الــدواســــــر

[معلومات العضو صالح الحمود]

بسم الله الرحمن الرحيم
ليس هناك أغلا من هذه القصيدة لأبدأ بها معكم في هذا الموقع العزيز على قلوبنا جميعا

(( الـدواســـــر))

يا للي تقول احـوالكم حـالها حــــال=مدري هجـا وإلاّ مـديحـــة مـهابيــل
حنا الدواسر كان تسـمع بالاعـتـال =من علية اشراف العرب والافاضيل
قوم ٍ لنا في هــامـة المجــد منـزال = وامجــادنا من طولها كادت اتميــل
ما فـوقنا منزل..ولا قـدْر..واجــلال = ما فوقـنا غـير الدّعا.. والتهـالـيـــل
حزنا المعالي والعـلا باسمنا طــال= حتى بلغـنا مبلغ الشمس واسـهـيــل
حـنا الـدواســر مالنا شـبه وامثـال = لكـن لـنـا في كـل ســيـره تفاصـيــل
رجّـالنا وحــده عن الفـيـن رجّـــال= واجـموعـنا ما تنحسـب بالرجـاجـيل
حـنا الأفاضـل مالنا فـخْــر نخـتـال = لكن لنا من بين الاخــيار تفضـيــل
حـنا الاكــارم ما بنا شـح وهـــزال = حنا البحــر لكن بنا سـرعة السـيـل
من جـودنا ما يارث اعيـالـنا مــال = حـنا نـورّث مجــد وارجــال ٍ اتعـيــل
إليا عـطـينـا نتـقي شـح الامـــوال = نعطي عطا من يحسب المال تسبيل
نعطي ونعطي ما نوقـّف ولا انبـال = وإليا وقـفـنـا وقـفة الحـرب والويـل
أيامـنا مشـهــوره ما تبغـي امـثـال = من شـهـرهــا تـنسـب إلينا تهـاويـل
أهل الوغا..حمّاية الجار..والجــال = أهل السّخا..والهيل..والكيل..والخـيل
انسب إليـنا ما تريــده من افـعــال= وانسـب إليـنـا ما تشا من أفـاضـيـل
فلا تركـنا للــورى فـضــل ينـقــال = ولا تـركــنـا للأفـاضـــل أفــاعـــيـــل
صـدنا المكــارم كلهــا دق وجـلال = واطلقـنا جنحـان الردى والمهـازيـل
نعطي ولا ناخذ ولا نرجي افضـال = اللـي نـريــده نـفـعــلـه دون تعـلـيــل
أفعـالنا تسـبق خـبـرنا ولا اتحــال = واحــلامنا تسبق غضبنا ولا اتحـيـل
نعـفـو إذا شفنا العـفـو مـا بهْ اذلال = وإليا بطـشــنا تحـسـب الكل مـذالـيـل
اصدورنا رحـبه ولا تحـمل اغــلال = من رحـبهـا ضـاقـت علينا مـداخــيـل
نسكت على الجهال لا قالوا اقـوال = بس لا غـضـبـنا بجّـلـتــنا الأقــاويــل
نكتال..وإن زاد العدو كـيل..ننهـال = وإليا تحـيـقـرنـا الـعــدو نتـرك الكـيــل
الموقف اللي ما يبي حرب وابطال = ما ناقـفـه من كـثـر الافـعـال والـقـيـل
فينا ضراوه..واستماته..مع اقـبال = زلـزال وقـت الحـرب وانجــوم بالـليـل
قـتـيـلـنـا ما يسـتره ثـوب وجــلال = ما يسـتره غـيـر الـقـنـا والمـصـاقـيـل
هذا سـنعـنا قـبل توحـيـد الاطــوال = أيـام ما كـان الـزمـن يقـطــع الحــيــل
واليوم حـنا بالمناصـب والاعـمـال = في مـقـْـدِمَة ركب العـرب والحـلاحـيل
انعم بنا..وانعم بنا..وانعــم الحــال = الـلابــه الـلـي بـالـمحـــافــل قــنـاديـــل
خـطلان الايدي لابة العز والـفـــال = أهـل الرمـك..والألـويــه..والـفـنـاجـيــل
تشْـرف بنا أرض العروبه والاجيال = ولا ينقـّص قـــدرنـا ســاقـــط الـجــيــل
تمت ولا تم الغرض والغضـب زال= لـكـن عـلى الله تـترك الـقــال والـقـيــل

 

 

 

 

[معلومات العضو فراج بن فهد آل تركي]

يسعدني أن أكون أول من يرد على هذه المدوية
التي تنبيء بقدوم شاعر ينحني له الشعر تقديراً وإبجالاً
لله درك ياصالح الحمود على هذا التمكن الفريد من نوعه
صح لسانك وتقبل تحياتي

