راشــد الخــلاوي

[معلومات العضو نايف الخييلي]

بسم الله الرحمن الرحيم



راشد الخلاوي شخصيه معروفه وأشتهرت قصايده بين الناس والتي تتسم بالحكمه وتدل

على ان قائلها شاعر حكيم وعالم فلكي .وأشتهر بالصدق والكرم والوفاء ويشهد له العديد

من القصص التي جرت له



نسبه :لقد تضاربت الأقوال في نسبة كان قدماء الرواة يذكرونه على أنه ((صلبي))


أما عن المحدثين المعاصرين فقد أظهروا أسانيد موثقة تذكر بأنه من قبيلة ((بني هاجر)) حسب توثيق بعض شيوخ القبائل وقد أضيفت هذه الأسانيد إلى الكتاب الذي صدر عن حياة راشد الخلاوي ولم تكن موجودة بالأصل

ويقولون في سبب سكنه للخلاء أنه جاء بينه وبين جماعته خلاف ((الهواجر)) على حد روايتهم وقتل احد افرادجماعته وهاجر للخلاء وحيداً ومن هنا أسموه ((بالخلاوي)) . . .



حياته: فقد عاش الخلاوي بالقرن الثامن الهجري وعاصر حكام ((آل عريعر)) شيوخ بني خالد وكان مقرباً من ((منيع بن سالم)) . . . قضى الخلاوي معظم حياته متنقلاً بين الصحاري


ومن قصص كرمه انه بسنة من السنين المجدبه وفي ايام الشتاء جاء الشيخ منيع بن سالم ال
عريعر من شيوخ بنى خالد وكان صديق له وماكان عند راشد سواء شاهً حلوب لولده
فقام لذبحها ليكرم ضيفه فجاء ولده وتعلق بها فطرده منها وذبحها ليقدمها لضيفه

وقال هالابيات:

يلوموني هلي وهذي طبايعي =ولوم الفتى عقب المشيب قبيح
يلوموني في طارش قد لفت به =من البعد فج المنكبين مشيح
ياليت عين من منيع بن سالم =حضرتنا يوم الجنين يصيح
في ليلة شتوية هرمزيه =تلقى الشحم فوق الصحون طفيح
إلى هبت انسام السعود على الفتى =فمليح وماحاشت يديه مليح
وإلى سكنت انسام السعود عن الفتى =لو كان قصره من حديد يطيح

ودائماً ماكانت قصايده تمتلئ بالحكمه فمنها هالقصيده اللى يقول فيها :

يقول الخلاوي الذي مايكوده = جديد البنى من غاليات القصايد
اوصيك ياولدي وصاة تضمها=الى عاد مالي من مدى العمر زايد
وصية عود ثالث رجيله العصا=وقصرت خطاه الي من اول بعايد
لاتاخذ الهزلا علشان مالها=ولاتقتبس من نارها بالوكايد
لاتاخذ الا بنت قوم حميده=عسى ولدها يجيب الحمايد
يجزى عمل راعي الحساني بمثلها=ويجزى عمل راعي النكد بالنكايد
ولاتتقي في خصلة مالها ذرا=ولاتنزل الا عند راعي الوكايد
ولاتسفه المنيوب لاجاك عاني=اياك ياولدي ومطل الوعايد
وياطول ماوسدت راسي كداده=من خوفتي يعتاد لين الوسايد
فمن عود العين الرقاد تعودت=ومن عود العين المساري تعاود
ومن عود الصبيان من زاد بيته=عادوه في عسر الليال الشداد
ومن عود الصبيان ضرب بالقنا=نخوه نهار الكون يابا العوايد
ومن تابع المشراق والكن والذرا=يموت ماحاشت يديه فوايد
الايام مابقى بها كثر مامضى=والأعمار ما اللي بقى منهابعايد
نعد الليالي والليالي تعدنا=والأعمار تفنى والليالي بزايد
الى دقت الوسطى بالأبهام تذكرت=زمان مضى ماهو لمثلي بعايد
فلابد ماسحم الضواري تحوفني=بليل ولالي عن لقاهن بزايد
ومن سرته الأيام ينقاد حبله=وينقض في حبل اللذي ماتساعد
قولوا لبيت الفقر لايامن الغنا=وبيت الغنى لايامن الفقر عايد
ولايامن المضهود قوم تعزه=ولايامن الجمع العزيز الضهايد
وواد جرى لابد يجري من الحيا=ان ماجرى عامه جرى عام عايد
وصلوا على خير البرايا محمد=ماناح ورق فوق حدب الجرايد

