحي


انت فهمي وتفهم كل علمآ وراه
سر وألغازما يمديك حليتها

غير رب الخلايق ما طلبنا رضاه
كلمة الحق حبتني وحبيتها


عبدالحميد الفهمي

أنا فهمي ولي بيتآ جويدآ بناه
والعرب لو بذلت الجهد ماأرضيتها

ما أطيب اللي ليا من شاف شر اتقاه
ليـتـها يــوم فيهـا شــر خلـيــتهـا


فيصل الرياحي


ليت عبدالحميد الله يحقق رجاه
بعد بهرت له لدله وصبيتها

انت تنظر لوجه العلم ولا قفاه
يوم جيت الإشاره ما تعديتها


عبدالحميد الفهمي

في العلوم الشريفه حقق الله مناه
واللي ما هي شريفه ما تمنيتها

كلها من نظام أبو بدر وأخوياه
أخوياك أوصتك ولا انت وصيتها


فيصل الرياحي


كم صبيآ يحاول والعلوم تحداه
يوم الأرزاق خمتها عفاريتها

قلت وش قلت قال اقول هاهاها هاه
لو شهدت لك كان الناس غشيتها


عبدالحميد الفهمي

عارفآ بيع سوق أهل المضيق وشراه
وأعرف المملكه وأعرف مواقيتها

مير راعي الظليمه بيح الله خفاه
بانت الحاجه اللي عني أخفيتها


فيصل الرياحي

كل واحد عرفنا ويش هو مستواه
لا ظلمت الرجال ولا ترجيتها

انت راعي غنم عندك ثلاثين شاه
صبح سرحتها والعصر ضويتها


عبدالحميد الفهمي

يتبع السيل يا بو بدر دربآ الوطاه
والهروج العمي والعور مليتها

ما عليها حسوف ومثل لو هي زكاه
يـقـلـع الله لجـنـتهـا وتـصويتـهـا


فيصل الرياحي


مدري قلبك من لحم ودم ولا حصاه
جتك الأسلاف والظاهر ما رديتها

العنب حامض الله يقلعه ما نباه
قالها فلان وانته مثله اطريتها


عبدالحميد الفهمي

يابن منصور راعي الطيب يلقى جزاه
تطري الأسلاف وانت اللي تناسيتها

العنب حامض ولا كل واحد جناه
وانـت روحك بحلو الزاد حلـيـتها


فيصل الرياحي

انت زعلان ما جت صورتك في القناه
لـو لـقـيـت لـك صوره كـان حـطيـتهـا

مير عطني ملفك وانا قاضي القضاه
كـم قـضايـا قـبل هـذي تولـيـتهـا


عبدالحميد الفهمي

كم صور طلعتها ما لها من طراه
ودك بمنفعـة نـفـسـك وضريتهـا

 

 

 

 

[معلومات العضو غازي المسعري]

اخوي ريان

سلمت يمينك على نقل هذه المحاورة الرائعة

كل الشكر

 

 

 

 

[معلومات العضو حسن مسرع الدوسري]

ريان الفهمي
حياك الله واشكرك ع ايراد المحاورة الجميلة للشاعر المتألق الفهمي معى فيصل الرياحي
دمت بود

 

 

 

 

[معلومات العضو ريان الفهمي]

الف شكر لكم انتم على هذا المرور الرائع

والله لايهينكم يالنشاما.........

 

 

 

 

[معلومات العضو جهز المسعري]

بدايتنا ارحب بك اخوي ريان وشكرك على هذا الطرح الراقي لاعدمناك

دمت بود

 

 

 

 

[معلومات العضو ريان الفهمي]

جهز المسعري

الله يبقيك ويغليك


والف شكر لك على هذا الحضور الرائع...


فيصل الرياحي


انت فهمي وتفهم كل علمآ وراه
سر وألغازما يمديك حليتها

غير رب الخلايق ما طلبنا رضاه
كلمة الحق حبتني وحبيتها


عبدالحميد الفهمي

أنا فهمي ولي بيتآ جويدآ بناه
والعرب لو بذلت الجهد ماأرضيتها

ما أطيب اللي ليا من شاف شر اتقاه
ليـتـها يــوم فيهـا شــر خلـيــتهـا

تحياتي لك...

 

 

 

 

[معلومات العضو ابو فهد الغييثي]

صح السان الشاعران

ولاهنت على طرح المحاوره

تحياااااااااااتي

 

 

 

 

[معلومات العضو محمد الولامين]

صح لسان الشعار


سلمت يمينك على نقل هذه المحاورة الرائعة

لا هنت على كل حال

 

 

 

 

[معلومات العضو ريان الفهمي]

الف شكر لكم انتم على هذا المرور الرائع

والله لايهينكم يالنشاما.........



تشرفت بمروركم

تحياتي لكم....