مصافحه أولى من أخوكم مهدي بن منديل

[معلومات العضو ضرغام]

بسم الله الرحمن الرحيم
أخواني أعضاء وزوار هذا المنتدى الشامخ بإسمه وبرجاله
السلام عليكم ورحمة الله
أحببت أن تكون مشاركتي الأولى قصيده في مدح من يستحقون المدح
عساها تنال إعجابكم

ياقصيدي تزهب والعمر فاني= القصايد دعاني اليوم داعيها
صوب وادي الدواسر فز بحصاني=ديرتي ماسلت مني وانا ابيها
يالله اللي عظيم الملك والشاني=ياعليمن بظاهرها وخافيها
جعل بارق حياك وصدق الامزاني=تامره لين ياتي فوق اراضيها
نوض برقه يسر ويبهج أعياني= والرعد لج صوته في نواحيها
ثم هلّت مطرها عقب الآذاني= مزنةً كل راعي ذود يرجيها
ياخذ أيام فوق الهضب وداني= من جبلها ألين يسيل واديها
لاوصلت السليل صوبها عاني=فز قلبي لها من كثر ماأغليها
دار ربعي وجداني وخلاني= لابتن نفتخر لا حل طاريها
لاد زايد كعام المعتدي الجاني=عزوةً كلنا متجمعً فيها
لابتي للكرم رمزً وعنواني =بيرق الطيب لازمته باياديها
هيه ياللي يغرك راي شيطاني=(إنتبه لايحوس الطين صافيها)
خلك معززً في حدكم هاني=أنصحك والنصيحه لا تخليها
إذكر اللي مضا في غبر الازماني=لابتي ووقعها في اللي يعاديها
ياسلامي عليهم قاصي وداني=عد ماسبحت نفسً لواليها
وياسلامي عليهم عد ماباني=نور شمسً على الوادي ومن فيه

أخوكم: مهدي بن منديل بن جماهر بن وثيله الرجباني
(ضرغام)

 

 

 

 

[معلومات العضو ابو فهد الغييثي]

صح السانك وعتلى شانك

قصيده ولا اروع

ويامرحبا بك بين بني عمك واخوانك

وهذه الساعه المباركه اللي شرفتنا فيها

تحياااااااااااااااااتي

 

 

 

 

[معلومات العضو ضرغام]

أخوي العزيز أبو فهد الغييثي
يشرفني مرورك ويسعدني حضورك
ولاهنت

أخوك ضرغام

 

 

 

 

[معلومات العضو شافي القويسي المخاريم]

ياخذ أيام فوق الهضـب ودانـي=من جبلها أليـن يسيـل واديهـا

صح لسااااااانك
بيض الله وجهك يا ضرغام
على ما ابدعته لنا
مصافحه اولى موفقه
اتمنى ان تمتعنا بجديدك
والعذر على تنسيق القصيده

تحيااااااااااااتي

 

 

 

 

[معلومات العضو ضرغام]

أخوي شافي
بيض الله وجهك على التنسيق الرائع
ورسالتك وصلت وهي قصيده خصيت بها منتدى القبيله الرسمي
وهي لربعي وبني عمي واخواني سواء كانت في منتدى قصائد المدح والفخر
أو في هذا المنتدى
وأشكرك على مرورك


أخوك : مهدي بن منديل

 

 

 

 

[معلومات العضو ســـطام الروقي]

قبل ردي تقبل ودي وصح لساااانك يا أبيض الوجه

 

 

 

 

[معلومات العضو ضرغام]

أخوي سطام شكرا على مرورك العطر
لك ايضا ودي وتقديري

 

 

 

 

[معلومات العضو ابو زيد الغييثي]

هيه ياللي يغـرك راي شيطانـي=(إنتبه لايحوس الطين صافيهـا)
خلك معززً فـي حدكـم هانـي=أنصحـك والنصيحـه لا تخليهـا
إذكر اللي مضا في غبر الازماني=لابتي ووقعها في اللـي يعاديهـا

الله الله

اررررررررررررررحب تراحيب المطر

ضرغام الشعر

مهـدي بن منديل آل وثيلة

ابيات رائعه ذات معنى

تحتمل تفسيرين واظنك تقصد

ما حدث من ايام قلائل

صـح اللسانك مليون تردف

مليون ولا يوفون يالقـرم

حقيقه تكتب هذه الابيات

بماء الذهــب

أخوكـ / ابو زيـد الغييثي

 

 

 

 

[معلومات العضو ضرغام]

ألا أرحب أنت يابو زيد
ومجرد مرورك على القصيده يزينها
تقبل تحيتي وسلامي وتقديري


أخوك/ مهدي بن منديل

 

 

 

 

[معلومات العضو راشد المسعري]

ضرغام صح لسانك يابن وثيلة وبيض الله وجهك ملايين على هذه الجزلة التي اتحفتنا بها والطيب ما يجي منه إلا طيب ، تقبل ودي وتقديري ،،،

 

 

 

 

[معلومات العضو محمد الولامين]

لاد زايد كعام المعتـدي الجانـي=عـزوةً كلنـا متجـمـعً فيـهـا
لابتـي للكـرم رمـزً وعنوانـي=بيرق الطيـب لازمتـه باياديهـا

مرحبا مليووون في محلك

وصح لساانك يالذيب على امتاعنا في ذا الجزاله

لاهنت على كل حال

 

 

 

 

[معلومات العضو عايض المعاوي]

ضرغام
ضرغام صح لسانك
قصيدة تستحق التصفيق الحار والآشاده
ونعم بك وبربعك
تقبل
مروري

 

 

 

 

[معلومات العضو ســـطام الروقي]

صح لساااانك كفيت ووفيت

 

 

 

 

[معلومات العضو العماني]

الشاعر القدير مهدي بن منديل بن جماهر بن وثيله ( ضرغام )

مرحبا ومسهلا بك في محلك وبين ربعك وبني عمك في موقع الدواسر الرسمي

وصح الله لسانك مدد مهوب عدد على القصيدة الجزله والوافية ، ولانستغرب عليك هذه المشاعر وهذا الكلام الطيب فانت من روس عرب ومن أناس مشهود لهم بالطيب والشجاعه من غابر الأزمان .

تقبل تحياتي،،

 

 

 

 

[معلومات العضو ضرغام]

الأخ العزيز : راشد المسعري
اشكرك على مرورك
ولا هنت