مسعود الصخيبري وابن حسين

[معلومات العضو صخبور الاكبر]

قصيده لمسعود بن عنبر

--------------------------------------------------------------------------------

السلام عليكم

هذي ابيات من قصيده لمسعود بن عنبر الصخابره قالها في واحد من هل الهدار اظن انه زعبي يسمى ابن حسين والقصه قديمه لها اكثر من ثلاثين سنه وهي مجاراة لقصيده خر الذيب العجمي اللي يقول فيها :

لا لقيت الى على الرسته لحاله @@@ ينتخي ويقول وين الطيبيني

انكخ الموتر مستحا ولا شكاله @@@ يوم ولد اللاش وجهه مايبيني

حالف ما اخذ على الرجلى رياله @@@ والثلاثه حالف انها ماتجيني
ا
ن طاب الولد طيبه من خواله @@@ وان تردى فاعرف انهم خايبيني


وكان خر الذيب ينقل اي شخص يقابله بدون مقابل على سياره ارامكو , وكان يشتغل سوّاق في ارامكو وكانت انظمة ارامكو تمنع السائقين ان يشيلو الطرقيه اللي يوقفون السواقين ويطلبونهم توصيلهم على طريقهم .. والشاعر خر الذيب الله يرحمه كان يخالف التعليمات وكل هذا حيا فيه ومرجله يوم من الايام أشرت له عجوز ومعها حمار قالت وصلني يا الأجودي قدام شوي قال ابشيلك بس الحمار .لا قالت له خلاص روح الله يستر عليك بيجي خر الذيب ويشيلني انا والحمار انشاْ الله تقصد خر الذيب.. قال لها يا خاله انا خر الذيب .. اركبي وابشري بالخير .

اما مسعود فكان يبي يركب مع اهل السيارت للرياض ومر عليه شخص معه سياره ومعه ركاب فسأله مسعود ان يركب معهم ويعطيه اجره النقل فقال السواق مالك درب معنا ثم نزل السواق في ظل شجره ونزل برّاد الشاهي ويصب لنفسه وتارك اخوياه الركاب ما قهواهم معه
بعدها بلحظات مر عليه ابن حسين ووقف لمسعود فلما عرف انه مسعود بن عنبر انزل واحد من ابنائه كان راكب معه في الغماره واركبه في الحوض وحلف ان يركب مسعود مكانه فقال مسعود قصيده طويله في مدح ابن حسين لا احفظ منها الا ابيات قليلة :

راكب اللي لا مشى تومي حباله == لا نوى له ديرة (ن) جاها بحيني

انص خر الذيب عندي له رساله == عندنا مثله ربوع طيبيني

عندنا ابن حسين يفعل ما طرى له == يركب الطرقي وهيف للسميني

كم نقل له خبرة (ن) من حرّ ماله == لا لقاهم في الخلا متعطليني

ضوّهم ضوّه ودلتهم دلاله == شوف عيني واشهدوا يا حاضريني

جعل يفداه الردي راعي البياله == شارب الشاهي وربعه جالسيني

ومن يعرف باقي القصيده لا يبخل علينا

 

 

 

 

[معلومات العضو الشكري]

تسلم يا صخبور

ومنها ذا البيت طال عمرك

والصبي ان طاب طيبه من عمامه = والخوال الطيبين المرفقيني


وابن حسين حسب ما سمعت انه دوسري وقيل انه من الرجبان او المخاريم

والله اعلم

وعساك على القوه


اخوك

ابو عبد الله الشكري

 

 

 

 

[معلومات العضو فيصل بن جزاء]

ابن حسين المقصود ليس زعبي وانما هو عبدالله بن حسين المصارير رحمه الله

 

 

 

 

[معلومات العضو الشكري]

المشاركة الأصلية كتبت بواسطة ال جزاء

ابن حسين المقصود ليس زعبي وانما هو عبدالله بن حسين المصارير رحمه الله

تسلم يا ال جزاء


وسالفة القصيده ان الصخيبري يرد على بن خر الذيب وبما فعله فيه !

ومدح ابن حسين اللي هو يفعل على ما طراله ويركب الطرقيه وضوهم ودلالهم وحده

والقصيده واضحه ومفهومه معانيها


وسلامتكم

 

 

 

 

[معلومات العضو صخبور الاكبر]

اخوي ابو عبدالله وانت يابن جزاء مناب رايحين بعيد السالفه جات على لسانه بالخصوص في مجلس واحدن الجماعه ذكره القصه والقصيده وابن حسين زعبي تجلوا مع جماعته والحين يكتب المصروري وال هو زعبي ولاهوب ردي سوا كان دوسري ولا زعبي وسلامتكم

 

 

 

 

[معلومات العضو محمد ال بو زمام]

السلام عليكم ورحمة الله وبركاته

بيض الله وجهك ولاهنت اخوي ( صخبور الاكبر ) على هذه القصيدة .

 

 

 

 

[معلومات العضو صخبور الاكبر]

ومن قال مايهان يامحمد

 

 

 

 

[معلومات العضو صخبور الاكبر]

ابو عبدالله ابن حسين من هل الهدار ولا في الهدار مخاريم ورجبان

 

 

 

 

[معلومات العضو عبدالرحمن النتيفات]

الله لا يهينك على ايراد هذة القصه ويحري ابو حسين بالعلوم الغانمة والله يرحمه ويسكنة فسيح جناتة

 

 

 

 

[معلومات العضو الشكري]

تحياتي اخوي صخبور

وانا ما جزمت انه رجباني او مخيريمي ( وذكرت اخر شي الله اعلم )

وارجع لردي الثاني اقتبست من رد اخوي ال جزاء

يوم حط الاسم والفخذ


والله يعطيك العافيه

 

 

 

 

[معلومات العضو نايف]

لاهنت ياصخبور على القصه والقصيده الطيبه ,,,

تقبل تحياتي ,,

 

 

 

 

[معلومات العضو صخبور الاكبر]

الله لايهينكم ياعصابت راسي على التعليق وماعليكم زود

 

 

 

 

[معلومات العضو صخبور الاكبر]

حياك الله يادحان ومن قال مايهان

 

 

 

 

[معلومات العضو مسعود المقيبلي]

الله لايهينك اخوي
صخبور الأكبر

بس على قولة الشكري
فيه بيت يقول
الولد لاطاب طبيبه من خواله,,,,والعمام الطيبين مساعديني

وعندي تسجيل بصوت بن خرالذيب

ادوره واتأكد واكتب القصيدتين.


مشكور على كل حال,

 

 

 

 

[معلومات العضو صخبور الاكبر]

حياك الله يالرمح ولانستغني من ابحاثك وعلى القوه