وبالإضافه للحكمه اشتهر الخلاوي بمعرفه النجوم ومطالعها ومغاربها وعلاقه ذلك بالثمار والنباتات ومواسم البرد والحر والامطار وغيرها يقول الخلاوي :

متـى الثريـا مـع سنـا الصبـح وايقـت=علـى كـل خـضـرا ودعــت بالسنـايـد
مــن عقبـهـا نـجـم كـمـا فــرخ مـتـلـي=علـى الشـوف يتليـهـا بمشـيـه يـعـاود
وبـوارح الـجـوزا ربــا فـيـه بسـرهـا=واختلفت الالوان بين خضـر الجرايـد
والى ظهـر المـرزم شبـع كـل كالـف=مــن الغـيـد وانـحـن الليـالـي الـشـدايـد
ونجـوم الكليبيـن الـتـي تنـشـف الـجـم=يـغــور فـيـهـا مـــا الـعــدود الـوكـايـد
والـى غابـت النسريـن بالفجـر علقـوا=مــخــارف فــــي لـيـنــات الـجــرايــد
والـى مضـى عقبـه ثمـان مــع اربــع=الـخـامـسـه طــالــع سـهـيــل يـحـايــد
تشـوفـه كقـلـب الـذيـب يلـعـج بـنـوره=مويـق علـى غــرات حــدب الجـرايـد
والـى مـضـى واحــد وخمسـيـن ليـلـه=فـلا تامـن المـا مـن حـقـوق الرعـايـد
قضى القيظ عن جرد السبايا ولا بقى=مـــن الـقـيـظ الا مـرخـيـات الـقـلايــد
ومــن لايسـقـي كـنـة القـيـظ زرعـــه=فـهـو مفـلـس منـهـا ليـالـي الحصـايـد

ومن القصص التي تدل على وفاء راشد الخلاوي سالفته مع منيع بن سالم وذلك عندما وصى منيع راشد بأن لايصيد الظبيه الرباعيه الغنجا لانها شبه عيون عشيقه
منيع ( ميثاء ) . وتمر السنين وفي يوم من ايام الصفري صاد الخلاوي ظبيه بواسطه
حبايل .وكان بأول الليل . ويوم جاء بيذبحه ( وكانوا بوقت جوع ) قال ولده : يبه يبه شف حليه ميثاء وهو يقصد الظبيه فما كان منه الا أن أطلقها وقال هالقصيــده :

يقول الخلاوي والخلاوي راشد = هرج الفتى وافا قريض البتايع
يامبلغً مني منيع ابن سالم =قديم السبايا والجيوش البوالع
قل حبايلي صادت عنوداً من المها =رباعيهً من سايلات المدامع

الى أن قال :

وذكرت وصاتً من منيع ابن سالم =وغيري لمن جاع ينسى الودايع
حليت ميثاء يالصليبي خلها = لو كنت بايام الصفاري وجايع
عنود المها روحي فلولا ابن سالم=ماكان لها عن حفره الموت مانع
وتركتها لعيون ميثاء عتيقه=عتيقت صليبين طويل المذارع

المصدر
* ديوان الراويه فواز الغسلان
* موضوع للأخ جابر الهاجري

اخوكــم \ نايف الخييلي

:

 

 

 

 

[معلومات العضو أبونواف الدوسري]

كل الشكر والتقدير أخي نايف الخييلي

علي سرد هذا التعريف عن راشد الخلاوي

تقبل تقديري وأحترامي

 

 

 

 

[معلومات العضو مطلق الحصان آل عمار]

نايف الخييلي

بيض الله وجهك على ماتقدم لنا عن هذى الشاعر الكبير الذي يعتبر كنز

الف الف شكر لك وياليت تعطيني من قصيد الخلاوي

لاهنت لاهنت

تحيااااااااااااتي وتقديري

 

 

 

 

[معلومات العضو فيصل بن جزاء]

لاهنت يانايف على اتحافنا بمعلومات عن الشاعر راشد الخلاوي

 

 

 

 

[معلومات العضو wolf]

وتركتها لعيـون ميثـاء عتيقـه=عتيقت(( صليبين ))طويـل المـذارع

رحم الله راشد الخلاوي

 

 

 

 

[معلومات العضو فهدالمحيسن]

بارك الله فيك

 

 

 

 

[معلومات العضو ابو زيد الغييثي]