 

 

 

 

[معلومات العضو ابو زيد الغييثي]

ما فـوقنا منزل..ولا قـدْر..واجــلال
..................... ما فوقـنا غـير الدّعا.. والتهـالـيـــل

الله الله

نعـفـو إذا شفنا العـفـو مـا بهْ اذلال
..................... وإليا بطـشــنا تحـسـب الكل مـذالـيـل

بيت رااائع



الاخ / صالح الحمود


صح اللسانك و اعتلا شانكـ

ولاهنت على هذه الابيات الجزله

ولا تأتي الا من رأس جزل


تقبل مروري

أخوكـ / ابو زيد

 

 

 

 

[معلومات العضو الزين]

خـطلان الايدي لابة العز والـفـــال =أهـل الرمـك..والألـويــه..والـفـنـاجـيــل
تشْـرف بنا أرض العروبه والاجيال =ولا ينقـّص قـــدرنـا ســاقـــط الـجــيــل

صـــــــــــــــح لسانك وبيض الله وجهك علي القصيدهـ الطيبه


أختك الزين

 

 

 

 

[معلومات العضو عبدالعزيز عبدالرحمن الفوزان]

صح لسانك جزل بيض الله وجهك أهنئك على هذه المعجزة ويحق لك أن تفخر بها تقبل أعذب التحايا أبو عبدالرحمن

 

 

 

 

[معلومات العضو عبدالرحمن بن عويس]

صح لسانك ..

لا هنت يا القرم !!

بيض الله وجهك إن شاء الله !!

 

 

 

 

[معلومات العضو فهدالمحيسن]

قصيدة اكثر من رائعه

تسلم شاعرنا المبدع صالح الحمود

نسال الله لك التوفيق والنجاح

 

 

 

 

[معلومات العضو سالم بن صمهود]

قوم ٍ لنا في هامـة المجـد منـزال=وامجادنا من طولها كـادت اتميـل

الله الله
الاخ والشاعرصالح الحمود
صح الله لسانك وجعل ربي يعلي شانك وبيض الله وجهك على الابيات الاكثرمن رايعة

 

 

 

 

[معلومات العضو محمد الغريري]

الشاعر : صالح الحمود

قوم ٍ لنا في هامـة المجـد منـزال=وامجادنا من طولها كـادت اتميـل

صح الله لسانك على ما كتبت من ابداع وجزالة في اللفظ والمعنى


ولا تحرمنا جديدك الجزل يا غالي


تقبل خالص الود والتقدير ..



اخوك في الله

محمد الغريري

 

 

 

 

[معلومات العضو فهدالمحيسن]

المشاركة الأصلية كتبت بواسطة محمد الغريري

الشاعر : صالح الحمود

قوم ٍ لنا في هامـة المجـد منـزال=وامجادنا من طولها كـادت اتميـل

صح الله لسانك على ما كتبت من ابداع وجزالة في اللفظ والمعنى


ولا تحرمنا جديدك الجزل يا غالي


تقبل خالص الود والتقدير ..



اخوك في الله

محمد الغريري

شاعرنا الاخ الغالي محمد بن صهيب الغريري سلمة الله
تحية عطرة
السلام عليك ورحمة الله وبركاته وبعد
نتمني منك الا تحرمنا جديدك الجزيل يالغالي
تقبل مني اخي وافر التقدير والاحترام

 

 

 

 

[معلومات العضو مبارك الخييلي]

كفوووووووو بني عمي


صح ألسانك أبن العم الغالي صالح الحمود


ماشالله تبارك الرحمن قصيدة جداً جميلة وطيبة من واحد(ن) هو أجمل منها شعوراً


سلمت يمينك على مانقشت به من أبداع وبيض الله وجهك على كل حال


تقبل جزيل شكري والتقدير

 

 

 

 

[معلومات العضو غلا نجد]

بـــــــــاذخــــة

صح اللســــــانك واعتـــلا شـــانــك

والنــعــم فيك وفي ربعك خطلان الايدي

بيض الله وجهك

سلمت ولا هنت

 

 

 

 

[معلومات العضو صالح الحمود]

فراج بن فهد
اشكر لك هذا الاطراء الجميل وهذا الحضور الاجمل
زدتني شرفا وبهجة

كن بألف خير

 

 

 

 

[معلومات العضو صالح الحمود]

ابو يزيد الغييثي
ممتن لهذا الحضور المشرف
واشكرك حتى يفيض بك الشكر

مودتي

 

 

 

 

[معلومات العضو صالح الحمود]

الزين
صح بدنك
واشكرك الف مرة على حضورك المبهج

تقديري