نصيحة الشاعر عبدالله بن مبارك الدوسري (ابن شهبان)

[معلومات العضو ابن شهبان]

بديت القـــول باسم إلي خلقنــــــا = عزيز الجــــــــــاه رب العالمينـــــا
إلـه مـــالنـــا معبــــودغيـــــــــره = هـوالــــــرزاق وهـوإلى معينـــــــا
جـليل الملك عـــــــلام الخفـايـــــا = ما خــــاب إلي يحــــطه له عــوينا
أســـأله رحمته يوم الحســــــابي = عســــــــاني من يجونه فايزينـــــا
إلى جـــاء يوم تقديم الكتـــــــابي = عســـــــاني من يمــــده باليمينــــا
وبعد الـذكــر يا سامع كـــــــلامي = توح وخــــل عــــقلك لي فطينــــــا
تمعن في الكـــــــلام إلى بقولــــه = لزوم إيصــير له عــندك يقينــــــــا
لا يذهب كل ماقـــــــوله بلاشـــي = عسى عمرك يعـمـــر له سنينــــــا
ماقلت القول من باب الفـــراغــه = اقــوله من تجــــــاريب السـنينـــــا
مضينا نص قرن في التجـــــارب = وعــــرفنا إلى لنا وإلي علينــــــــا
أخـــــذنا الــدرس منها وإستفدنـا = وجــــربنا على عـــــسر ولينـــــــا
يمـــر العمـــر لحظــات ودقـــايق = ولا تدريبـــه إلى بـــــعد حينــــــا
خــذ حســاب الليـــال المقبـــلاتي = مافــــاتك مـــايعـــود يا ذهينــــــــا
وطـــيع الله وجـــنب منكــــــراته = وبعــده طــاعتــك للوالدينــــــــــا
وجـــارك لا يحــسه منك حســــه = قم بواجـبه يـاذرب اليمينــــــــــــــا
وإلا من وافقـــت عندك كــــرامه = لزوم يصير ضمن الحاضرينـــــا
ويلن دبلك لـــزوم إنك تجيـــــــله = وصــالك واجب حذرا توينــــــــــــا
وضيفك قـــوم له بالواجبـــــــاتي = وحــــط له القرا سمن وسمينــا
وبش أبوجه وخــلك بشـــــــاشي = ترى هذه صـــفات الغانمينـــــــا
مـا دام أنه مقـــيم فــــي محــــلك = ترى ماصار له بظهرك دينـــــا
وبوصيك بخـــــويك لا تخــــــونه = وصات حطــها جوف الكنينــــــا
خويك شعرة من شـعر وجـــــهك = لا تســــمع فيه قـــول القايلينـــــــا
خــــويك ثم خـــويك يالهمـــــامي = لا ترضــى فيه بالعـــــلم المهينــــا
وإن كان العــلم ما كفــــــاك مني = أبذكـــــر لك إفـعـــول السـالفينـــــا
ابذكر قصـــة إنويشي وخـــــــاله = سمــــعتـو فيــــــه وإنا سامعينـــــا
أخـــــذ له سبعة بقضا خـــــــويه = ويد خـــــــاله بترهـــا بالسنينـــا
عز الله إن فـعله يبيض بوجـــهه = رحــل وإنا لفعلـه ذاكــــــرينـــــــــا
قضينـــا خــــــمسة ابواب وبفتح = لـك الســـادس وخـلك لي فطينـــــا
ترى عـــــــــد ماله جرة مـــوارد = ترى ياصـاح مـــــاله صادرينــــــا
ليامنـــك وردت العــــــد فــــأورد = إعدود تسقـي الي واردينــــــــــــا
وإلا منه حــــــداك الوقـــت فزبن = على إرجــــال ذرا لزابنينـــــــــا
عليك برؤوس قـــــوم ماتواطــــا = لهم في المجـــــد صولاتِ تبينــــــا
ترى في القوم زيزوم صـميدع = له الصعبــات والقــــــاسي يلينــــا
إلا منك نخيتــه في لزومــــــــــك = يقــــــــوم ويدحـــم بجــنب متينـــا
مهـــوب إدوينين لا من نخيتـــــه = لزومك يجــله إلى بعــد حينـــــا
ولا منك بليت بشــــر جـــــــــاهل = توقــــع لا تجـي من الجـــاهلينـــــا
توقع وحسب إحســـاب العــواقب = تـرى الشيطــــــــان عدوٍ مبينــــــا
وإن كان الوضــع عقيل تجيهـــل = مادون الحلـق ياكـــــــود اليدينــــا
مايرضـــا بالمذلـــة كـــود ناقص = ولـد لاشِ مضــــــــرٍ بالـغبينــــــــا
وأريد العـذر من كـل العـــــوارف = كـــــلامي مايـخـص العـــارفينــــــا
وأختم القـــــول وأصلي واســــلم = على محمـداخــير المرسلينــــــــا

