|
|||||||
07-06-2008, 12:48 AM
|
#1 | ||||||||
|
أجز الجفن !! من هي له القصيدة ؟
السلام عليكم ورحمة الله وبركاته
آخر تعديل addhna يوم 07-06-2008 في
01:09 AM.
|
||||||||
|
|
|
|
02-07-2008, 03:07 PM
|
#2 | |||||||||
|
رد: أجز الجفن !! من هي له القصيدة ؟
اقتباس:
لقيت باجمعة الخير من أبيات هذه القصيد بعضها وأرجو من الله العزيز الحكيم أن يدلكم على باقيها !! وأرجو من الله أن يرعاكم بحفظه
أجز الجفن وأنحى النجم والموق شايمه = أدير الأفكار والأنظار والليل مانيب نايمه
أدير الأفكار والأنظار في ماضي مضى = في حالات الدنيا بينات هضايمه أقدم حالات ،، وأخر أمثالها = وأحسب للقالات بدت لي علايمه أدرج محملي في بحر الأفكار غايتي = جواهر بيوت مبهمات نضايمه يا سامع معنى جوابي توقع !! = تركد ترى دنياك ماهيب دايمة توقع وعز النفس عن كل مدنق = ترى المدنق الهافي قداد ودايمه لا تصاحب الملاق والهيس والردي = والنذل نقال حاكي نمايمه ترى الردي يرديك والنذل جنبه = بالظاري الضرغام بالألف سايمه ليا سرت ما تدري عن المرء أسبره = وانظره لمن هو يختفي هو في عزايمه من لا يدري بخاطرك لا تدري بخاطره = بع بالرخاء ولمه ما قال سايمه لا تدوس الأخطار ولو غبها الفناء = تدهويك يدور الخطر في وخايمه كم ضعيف العقل والجسم والذكاء = تقوت من الليالي ما درى عن وزايمه مريح وقلبه مستريح من الشقاء = رزقه رغد والوقت مرضي عزايمه وكم واحد خاطر بماله ومهجته = واصبح عشاء للذيب ياكل لحايمه وليا اسفهل وغرته في مزاحها = يستلم ذهب وذهب والطمع من غنايمه تسقيه من بعد الحلى مقعد النكد = انقلب طبعة الاول وشبت رقايمه غنوج لا جتك على الكيف والهوى = على الحنظل القالي تكوى لقايمه تقول في تاليها .. .. .. = عجوز لا قفت من شايبات اللميامه
|
|||||||||
|
|
|
|
02-07-2008, 08:45 PM
|
#3 | ||||
|
رد: أجز الجفن !! من هي له القصيدة ؟
اخوي مالي علم ولكن ارجح انها لراشد الخلاوي
|
||||
|
|
|
|
21-12-2008, 02:02 AM
|
#4 | ||||||||
|
رد: أجز الجفن !! من هي له القصيدة ؟
أجزى الجفن وانحى النجم والموق شايمة = ادير الأفكـار والليـل مانـي بنايمـة اديـر الأنظـار فـي ماضـيٍ مضـى = بحـالات الدنيـا بيناتـن هضايـمـة اقـدم لحـالات ووخــر لأمثـلاهـا = واحسّب للقـالات بـدت لـي علايمـة أدرج محملي في بحر الافكـار غايتـي = جواهـر بيـوت مبهمـات خضايـمـة تتابع بزور الصدر مـن زود جورهـا = بدت من بدا جور الوقت مـن ضايمـة جنيت انا مـن بحـر الافكـار غايتـي = قوفي بيوت محكمات نظايـمـة ولا مقصـدي فيـه افتخـار بشـدهـا= محـال بـلا بشـي بقلبـي مزايـمـة اليا افتكرت بالدنا بـدت لـي عيوبهـا = شاهـد عـيـان بينـاتـن وسايـمـة تقفـي وتقبـل ضرهـا مـن نفعـهـا = عـزوم فـلا يقعـد صغاهـا شكايمـة يـا سامـع معنـى كـلامـي تـوقـع = توقـع تـرى دنيـاك ماهـي بدايمـة توقع وعز النفـس عـن كـل مدنـق = ترى المدنـق اللهام فـي قـداد قدايمـة ولا تطري العورات لا جيـت مجلـس = ترى الصمت بـه سـر خفـي لرايمـة ولا تواخذ الصاحب علـى كـل زلـة = ادمـح لـزلاتـه وبـيـن حشايـمـة صديقك اليا بان الجفـا بـك رف بـة = واليا حـل بـك هـرج تلقـى لوايمـة ولا تتبع المقفـي اليـا اقفـت ظعاينـة = حـاذور والصاحـب تحمـل جرايمـة ولا تعطـي المقبـل صـدود وبـادرة = بالاكـرام ذرة عـن هبايـب سمايمـة ولا تصاحب الملاق والهيـس والـردي = والنـذل والنمـام حـاكـي نمايـمـة ترى الـردي يرديـك والنـذل جنبـة = فلا الضاري الضرغـام يالـف سايمـة ترى الجنس حول الجنس يا صاح مثلما = طيور الهـوا بالجـو بالجنـس حايمـة اليا صرت ماتدري عن المرء فأسبـرة = وانظر إليا مـا يحتمـي فـي عزايمـة ومن لا يداريـك لا تـداري بخاطـرة = بـع بالرخـا ليـا مـا قـال سايمـة لا تضرب الاخطار لـو بعـده الغنـى = يدهويك تدويـر الطمـع فـي وخايمـة كـم واحـد خاطـر بمالـة ومهجتـه = واصبح عشـا للذيـب يمشـع لحايمـة يخاطـر ويسلـم ثـم يسلـم و يستلـم = ذهب في ذهب والطمـع فـي غنايمـة وكـم واحـد يسلـم بتدويـر مرزقـة = حريـص مشيـح ماتونـي خصايمـة يهرف كمـا الذيـب المسلـوع نهـارة = واليا جا الدجى يسهر دواجـي بهايمـة ولا فـاد بالمحـروم حيـلـة وقـوتـه = ولو كان لـه نفـس بالاطمـاع هايمـة كم من ضعيف الجسم والعقـل والذكـا = تفوت الليالي مـا درى عـن وزايمـة مريـح وقلبـة مستريـح مـن الشقـا = ورزقة رغد والوقت مرخـي حزايمـة تجاوز صعيبـات المـروة ولا تخـف = ترى ان المـروة موحشـات خرايمـة تواضع وجنـب جملـة الكبـر والريـا = ترى الكبر للـي خصنـا فـي نعايمـة من لبس ثوب الزوم والكبر ما اكتسـى = كرع بالجهل لين ارتوى مـن زمايمـة ولا فـاد منهـو فـي جـدوده يفاخـر = وهو قاصر لـو يفتخـر فـي قدايمـة اليـا صـار فعلـة مـن قـد فعـلـة = فـلا ينفعـة ذكـر الثنـا فـي قدايمـة ومن جاد ساد وحصـل المـدح والثنـا = وبنـى بيـت عـز عاليـات حمايمـة ومن شح صار لغيبة النـاس عرضـة = ما ادرك مـارام وشـال وزر وثايمـة ومن لا يسوس امرة ويذخـر ويبتصـر = ياطـول ماقبـس لليـالـي تلايـمـة واعـط الجـار حقـة لا تبيـن لزلتـه = ترى الجـار حقـة واجباتـن لزايمـة ولوم الجار ان دمح له وتستـر عيوبـة = ترى العمـر لا بـد مقفياتـن هزايمـة ومن طاوع الشيطان وانحى عن الهوى = وهو تاه دربـة والعمـل فـي حتايمـة ترى العمر صيورة ولو طـال ينصـرم = كمـا دلـو بيـر مطلقاتـن وذايـمـة هذا وختم القيـل صلـوا علـى الـذي = به الديـن والاسـلام قامـت همايمـة والسلام عليكم
|
||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حكم المداومة على الوعظ عند القبور أثناء الدفن | علي العبدالهادي | :: القسم الإسلامـــي :: | 7 | 17-10-2010 12:30 PM |
| الشعر....بحوره ^^اوزانه^^مع الامثله.... | محمد ال طامي | :: قسم الـشعر العــام :: | 0 | 23-06-2010 02:30 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 02:53 PM
