بعنـا الثمينـة بسعـر مايخارجهـا ..!!!!!

[معلومات العضو الزين]

قصيـــــــدة للشاعــــــــر..عبداللـــــــــه الحربــــي..

سمعت لي كلمة مدري وش اقصاهـا=حزت بنفسي وأنـا مانيـب هارجهـا
لوكـل كلمـة إلىجتنـا طردنـاهـا=بعنـا الثمينـة بسعـر مايخارجهـا
لو مـرت السمـع ماكنـا سمعناهـا=ونقفـل الـراس عنهـا لا يبرمجهـا
ومـن يـم هـذا لهـذا مانقلنـاهـا=والناس واجد وتلقـى مـن يروجهـا
من جابهـا بيـن خلـق الله وداهـا=لو به مراجل ترى نفسـه يسمجهـا
ومن عامل الناس في سابق خطاياهـا=يقعـد بـدار خـلا مـاداج دايجهـا
في كنة تشـوي الجربـوع رمضاهـا=وتابس غصون الشجر من حر واهجها
والناس بالحق حكم الشيخ ما أرضاها=ماتقنع النـاس لـو انـك تحججهـا
ياللي تبا الطيبـة خذهـا وعطناهـا=وخـل الطريفـة طريـة لا تثلجهـا
وأقضب طريق الأوادم وامش ممشاها=أتبع دروب العـرب وأدرج مدارجهـا
وأرسـم لنفسـك حـدود ولا تعداهـا=من حط نفسه بدرب الضيق يحرجهـا
وان كان نفسك هواهـا قـام ينحاهـا=حط الأعنة بروس الخيـل وأسرجهـا
وفكـر بمنكافهـا قــدام مغـزاهـا=واضرب حساباتها وتشـوف ناتجهـا
وكل بعضده يمـوح الدلـو برشاهـا=وتلقى كبود الضوامي مـن يبرهجهـا
وان كان توك على صـدرك تهجاهـا=حنـا ترانـا نـدرس فـي مناهجهـا
من يـم مصباحهـا نبعـد معشاهـا=إلـى قعـد راعـي الضلـع يدرجهـا
لو هي صعيبة إلى انعاجـت عدلناهـا=واللي تجي مستقيمة مـا نعروجهـا
نهتم فـي وزنهـا وابـرام معناهـا=ومـن الكرستـال واللولـو نتوجهـا
مثل الجواهـر ليـا منـا نضمناهـا=وسلوكها من جديد الـزري ننسجهـا
مخايـل تردتـدم والصـدر منشاهـا=لا دك بالـبـال داكــوك يهيجـهـا
وليا أمطرت ضاقت الوديان في ماهـا=تاخذ إلى الحول ما يبسـت مدالجهـا
وان صدت الناس عنا ما أعترضناهـا=ما تقفـي النـاس عنـا ونتولجهـا
وإن جاتنا الطيبـة بالطيـب زدناهـا=الطيبة بالعسـل والسمـن نمزجهـا
وان جاتنا الثانيـة نصبـر ونرفاهـا=يمكن إل ى فـاق راعيهـا يعالجهـا
وان عادهـا عـودة ماعـاد ينساهـا=- من حربة في صميم الصدر نولجها
مسمومـة يبلـش الدكتـور بدواهـا=مايقنع الخبـل ليـن أنـه يلامجهـا

 

 

 

 

[معلومات العضو فيصل بن جزاء]

الزين لاهنتي يابنت العم نقل مميز وصح لسان الشاعر عبدالله الحربي

خالص التقدير والاحترام

 

 

 

 

[معلومات العضو المهلب]

ابيات جميله ويعطيك العافيه على النقل الرائع .........

 

 

 

 

[معلومات العضو الزين]

المشاركة الأصلية كتبت بواسطة فيصل بن جزاء

الزين لاهنتي يابنت العم نقل مميز وصح لسان الشاعر عبدالله الحربي

خالص التقدير والاحترام

ومن قال مايهون وبيض الله وجهك لمرورك الطيب

 

 

 

 

[معلومات العضو المستشار]

صح لسان قايلها وصح لسانك

وبيض الله وجهك على النقل المميز

 

 

 

 

[معلومات العضو بنت القبيلة]

الزين

صح الله لسانك ولسان شاعرها

قصيده راائعه ، وابيات جميله

لا هنتي ،،،

 

 

 

 

[معلومات العضو الزين]

المشاركة الأصلية كتبت بواسطة المهلب

ابيات جميله ويعطيك العافيه على النقل الرائع .........

الله يعافيك ولاهنت علي المرور الطيب.....وبيض الله وجهك

 

 

 

 

[معلومات العضو الزين]

المشاركة الأصلية كتبت بواسطة المستشار

صح لسان قايلها وصح لسانك

وبيض الله وجهك على النقل المميز

بيض الله وجهك وصـــــــــــح بدنك علي المرور والتعليق الطيب

 

 

 

 

[معلومات العضو ابو زيد الغييثي]

وأرســم لنـفـسـك حـــدود ولا تـعـداهـا=من حط نفسه بـدرب الضيـق يحرجهـا
وان كـان نفسـك هـواهـا قــام ينحـاهـا=حـط الأعنـة بـروس الخيـل وأسرجـهـا

الله الله


لاهنتي اختي الزيــن على

ارياد هذه الابيات و لسان الحربي


ابو زيد

 

 

 

 

[معلومات العضو الزين]

المشاركة الأصلية كتبت بواسطة بنت القبيلة

الزين

صح الله لسانك ولسان شاعرها

قصيده راائعه ، وابيات جميله

لا هنتي ،،،

صـــــــــــح بدنتس ولاهنتي يالغاليه علي المرور الطيب

 

 

 

 

[معلومات العضو الزين]

المشاركة الأصلية كتبت بواسطة ابو زيد الغييثي

وأرســم لنـفـسـك حـــدود ولا تـعـداهـا=من حط نفسه بـدرب الضيـق يحرجهـا
وان كـان نفسـك هـواهـا قــام ينحـاهـا=حـط الأعنـة بـروس الخيـل وأسرجـهـا

الله الله


لاهنتي اختي الزيــن على

ارياد هذه الابيات و لسان الحربي


ابو زيد

ومن قال مايهـــــون وبيض الله وجهك يابن غيااااااااااااااث

علي المرور والتعليق الطيب