|
|||||||
23-08-2007, 12:34 AM
|
#1 | ||||
|
الملحمة الودعانية
هذه القصيدة قالها سعود بن عبد العزيز بن عبد الرحمن الدوسري لما اطلع علي قصيدة للأمير محمد بن أحمد السديري الزايدية والتي مطلعها .
عفا الله عن جفن جفاه كراه = وقلب به الأم الزمان كواه
مضى الليل كله ما هنا النوم ناظري = سهرت انا وأسهرت من والاه تعود لذيذ النوم يجفي لناظري = لي من تذكرت الذي أهواه لي من تذكرت اللي على لولب الحشى = مقامه علي قلبي ولا انساه براني هوى حبه كما يبري القلم = أستاذ جرب له قلم ودواه ونساني وانا مانسى خياله وذكره = وعيب علي أن كان أنا انساه وعيب علي خل ايجافي حبيبه = ويمد له بعد الوفاء يسراه إلى من بغيت اكف تكرار ذكره = قلبي جمع ما مر من ذكراه ذكراه يذكرني ليال مضت لي = معاه يوم انه هواي هواه حبيب أحبه لو بدت منه زلة = زلة حبيبك دمها بخفاه بالك تبينها ، تذمر بها العدى = وكل يهذرم بالذى يهواه مضت لي أيام أراعي وداده = وهو مايرا عيني وأنا أرعاه مقام الوفاء ما تحمله الناس كلها = جليل من اللي يعرفون وفاه أذا ما تعيد الوفاء إلى كانت قادر = عليه مالك شيمة تولاه الفته وهو طفل ولا هو بيافع = وراعيته حتى لا يهان صباه كذا الوفاء يبدي المن يعرف الوفاء = ولا يضيع الوفاء في مأواه وما مر لي منه فلا ينيب أعوده = وعيب علي ان كان انا انساه وعيب علي اللي يبدل الوفاء بالجفى = وعيب علي اللي ما يصون أحماه وحمول الهوى وثقيلات حملها = وكم واحد بذت كثير أخفاه وحمول الهوى ماكل من جاء يصونها = تحد الفتى مالا يطيق قواه تحدك على شيء اللي من فعلته = تأسف ولا تقدر علي أخفاه وراعي الهوى يقول مالا يفعله = وبعض الملاء تهوى إلى ذكراه شمول الهوى للنفس بالسوء آمر = يحدك علي أمر كبير عناه والنفس اقصر رسنها لا تلينه = وخالف هواها لا تكون معاه وأذا ما ترد النفس عن ما تريده = شيطانها يقولك ما تقواه للنفس شيطان يحدك علي الردى = أخلف هواها واستعن بالله وصن النفس واحمها علي كل طيب = يسعد وجودك أن أردت أرضاه وكم واحد نفسه غشت نور عقله = وضاعت براهينه وجهل مثواه ولا تألف الأطيب يحمل الثناء = فعايله بين الطيبين تراه رابع نجيب من انجاب بواسل = علي الثناء طويلة يمناه هاذاك تكسب منه عز ورفعه = وذكر جميل يستجاب نداه ودع النذل لا تحزن اذا عنك ابتعد = خله عسى سوء الدمار مداه النذل لا تفرح بقربه وربعته = لا تقربك ولا تجي احذاه ابعد مداه وخل سوه هبا له = هماي ما ترويك جرعه ماه النذل يفرح لي سمع ما يضرك = تلقاه يبشر كل من لاقاه النذل كالحنضل مر مذاقه = لا من طعمته تهوى فرقاه ولا ترى الأنذال الا جما له = يسره إلى جار الزمان وتاه والجود في الأنذال ضايع محله = وفي الاجودي يجدد لذكره الأجواد ضل لي حما الوقت لاهبه = تمرح ابضله وترتوى من ماه الأجواد مثل العسل حلو مذاقه = وشفا ذكره الله لمن شافاه الأجواد صندوق من المسك مغلق = إلي من فتح ريحه يفوق شذاه الأجواد أن ضامك زمانك وجيتهم = عدو ولا يرفع عليك عصاه