هل يستطيع الحبيب نسيان حبيبته وهل يعرفها إذا شاهدها بعد فراق سنين ..!!

[معلومات العضو بنت صقور]

قصيده صاحبها الظاهر انه مات على كلامه في آخر شطر
وكل من نقلها نسبها لشاعر مختلف وشخصية الشاعر غائبه لا يعرفها إلا الشاعر نفسه او من يعرفه ..
وهي قصيدة المعلم اللي يقولون انه تعين في ديرة فيها حبيبته التي تزوجت قبل 8 سنوات
وكان ولدها يقولون انه ابو سبع سنين ( ويدرس في اولى ج ) في المدرسة اللي تعين فيها المعلم
>> نعنبو الحظ إذا نواك بالشر ..
ويقول فيها :
مرت ثمان سنين حل ٍ وترحال *** مرت ثمان ٍ كلها مِدلهمّه
سألت عنها سنين وشهور وليال *** ولا فيه فج ٍ غير وجهت يمه
وبعد الثمان اللي تعبها شقي الحال *** جاب الزمان الكارثة والمطمه
جاني ولدها يبتسم بين الأطفال *** ومن بسمته ذكرت أنا بسمة امه
شفته وصاحت داخلي كل الآمال *** وصوت ٍ عجزت بكتم الأنفاس ألمه
واستلهمت نفسي مقاديم الأهوال *** وتم الضياع ووكدت لي متمه
ساعة حضنته والطفل في يدي مال *** وشميت ريحتها على أطراف كمه
والحين بنت الناس في بيت رجال *** وحب ٍ على غير الشرف لي مذمه
برجع غريب ٍ سكته بر ورمال *** يموت , يحيا , يندفن , مايهمه ..!!
:
:
قصيدة للشاعرة عابرة سبيل (( رحمها الله )) عندما كانت تسير وسط السوق فعرفها حبيبها الغائب ..
وتقول فيها :
مشيت بالزحمه مع الناس بالسوق *** ولا ادري من اللي طق كتفي بمسباح
ادرّج النظرات من تحت ولا فوق *** وشهقت مثل اللي تواجه بالأشباح
غايب ثمان سنين والقلب محروق *** أتلى العهد به تو ما شاربه لاح
واليوم عندي ناحل ٍ بيّن عروق *** وعوارض ٍ على اصفر الوجه واجراح
والله يادمع ٍ تحدر من الموق *** إنه على الموطى من العين لا طاح
يقول لا تزعل من البعد ياشوق *** وانا كما اللي قاضي ٍ منه جراح ..!! :

 

 

 

 

[معلومات العضو يحيى الودعاني]

بيض الله وجهك و لاهنتي

قصائد جميلة

 

 

 

 

[معلومات العضو ابوفيصل الدوسري]

بيض الله وجهك اختي قصه وقصيده جميله الله يعين اللي يحبون هذا للي بنقول

 

 

 

 

[معلومات العضو بنت صقور]

اخوي يحيى الودعاني وابو فيصل الدوسري...يعطيكم العافيه على تفاعلكم.

 

 

 

 

[معلومات العضو فهدالمحيسن]

قصه محزنه
مشكورة

 

 

 

 

[معلومات العضو أبونواف الدوسري]

بنت صقور

بيض الله وجهك و لاهنتي

قصائد جميلة

دمتي بود

 

 

 

 

[معلومات العضو بنت صقور]

اخوي فهد المحيسن,وابو نواف الدوسري.. اشكر لكم المرور ويعطيكم العافيه..

 

 

 

 

[معلومات العضو الشقرديه]

تسلمين بنت صقور القصائد قمه في الروووووعه اقولك الحبيب راح ينعرف لو يمررررر قرن موسنين

 

 

 

 

[معلومات العضو بنت صقور]

لاهنتي اختي الشقرديه على المرور...الله يعينهم..

 

 

 

 

[معلومات العضو وسم العصا]

شكرا على القصايد الجميله .... اذا كان حب حقيقى فلا يستطيع الحبيب نسيان حبيبيته مهما كانت السنوات

 

 

 

 

[معلومات العضو بنت الاشراف]

المشاركة الأصلية كتبت بواسطة وسم العصا

شكرا على القصايد الجميله .... اذا كان حب حقيقى فلا يستطيع الحبيب نسيان حبيبيته مهما كانت السنوات

صح لسان قائلها..

 

 

 

 

[معلومات العضو مبارك الخييلي]

لاتعليق

وأمتنع عن الرد


تقبلي التحيه
؟
؟
؟
؟

 

 

 

 

[معلومات العضو بنت صقور]

وسم العصا,,بنت الأشراف ,,مبارك الخييلي,, أسعدني مروركم الكريم ..