يامن بنا الخايف ويامن وطنا

**معلومات** **العضو** · 18-07-2005, 11:17 AM

قال الشاعر الكبير (( فويران المقابلة الدوسري )):

ستين ليـــل ما يوني ظعنـــــا = وعشر من الثالث وحنا مدابيـــــــر
في شف محشـــاد دوام تحنا = ملحا جفاها الحل عقب المصافيــر
يازيــــن يبرى للتوالي ظعنــــا = ويرجع علينا جل ذود معاشيــــــــر
نتلى بني عمي على العز وانا = نورد نهار الهوش قحص مشاميـــر
هل سربــــة لا دبـــروا يرجعنا=وان وردوا نروي خشوم المشافير
قب على ارخاي الرسن ضرينا = عليهن اللي يلبسون المشاهيـــــر
قب تنسم في اللقــــا كل دنـا = الى اقبل الصياح ثوبه طماريــــــــر
لا زيع ذوده فلوهن ما ابعـــدنا = واقفوا عليها مبعدين المعابيــــــــر
نلحق على قب تلوج الأعنــــا =قحص المهار معسكرات المسامير
لا صدرن عقب النهل وانتشنـا =كثر الطريح وعودت للمصاغيــــــــر
على الطريح مشن يلعبنــــــا = هذا منيع وذاك من ناقر الطيــــــــر
هذي فعول جدودنا اللي مضنا= زايدية زادوا على الشر والخيـــــــر
كم جردة نمرا خذاهـــا طعنــا = واقفت شرايدهم تسب المشاويـر
يامن بنا الخايف ويامن وطنــــا=وتامن بنا جرد البكار المعاشيـــــر
ويامن بنا الخايف الى من زبنـا=ويامن ويلقى كل عز وتقديـــــــــر

شرح بعض المفردات الصعبه:
محاشير : ناقه لا تصبر على الظمأ فهي دائمة الحنين.
الحل : الوقت.
المصافير : هذه الإبل تريد وادي الدواسر حيث الماء وقد صوح نبات البر ونشف الثرى واشتد الحر.
قب : خيل ضمر طوال.
المشاهير : لباس الفرسان المشهورين وهو لباس أحمر يسمى الجوخ.
دنا: صغير الجسم.
تنسم : تريح.
طمارير : شرائح من شدة الجري.
تلوج الأعنه : تعلك الأعنه

**معلومات** **العضو** · 18-07-2005, 11:26 AM

لا هنت يا أبوعبدالرحمن علي ذكر هالقصيدة الجزله
وصح الله السان الشاعر الكبير (( فويران المقابلة الدوسري ))
ولا تقطعنا من جديدك
تقبل تحياتي

**معلومات** **العضو** · 18-07-2005, 12:48 PM

أخوي ا أبوعبدالرحمن الودعاني

لاهنت على الأختيار الموفق

وصح الله لسان الشاعر

**معلومات** **العضو** · 18-07-2005, 12:56 PM

بيض الله وجهك يالودعاني علي القصيده الجزله وصح السانك والسان الشاعر

واسمحلي علي تنسيق القصيده

**معلومات** **العضو** · 18-07-2005, 01:09 PM

لا هنت يا ا أبوعبدالرحمن الودعاني علي ذكر هالقصيدة الجزله

جعلنا ما نخلا منك يا الغالي

وصح الله السان الشاعر الكبير (( فويران المقابلة الدوسري ))

ولا تقطعنا من جديدك

تقبل تحياتي

دغش البطي

**معلومات** **العضو** · 19-07-2005, 08:25 AM

مرحبا بوعبدالله (خالد الغريري)

ويشرفني مرورك وأحسنت على ذا التشجيع وجعلي ما

خلا منك.

**معلومات** **العضو** · 19-07-2005, 08:28 AM

مرحباً وأهلاً بك أخي ( الواضح) أشكرك على المرور وبيض الله وجهك.

**معلومات** **العضو** · 19-07-2005, 08:30 AM

ما قصرت وجعلك ذخر يا (تركي الودعاني)

على الترتيب وما قصرت ودوم فعولك طيبه لا عدمناك.

**معلومات** **العضو** · 19-07-2005, 08:31 AM

مرورك شرف يا (دغش البطي)

ويفرحني ويشجعني على الجديد

بيض الله وجهك وبارك الله فيك

**معلومات** **العضو** · 19-07-2005, 11:37 AM

صح الله لسان الشاعر فويران المقابلة

وسلمت يمينك اخوي بليهي على نقلها لنا

لاتبطي بجديدك،،،

**معلومات** **العضو** · 23-07-2005, 11:28 AM

مرحباً بك أيها الغالي الحبيب (( أبوفهيد))

دائماً سباق بمشاركة إخوانك لا عدمناك

**معلومات** **العضو** · 23-07-2005, 10:48 PM

أبوعبدالرحمن الودعاني

بيض الله وجهك وصح الله لسانك

ورحم الله الشاعر الكبير فويران

**معلومات** **العضو** · 24-07-2005, 09:12 AM

مرحبا .. مرحبا والله

بأخي الغالي (( سعد المقابله)) شرفتنا بمرورك

وكنا ننتظر مرورك من زمان.

**معلومات** **العضو** · 08-06-2007, 10:34 PM

تسلم يمناك و صح لسان الشاعر

**معلومات** **العضو** · 10-07-2007, 10:24 AM

أرحب يا يحي الودعاني

مرورك شرف جعلنا ما نخلا منك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية