الحــــــداء عبر التاريخ

[معلومات العضو تركي ال فنيس]

التاريخ العربي يروي الكثير من اخبار الحداء علي مر العصور

فمحمد عليه الصلاة والسلام كان يعرض جيشه عند ملاقاة ولما مر به احد افراد جيشه
وكان يتبختر في مشيته وينشد شعرا من الحداء يناسب حركته ويقول فيه:

أنا الذي عاهدني خليلي= ونحن بالسفح لدي النخيل

وقال علي الصلاة والسلام إن هذه لمشية يكرهها الله إلا في مثل هذا الموضوع








ولقد كانت الفتاه العربيه تشارك الجيش في رقصاته الحربيه لتثير حماسته وتبعث نخوته
فنساء قريش في وقعة احد كن يضربن بدفوفهن خلف الرجال المحاربين ويقلن في الحداء

إن تقبلوا نعانق=ونفرش النمارق
اوتدبروا نفارق= فراق غير وامق

وقد بقيت هذه العاده عند العرب الي عهد قريب في احدي الوقائع في نجد ان النساء كن يتغنن خلف الجيش:

ياللي تمنا حربنا = غويت ياغاوي الدليل
كم واحد من ضربنا= دمه علي الشلفا يسيل

3]وقال الامير والفارس دخيل بن قويد الدوسري هذه الأحـدية [/size]:

يامن يبشر ربعنا الدنين=الدحي خلي زايف مرعاه
نبته تجدد توما جا زين=من فعل خيال تعرف عزاه
لا من ركبنا لينات القين=ياويل من بنحورها تاطاه
لا جا نهار فيه شوف العين=الطيب اللي تظهره يمناه
كم شيخ قوم عندنا له دين=يبكون قومه من بعد فرقاه

وقول حاد من حرب في يوم الهييشة:

يرعون من عبله الي حليت= وشبيرمه يردونها
لعيون نوره بنت ابن نحيت= اللي غشانا نورها

وقول راكان ين حثلين في الحداء :

ياسابقي مامن مطير = جمعين والثالث بحر
والله لبوح لها الطريق= لعيون براق النحر

وما ورد في الحداء من غير الشعر النجدي قول شاعر من سيناء:

يابيض لاتبكن عليه =هذي العمار مقدره
واللي يمون خله يموت= خله يزور المقبره

وقول شاعر من الاردن:

يايمه هذي مهرتي=تسلم وانا خيالها
واشري لها سرج جديد =ريشالنعمام قذالها

وقول ضيف الله بن زايــــد الحماد في الحداء:

انا امس ادرب مهرتي =حتي وجب وقت الغياب
واليوم ردت خيلهم =بين القراره والهضاب
في يوم من يوم الوغي = يشيب له راس الشباب
جونا يبون اذوادنا= وحصيلهم روس الحراب

الحداء العامي للفرسان قول هذال بن فهيد:

ياهل الرمك كل يجيب حداه=انتم وراكم ماتحدون
تري الحدا لاهل الخيل مشهاة=فكاكة التالي نهار الكون

ويرد الغزل في الحداء ولكن بمناسبه حربيه

يكون الغزل بلسان الجنسين إلا انه من النساء عاده علي سبيل الاغراء فهذه عمشاء
بنت ناصر بن غالب الشريف تحرض بهذه الاحديه علي قتل مسلط البعاج زعيم البقوم الذي قتل منصور بن غالب عمها وكانت تحدو بهذه الاحديه فوق الهودج

من يقطع الفرجه علي البعاج = ويصير للشيخة حليل
ماريته رمحه يجي منعاج =يقلط الا هاب الذليل

ومثل ذلك قول فتاه من سبيع اهل رنيه:

اللي يريد لحبتي =يقلط الي هاب الذليل
اسقيه انا من ذبلي =غصب علي خشم الحليل

وقول فتاه اخري :

يايمه سومي حبتي =علي مروين الرماح
من زمتي ماحبني =ولد الردي رخو الجناح

وقال حاد من عنزه:

ياراعي الصفرا القحوم= وقف وابا اعطي واردي
والله لا اصل عشقتي =لو دونه الف بواردي

فأجابته عشيقته بقولها :

اهلا هلا ياصاحبي =ياللي جدعت الماردي
انت الشجاع اللي نبي = ما انت الذليل الشارد

كقول حاد من شمر :

عشاير تبي المديد= وحنا بعدنا خوفها
لعيون من لبسه حرير= اللي يونس شوفها

وقول حاد من الدهامشه :

لعيون لباس الخصور =وقذيلته ريش الهوا
نشبع محاديب النسور =والذيب الي منه عوي

وقول حاد اخر :

ياخايفين من المنايا =من جاه سو الموت مات
الموت ماخلي الصبايا =نجل العيون المترفات

وقول حاد اخر :

يالله طلبناك الهدي =والستر والعلم المليح
ربعي مدابيس العدا= وان حولوا خلف الطريح

قول دخيل ابن قويد الدوسري في الحداء :

جيناك من وادي الغضا نقدع شباها= فـــــي شــــــــف حـــمـــاي البلــــيد
مـن فــوق زلبــات تــصاغ حـــذاها =يـــاويـــل مـــنــا لــه ضــــديــــــد
معا بني عـم تعــــرف عـــزاهـــــا= يـــــروون مـــفــتــوق الــحــديــد