الأجواد ان زليت عفو لزلتك = وتشوف منهم كل ماترضاه وان زل جارك وعتدى لك بزلة = أصبر ولا تسمع وجود خطاه أصبر عسى صبرك ايذكره زلته = ويأسف علي ما كان من مأساه الله اوصى الجار يحسن ايجاره = ولا على جاره يزيد سفاه الارحام واصلهم ولا تكن قاطع = قطوع ومفسد وعاصى مولاه صلهم بعطف ولين واحفظ ودودهم = مال الفتى الا ما عطت يمناه الارحام لهم حق علي كل دنوه = الارحام اولي ببعض في كتاب الله لا تنسي للأخلاق خلك محافظ = على حسنها تبقي عظيم الجاه الله بالأخلاق فضل نبيه = ومن حسن الاخلاق الاله هداه اذا ساءت الاخلاق في الناس عدهم = موتى ولا لهم في الوجود حياه والديك لي زل الصبا وجاهم الكبر = ترفق بهم عن كل ما تخشاه اسمع وصاه الله فيهم لمثلك = اخفض جناح الذل ولا تعلاه ولا تقل أف لهم حالة الغضب = تحظى بنار مالها وقاه وارع اليتيم الى توليت ماله = أحفظه واصلح في الذي تولاه ومن اكل مال لليتيم تعمد = يحظي بنار تصطلي شواه واذا رأيته مرشد عطه ماله = واشهد عليه كذا ذكر مولاه ودع النمية لا تحاذي وقربها = ولا تغيب أحد ولا تقفاه تحب من مثلك تأكل لحمه = يحرم عليك ولا عليك خفاه ولا تشهد بزور اذا كنت شاهد = إشهد بما تعرف عليك أداه ولا تأبى او تكتم لما انت تعرفه = عليك ان تبدى جميع اداه ولا تغضب مال الظلم تعدى = تحلف يمين والله ما تخشاه لا تحسب ان الظلم سهل تناوله = الظلم يمحق لديار تراه عينك تنام ومن ظلمته منتبه = يدعو عليك ويستجاب دعاه والكبر لا تسلك سبيله مع الملاء = أخوك مثلك ما علاك علاه تواضع ولا ترفع علي الناس نفسك = من لبس ثوب الكبر زاد طغاه تواضع تكن كالنجم في قبه السماء = رفيع وعين الناظرين تراه ولا تكن كالدخان يلعو به الهواء = قليل وتشوفه كالضباب رهاه ولا تهين النفس بادني رذيله = تعيش ما بين الملا مأساه اختر لنفسك منزل تعلو به = يعجز جيلي العزم لا يرقاه واذا أتاك الضيف رحب وهل به = واجعل جبينك ضاحك لجلاه ولا تعقد الحاجب وتوريه جفوه = واجعل جبينك طلق بملاقاه سريع ما يرحل ويحمدك بما يرى = إما مدحك ولا قفاك شناه درب العلى ماكل من جاء يناله = صعب على ولد الردي يالاة لا تحسب الدنيا طويل مداها = كم واحد ما نال منها امناه كم غرة الدنيا غرور بصفوها = ودارت بكابوس الدمار وراه وكم بعثرت الايام جمع آمن = وكم شتتت جمع رفيع أحماه يا باغي عرفي أنا من عشيرة = دواسر من آل زايد جاه دواسر ما يرخصون إبز بينهم = لو طالت الدنيا وهم بحماه دواسر لي طنب الوقت عسرة = شادو علي عسر الزمان رخاه يفكون قالاه ويشفون مثلها = ويحمون من شر العدو علاه ويفكون من جاهم مصاب ابما لهم = وبعروضهم ولا يبون جزاه وقصيرهم يارد صفي الورد قبلهم = وعزيز ولا يكدر ورود صفاه وهاذى عوايدهم خذها وراثه = كل واحد من واحد يقفاه ولو كان شانوا في القرابه بيهم = عند اللزوم يعين من يخاه عند اللزوم تلقي الحميه بينهم = الكل يحمى صاحبه ابيمناه انشد نبا التاريخ عن ماض لهم = يشهد به التاريخ عن نباه وانشد أديب المجد