حــاكــمــنــي يــا حـاكـمـنـي "ذيب"

[معلومات العضو ذيب آل عريمه]

اطلق صراح الرضا وانعم بلذاته = مافي الزعل خير لا تزعل وتزعلني

الحب لاتشتقي وتعد غلطاته = اذكر جميل الغلا واقنع وكلمني

القلب لك بالغلا خضر مساحاته = أرعى النوامي ولا بالبعد تشغلني

راعي الهوى مايدور غير مشهاته = اعدل معك بالمحبه وانت تظلمني

ماهو بقلبي معك يلعب برغباته = ماكنه اليوم من روحي ولا مني

لا تاخذ الهاجس الخايب بنياته = حاول تخالف شكوك النفس وافهمني

لا تحرق القلب يالغالي بحسراته = ان كان يرضيك زود الشوق فامهلني

حبي خفايا الحراير من معاناته = ياليتك بهم حبي لك تقاسمني

ولو يدرك اللي يبيه الحي مافاته = لقيتك بحبك الاول تعلمني

وان كان شككت في قلبي وغاياته = عندك قضاة الهوى والحب حاكمني


كلمات : السامر.

 

 

 

 

[معلومات العضو أبونواف الدوسري]

أخي ذيب آل عريمه

لا هنت علي نقل هذه القصيده

وصح لسان السامر

 

 

 

 

[معلومات العضو ذيب آل عريمه]

المشاركة الأصلية كتبت بواسطة أبونواف الدوسري

أخي ذيب آل عريمه

لا هنت علي نقل هذه القصيده

وصح لسان السامر

مشكور أخوي ابو نواف ، يعطيك العافيه