 

 

 

 

[معلومات العضو شافي القويسي المخاريم]

وطـــيع الله وجـــنب منكــــــراته = وبعــده طــاعتــك للوالدينــــــــــا

لاهنت على القصيده


تحياتي

 

 

 

 

[معلومات العضو غزلان.]

الاخ ابن شهبـــــــــــــــان

لاهنت على القصيده القيمه والزاخره بالحكم والنصائح


تقبل مرورى وتقديرى


غزلان

 

 

 

 

[معلومات العضو سالم بن صمهود]

صح الله لسانك يابن شهبان واسمح لي على التنسيق

 

 

 

 

[معلومات العضو ابن شهبان]

الاخ سالم لك مني جزيل الشكر على تنسيق القصيده والمعذره على التأخير في الرد حيث اني مقدر اشارككم في الراي إلا بعد خمسين مشاركه


تقبل تحياتي وجميع الاعضاء (ابن شهبــــــــــــــان)

 

 

 

 

[معلومات العضو ابن شهبان]

الاخ سالم
و الاخ مبارك الخييلي
لكم مني جزيل الشكر على تنسيق القصيده والمعذره على التأخير في الرد


تقبلو تحياتي وجميع الاعضاء (ابن شهبــــــــــــــان)

 

 

 

 

[معلومات العضو ابو زيد الغييثي]

ابذكر قصة إنويشـي وخالـه=سمعتو فيـه وإنـا سامعينـا
أخذ له سبعة بقضـا خويـه=ويد خالـه بترهـا بالسنينـا

نويشي بن ناشي الحربي قتل خويه

في ديار قومه والقاتلين هم ابناء عمه

فقتص منهم وقتلهم واحدا ً تلو الاخر

وبعد الثأر وتم الصلح بين نويشي وبين قومه

مر مع خاله بالمكان الذي قتل فيه خويه

فمد يده ( خاله ) واشار اليه

فسل نويشي سيفه وقطعها

ثم انشـد ابيات يسندها إلى ذوي القتيل ( خويه ) :

يا راكب اللــي شايباتٍ مقاريـه = مثل الظليم اليا ضرب له قرارا
يسرح وممساه البديري حراويه = اللي نزل بين السهل والوعارا
خوينا يا متلـف الروح نغليـه = واللي ورى الصبيان دربـه عسارا
مطلق مطيحه بايمن السوق شوفيه = فوقه رمن شنودهن العذارا
ارخصت عمي ما احسب القلب يصخيه = عند الخوي كنه حتين الجفارا
اقفى مع الطاروق دمه يباريه = دمه مع الطاروق يغشى الجدارا
احدٍ سمع واحدٍ بالأعيان راعيه = البدو والحضران فوقه صبارا

وقــال رجل اظنه من شمّر :

لا وهني نويشي اللـي قضا الدين = وجهه كما القمرا من اول شهرها

صح اللسان بن شهبان

وجعل يمناكـ مايجيها العطب يالسنافي


على النقل


أخوكـ / ابو زيد

 

 

 

 

[معلومات العضو ولد ودعان]

ابن شهبان قصيده تدل على اصالة قايلها صح السان كابيات جميله وحياك الله نورتنا يالقرم ولاتحرمنا من هالابيات الجزله

تحياتي

اخوك ولد ودعان