نور السدارى = الدوسري اللى عظيم رواه امحمد المرحوم عن ما بدا لهم = وعن ذكرهم وما شطرت يمناه واللى مضى منهم عليه رحمه الله = واللى بقى الله يديم بقاه واعيد ذكرى اللى علينا وجوبه = من الله ويلزمنا الذي تقراه صلاه نؤديها بخشوع وطهاره = نؤدي الوضوء لها والمولاه اداء خمسه فروض علينا وجوبها = نكمل اداها ونطلب الله ارضاه ومن ملك نصاب من المال يدي = زكاته ولا يبخل بما أعطاه وشهر فرضه الله صيامه نصومه = وبيت فرض حجه عليك اداه ان استطعت تدى وجوبه أده = وان قدرت الله ما يخفاه الدين ربي يسره لعباده = ولا يكلف نفس لا ما اتاه يا رب أنا عبدك وساكن جوارك = ومن انت جاره ما يخيب رجاه أنا عويج الرجل والجسم مثلها = ومن لاذبك فضلك يزيل بلاه يا من يود السائلين ويجيبهم = ويحب عبده لي خطأ اوجاه عناني الكبر وقامت اعز ومي تقاصر = وما كان في قربي بعيد مداه ونفسي تمنيني وعزمي يلدني = وين الصبا يومي رفيق معاه وين الصبا يوم نتسامر بليله = والكل يشكي ما هناه أمناه وين الصبا يومي مع قايد المها = في روضه مختلفه الأشباه متخالف ازهار القطيفي والنفل = وزهر الخزامي في رباها تاه مرت لياليها علينا وقوضت = وأيام مر بها الزمان ولاه عائد علينا غير تذكار ذكره = سبحان من يفنى الملا بقاه مرت كما طيف غشاني بليله = ماله وجود كالسراب رهاه الله من ضعف خلقنا وقوه = وبدله ضعف وبالنفى والاه كم مر بالدنيا وكم قوض الدهر = ملايين ما يحصاهم الا الله مضوا كم ما كانوا ولا مر ذكرهم = ولكن لهم على الديار ولاه والعبد ما يجزع بما الله يريده = الأمر كله راجع لله الله يحسن ما بقى بالخاتمة = ويلطف بنا القدر لي وقضاه الدين والدنيا بقبضت كفه = هو الأله ولا اله سواه والختم صلاه الله علي اشرف الورى = محمد الهادي رسول الله ما قال داعي الحق الله اكبر = واكمل نداه حي علي الصلاه
|
||||
|
|
|
|
23-08-2007, 01:22 AM
|
#2 | ||||||||
|
رد: الملحمة الودعانية
الودعاني الشرقي
لاهنت يالغالي وبيض الله وجهك على هذا النقل ورحم الله الشاعر الكبير سعود بن عبد العزيز اخي الكريم ملاحظه ان مطلع الملحمه الزايديه للامير محمد بن احمد السديري هو //
عفا الله عن قلب(ن) يزيد عناه=وداعي غرامه للغرام دعاه
من كتاب ديوان محمد بن احمد بن محمد السديري الطبعه الخامسه 1415هـ _ 1994م
|
||||||||
|
|
|
|
23-08-2007, 01:56 AM
|
#3 | ||||||||
|
رد: الملحمة الودعانية
بيض وجهك ووجه الشاعر
|
||||||||
|
|
|
|
23-08-2007, 03:33 AM
|
#4 | ||||||||
|
رد: الملحمة الودعانية
تسلم يمناك وصح لسان الشاعر
|
||||||||
|
|
|
|
23-08-2007, 07:10 AM
|
#5 | ||||||||
|
رد: الملحمة الودعانية
تسلم يمناك وصح لسان الشاعر
|
||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الملحمة النونية للشيخ يوسف القرضاوي كاملة 314 بيتا | ابن ذيب الودعاني | :: قسم الـشعر العــام :: | 6 | 12-02-2011 04:26 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 05:20 PM
