عبدالرحمن الشرافي و راشد المسعري ..." مساجله "

[معلومات العضو عبدالرحمن الشرافي]

اخواني الاعزاء ,,,


أسعد الله أوقاتكم بكل خييير ..



أضع بين ايديكم هذه المساجله بيني و بين الشاعر / راشد المسعري

وابدء بقصيدتي اللتي اسندتها له وثماَ برده ..


اقول في قصيدتي ::

الا يا ابن مسعر خيمتك وش جرا بها = اشوف الزمان اشتلها ثم جرى بها
يخر المطر من فوق لا من نزل مطر =والا هبة الصلفا تفتق حجابها
وشفت الديار اللي من اول بها عرب = لا كنها من اول ما وطتها ركابها
وكلن تولى منصبه من ولايته = وعلى الراهي المسمي تجمّع دوابها
خبول العرب شاخت وشاخت رعايها =وضاعت خطاياها وضيّع صوابها
ولا ادري علام الوقت لفة محالته = يا لين العدود أمست تغثرب شرابها
فيا رب من عقب الدهر تنزل المطر = يعم البلاد سهولها مع هضابها
نصاك القصيد من الشرافي يا ابو محسن = ونتنا من أصحاب المعرفه جوابها

فرد علي ابو محسن :

ابن سالم يمكن بصيده صوابها = لكن علومه باعدت عن صوابها
انا مسكني قصرن تذري ركونه= في راس عيطا والردي مارقابها
ماهوب خيمة يصفق بجالها الهواء = ومع دورة الايام تضعف اطنابها
قصرن يروده كل قرمً صميدع = من لابتي والا طوارف اصحابها
الضيف يلقاء به كرامه و واجب= واما العدا ماقد حسبنا حسابها
وبلادنا من فضل الاله عامره = وكم واحدن مبطي نواها وهابها
وخبول العرب نكبه على باقي العرب = و ما ظنتي يوم اللقاء ينغزا بها
والوقت فعلاً فيه لفه ودوره = حكمة اله الكون منشي سحابها
وان عاكست لك يالشرافي مده = لابد من يومً يولي عقابها

وسلامتكم,,,

 

 

 

 

[معلومات العضو ابو زابن المسعري]

الله يصح السانك والسانه ويبيض وجهك على نشرهذه القصائد الجزله

لك جزيل الشكر من محبك ابو زابن

 

 

 

 

[معلومات العضو الزين]

الضيف يلقاء به كرامه و واجب= واما العدا ماقد حسبنا حسابها
وبلادنا من فضل الاله عامره = وكم واحدن مبطي نواها وهابها
وخبول العرب نكبه على باقي العرب = و ما ظنتي يوم اللقاء ينغزا بها
والوقت فعلاً فيه لفه ودوره = حكمة اله الكون منشي سحابها

صـــــــــح لسانك ولسان المسعري .....وبيض الله وجيهكم

 

 

 

 

[معلومات العضو محمد الولامين]

صح لسانك ياعبدالرحمن وصح لسان اخونا راشد

عز الله كفيتو ووفيتو


وبيض الله وجيهكم


لاهنتو

 

 

 

 

[معلومات العضو king]

خبول العرب شاخت وشاخـت رعايهـا
وضاعـت خطاياهـا وضيّـع صوابهـا

وخبول العرب نكبه على باقي العرب
و ما ظنتي يوم اللقاء ينغـزا بهـا

ونعم بكم وصحت السنتكم
وااافين
ولاهنت على اتحافنا بالمساجله

 

 

 

 

[معلومات العضو العماني]

صح الله لسانك يابوسالم وصح الله لسان ابومحسن

قصائد جميلة وجزله ، وابومحسن قصره منيف وثابته اركونه بفضل الله وتوفيقه .

تقبل تحياتي،،

 

 

 

 

[معلومات العضو غازي المسعري]

الله يصح السانك والسانه ويبيض وجهك على نشرهذه القصائد الجزله

لك جزيل الشكر

 

 

 

 

[معلومات العضو بدر بن صقر العجالين]

كفوو كفوو يا عيال صهيب ابن زايد..

صح الله لسانك يا أبوسالم وصح الله لسان ابومحسن..

مساجله رائعه ومافيكم حيله ..

بيض الله وجيهكم..

وتقبلوا تحياتي،،

 

 

 

 

[معلومات العضو الـودعـأني]

صح الله لسانك يبو سالم ولسان اخونا ابو محسن وما قصرتوا علي القصايد الطيبه وبيض الله اوجيهكم

وتقبل مروري

تحيأأتي .. الـودعـأني

 

 

 

 

[معلومات العضو خلاّد الزايدي]

لكن علومه باعدت عن صوابها

الشاعر / راشد المسعري


شاعر جزل ذرب ورجل يجبرك على احترامه لأنه يحترم نفسه في المقام الأول ويحب بني عمه في المقام الثاني ويحرص على كل مافيه مصلحة لإجتماع القبيلة وتآلفها
فصح الله لسانه وبارك الله فيه وكثر الله من أمثاله

 

 

 

 

[معلومات العضو مطلق الحصان آل عمار]

الاخ الشاعر / عبدالرحمن

صح لسانك

وصح لسان الشاعر راشد

مساجله رائعه

نتمنى حضور مثلها منكم

تحياتي وتقديري