ابو فهاد لا هنت على هذه النبذه التعريفيه عن

راشـــد الخلاوي

برواية الهواجر ينسب الى ( سحمي القصاب ) وهو احد فريس بني هاجر المشاهير

وتوجد وثائق من المحكمه الكويتيه تثبه نسب الخلاوي راشد الى سحمي القصاب

بشهاده شيبان من الهواجر وتوجد صوره من هذه الوثائق في ديوان راشد الخلاوي

تاليف بن خميس

 

 

 

 

[معلومات العضو نايف الخييلي]

كل الشكر والتقدير أخي نايف الخييلي

علي سرد هذا التعريف عن راشد الخلاوي

تقبل تقديري وأحترامي

ابـــو نواف الدوســـري


العفو ياأخوي العزيز وحياك على مرورك الكريم اللى ينّور الموضوع

نايف الخييلي

بيض الله وجهك على ماتقدم لنا عن هذى الشاعر الكبير الذي يعتبر كنز

الف الف شكر لك وياليت تعطيني من قصيد الخلاوي

لاهنت لاهنت

تحيااااااااااااتي وتقديري

مطــلق ال عمــار


وجعل وجهك مايشين ويشرفني مرورك يابن العم ومثل ماقلت الخلاوي يعتبر كنز


وله سوالف عديده تدل على صدقه ووفاءه وحكمـــته



ويقول من ضمن قصــايده :

حريب جدك لو صفا مايودك =وعينيه لو تبكي لك الدم كاذبه
واحذر عدوك في الملا فرد مره =واحذر صديق السو وألف تحاط به
وترى ابرك ساعات الفتى مابها الفتى =ومافات مات وساعة الغيب غايبه
واغنم متى لاحت من العمر فرصه=وان هب نسناس فاذر في سوايبه
فلا بالتمني تبلغ النفس حظها =ولابالتأني فاز بالصيد طالبه
إذا الحر قلت حيلته ثم غادرت =تصفق به الدنيا وضاقت مذاهبه
يبدل بداره دار عز يرومه =عنها ولاغبن به الروح ذايبه
فالدار مايحصر عليها وليدها=دار الفتى ماطاب فيها مكاسبه

وسلامتك

 

 

 

 

[معلومات العضو @الجابر@]

لاهنت وبيض الله وجهك على المجهود الطيب

 

 

 

 

[معلومات العضو نايف الخييلي]

لاهنت يانايف على اتحافنا بمعلومات عن الشاعر راشد الخلاوي

فيصل بن جزاء

ومن قال مايهون واشكرك على مروركـ الكريم

وتركتها لعيـون ميثـاء عتيقـه=عتيقت(( صليبين ))طويـل المـذارع

رحم الله راشد الخلاوي

حيــــاك الله يالذيب

بارك الله فيك

فهد المحيسن

حياك الله ومشكور على كلمتك الطيبه

 

 

 

 

[معلومات العضو نايف الخييلي]

ابو فهاد لا هنت على هذه النبذه التعريفيه عن

راشـــد الخلاوي

برواية الهواجر ينسب الى ( سحمي القصاب ) وهو احد فريس بني هاجر المشاهير

وتوجد وثائق من المحكمه الكويتيه تثبه نسب الخلاوي راشد الى سحمي القصاب

بشهاده شيبان من الهواجر وتوجد صوره من هذه الوثائق في ديوان راشد الخلاوي

تاليف بن خميس

ابو زيــد الغييثي

اشكرك على مرورك الثمين وإضافتك الطيبه التي تثري الموضوع وحياك الله

 

 

 

 

[معلومات العضو النوماس]

تحية تقدير لأخي نايف الخييلي

على هذه النبذه عن رجل قد نال اعجاب الكثر من ابناء الجزيرة العربية وخارجها 0
لما لهذا الرجل من علم واسع يتمتع به فى الحياة العامة فى حينه ولقد سجل لنا هذا الرجل تاريخ فترة من تاريخ الجزيرة 0
ولقد عملت لهذا الرجل بحثا خاصا قد نال البحث وحاز على اعجاب الكثير من الباحثين 0



وهذا وتقبل مرورى

 

 

 

 

[معلومات العضو نايف الخييلي]

لاهنت وبيض الله وجهك على المجهود الطيب

الجــابر

ووجهك ابيض على مرورك الغالي على الموضوع

 

 

 

 

[معلومات العضو رفيع النفس]

لاهنت يانايف على اتحافنا بمعلومات عن الشاعر راشد الخلاوي

 

 

 

 

[معلومات العضو السيف دايـم]

لاهنت اخوي نايف ...

مشكور...