وربما غنوا بالحداء في البحر كقول القطرين:

حرم عليك الصلح منا =مادام قاسم في الحديد
لابد ما تارد سفننا =بالسيف مصقول الحديد

قاسم ال ثاني من حكام دولة قطـــــــــر







حداء لبرجس بن مجلاد :

ياهيه ياراعي القعود=ريضي قعودك يمنا
من عقب ماحنا بعيد =الحمد للي لمنا
واليا تلاقن بالسنود=نرضيك ونزعل عمنا <1>

عمنا:الامام عبدالله الفيصل






هو الفارس الجهيمي الرجبان الدوسري لم علم ان قبيلة عتيبه قادمه لغزوا قبيلته
أتى الجهيمي على فرسه وهو ويحدو
/ويقول

الروح له عند الولي حروس= مابه حدن قدام يومه مات
من كان يبغي المدح والناموس= ينطح وجيه الخيل لامن جات

وحط الأمير الفنجال الأول وقال هذا فنجال محمد بن هندي فشربه الجهيمي الرجبان ولما أصبحوا غاروا عليهم عتيبه وطَعَن الجهيمي محمد بن هندي أمير قبيلة عتيبه
















[poem=font="Andalus,7,white,normal,italic" bkcolor="transparent" bkimage="backgrounds/38.gif" border="none,4,gray" type=0 line=0 align=center use=ex num="0,black"

حقوق النقل محفوظه لمنتدي الدواسر الرسمي [/poem]



كاتبه : تركــي ال فنيـــــــــــس

 

 

 

 

[معلومات العضو نايف]

لاهنت ياتركي وبيض الله وجهك على الموضوع القيم
والمجهود الذي تشكر عليه
والى الامام
مع مواضيع متميزه كعادتك

تقبل تحياتي,,,

 

 

 

 

[معلومات العضو ابوشجاع]

لاهنت ياتركي الودعاني
موضوع جميل وثري
يستحق الاشاده

عساك على القوه

 

 

 

 

[معلومات العضو أبوفهيد الودعاني]

بيض الله وجهك يالسنافي على ماذكرت


دائماً وانت تتحفنا بما هو جديد اخوي تركي


وهذا ليس بمستغرب على أمثالك


تحياتي لك ،،،،

 

 

 

 

[معلومات العضو مسعود المقيبلي]

لاهنت اخوي تركي الودعاني
ولك هذه الأحديه هديه
لمدعث بن خلف الغييثات الدوسري

خيلاً مع الأزمع وبن فراج = اقفت تنازا بالصويب
لعيون وظحاً سيرها دفلاج = ماترتع الا في مراتع طيب

 

 

 

 

[معلومات العضو العماني]

المشاركة الأصلية كتبت بواسطة الرمح

لاهنت اخوي تركي الودعاني
ولك هذه الأحديه هديه
لمدعث بن خلف الغييثات الدوسري

خيلاً مع الأزمع وبن فراج = اقفت تنازا بالصويب
لعيون وظحاً سيرها دفلاج = ماترتع الا في مراتع طيب

لاهنت اخوي تركي

اخوي تركي الأبيات هكذا

خيلاً تنازا بالصويب =على الأزمع وبن فراج
لعيون وضحاً مشيها خبيب=وان مشت سيرها دفلاج
ما ترتع الا في مقر الطيب=حامينها باللي خشابهن عاج

الأزمع وبن فراج من شيوخ قبيلة سبيع بعد ان كسروهم الغييثات بمعركة

تقبلوا تحياتي،،

 

 

 

 

[معلومات العضو الشكري]

تسلم يا بو هادي

والله لايهينك

وعساك على القوه


اخوك

ابو عبد الله الشكري

 

 

 

 

[معلومات العضو تركي ال فنيس]

مرحبا ومسهلا اخوي نايف ولا شنت يالغالي وجهك ابيض وتسلم يانايف علي كلامك الطيب اللي اعتز فيه



والقادم اكثر

 

 

 

 

[معلومات العضو تركي ال فنيس]

مرحبا ومسهلا اخوي نواف الرجباني ولاشنت يسعدني مرورك واثلج صدري تشجيعك


والله يقويك

 

 

 

 

[معلومات العضو تركي ال فنيس]

وجهك ابيض اخوي البراق وتسلم يالغالي علي مرورك وكلامك اللي يثلج الصدررررررررررررر

 

 

 

 

[معلومات العضو هند]

طرح رائع ومعلومات حلوة
لاهنت أخوي تركي



عاطر التحايا
هند

 

 

 

 

[معلومات العضو الجوهره]

لا هنت والله أخوي تركي الودعاني على هالمجهود المتميز والذي يستحق الثناء والشكر...

 

 

 

 

[معلومات العضو تركي ال فنيس]

اخوي الرمح ولا شنت يالقرم وتسلم علي هديتك ويسعدني مرورك

 

 

 

 

[معلومات العضو فهد الغريري]

لاهنت ياتركي الودعاني على الموضوع القيم.

دايم متألق يالقرم...

 

 

 

 

[معلومات العضو تركي ال فنيس]

بيض الله وجهك يالعماني علي مرورك وعل يالابيات