الفارس الذي لايشرب الفنجال حتي تذكر افعاله قتل علي ايدي الدواسر

[معلومات العضو تركي ال فنيس]

الفارس الذي لايشرب الفنجال حتي تذكر افعاله




خزام المهري العتيبي امير الدغالبه من برقا من قبيلة عتيبه المشهورة ، وفارس معروف كان من قادة عتيبه في مناخ الدوادمي عام 1314 هجري وكذلك في مناخ الجنيفاء عام 1317 هجري وكان خزام هو أفرس عتيبه في ذلك المناخ .




الفارس الأمير خزام المهري حضر الكثير من مناخات عتيبة في عدة مواضع في نجد

مع أكثر شيوخ عتيبة المشهورين ،

وله قصةً مع الشيخ قنيفذ بن لبدة ذلك الفارس من شيوخ قحطان العريقه


وقال في ذلك قولته المشهورة " الله يقطعك ياخزيم من نجد ولا يخذني منها"

قتلوه قبيلة الغييثات من قبيلة الدواســــــــــــــر في وقعةً مشهورة اخذوا الدواســـــــــــــــــر ابلهم فلحق بهم الطلب علي راس الامير خزام المهري العتيبـــــــي

وقول شاعر الغييثات الدواسر من عرض قصيده طويله

وإلأ ((لمهري ))للي جاب جمـعٍ يقديـه=خلي في مسدح الجضعي وإبن لحيان
ذعذاع جاء بيقطع وربي قطـع فيـه=من حظنا الطيب كفابـه عشيـران

ومن عجائب خزام أن والدته عندما قتل رفضت دفنه في قبر جعلته معلقاً على طلحة حتى نزل الى الارض عظاماً من شدة حبها له وتكريماً

له وكانت قد حلفت ان قتل خزام ان لايدفن الا بعد يكون عظاما ""

وهذه عادة غير حميدة في الدين ،، ولكن هي الأنفه عليه.

ورحم الله الجميع

 

 

 

 

[معلومات العضو العماني]

الأخ العزيز بوهادي

بيض الله وجهك على هذه السيرة الجميلة لهذا الفارس والأمير المغوار وهذي دائما نهاية الأبطال وعسى الله يرحمه واموات المسلمين

وخزام المهري قتله ابن دعس الحراقين الغييثات في مغزى للأمير بداح الحطيم على عتيبه .

ويقول الشاعر هجاج بن عيد في ذكره :

رصاصنا خطر ٍ على روس العرب = خطر ٍ على الشيخان منه اتلافي
مثل المرضف والعضب ردوبه = وابن الجبعا في محير الجافي
ولا (((الــمــهــري)) اللي يقدي سربته= وابن المعدّل مكرم الضيافي

تقبل تحياتي،،

 

 

 

 

[معلومات العضو ابو زابن المسعري]

الاخ العزيز تركي ال فنيس

بيض الله وجهك على ذالسالفه

التي فيها فخر للغييثات ولدواسر عموم

والله ونعم بالفارس خزام المهري العتيبي

رحمه الله

 

 

 

 

[معلومات العضو إبـراهيـم بـن راكـــان]

تركي ال فنيس

بيض الله وجهـك على هـذه الملعومـات ,, وربعنـا الغيثـات هذي فـعـايلهـم جعلهم المـعزهـ

والله يرحم الفـارس خزام المهري العتيبي ,, وسكنه فسيح جناته


هذي حالت الاولين


لاهنت طال عمررك ,, وماقصرت

 

 

 

 

[معلومات العضو خاطر محمد الخاطر]

نعم بالفارس خزام المهري وقبيلة عتيبه الهيلا

ونعم بقبيلة الغييثات والدواسر جميع لهم المعزه

ولك الشكر والتقدير اخوي بوهادي

اخوك خاطر الخاطر

 

 

 

 

[معلومات العضو ابو زيد الغييثي]

يقول هجاج :

رصاصنا خطرٍعلى روس العرب=خطرٍعلى الشيخان منه اتلافي
ولا المهري اللي مقدي سربه =وابن المعدل مكرم الاضيافي

كان الغييثات مصبحينه

واللي ذابحه هو الامير الفارس بداح الحطيم شيخ ال اسلمه

والسنه اللي قبلها كانوا الغييثات ذابحين ولد عمه القويز واللي ذابحه الفارس
منير ابن على فارس الغييثات يوم الصويدريه

 

 

 

 

[معلومات العضو نمر بن الأشيب]

الغالي تركي

بيض الله وجهك يالسنافي على ذالسالفه والقصيد

كفو والله بني عمنا الغييثات وهذه أحد أفعالهم اللي ينومس بها

 

 

 

 

[معلومات العضو سالم الغريري]

الاخ العزيز تركي ال فنيس

بيض الله وجهك على ذالسالفه

التي فيها فخر للغييثات ولدواسر عموم

والله ونعم بالفارس خزام المهري العتيبي

رحمه الله

 

 

 

 

[معلومات العضو ولد عتابة]

الله يرحمهم جميع
وهذي هي دائما نهاية الأبطال
في ساحات الوغى

رحم الله موتى عتابه والدواسر واطال عمر الحي منهم

 

 

 

 

[معلومات العضو نايف الخييلي]

وونعــم والله بالغييثـــات يحـــرونبــها وعلومهم يتنومس بها كل دوســري وكفــوا والله


ولايهونون العتبـــان والله يــرحم الفارس خزام المهري وهــذه دائما نهايه الشــجعان تكون

في أرض المعــركه وفي ســاحات القتــال



والله يعطيك العافيه وبيض الله وجــهك يالغالي تـــركي الودعــاني . . دائما مواضـــيعك متميزه

وتقبـــل ســـلامي الخــاص لــك

 

 

 

 

[معلومات العضو عبدالرحمن النتيفات]

الاخ العزيز تركي ال فنيس

بيض الله وجهك على ذالسالفه

التي فيها فخر للغييثات ولدواسر عموم

والله ونعم بالفارس خزام المهري العتيبي

رحمه الله

 

 

 

 

[معلومات العضو عبدالله الغييثات]

بيض الله وجهك
ع المعلومات
والله يرحمه الامير

 

 

 

 

[معلومات العضو عبدالله أبن مصلح]

كفووو ببنى عمنا الغييثات ولاهيب غريبه عليهم



ولاهنت ياتركى ووجهك ابيض يالقرم

 

 

 

 

[معلومات العضو فيصل بن جزاء]

الله يرحم الامير خزام المهري العتيبي

وقد انصحوه النفعه اللي مع الدغالبه وقالو له لاتلحق الغييثات لين يجي معنا فزع تراهم قوم بوارديه

والولد فيهم مايخطي الضريبه فما بالك بشيوخهم .

لاكن الامير خزام من فرسان عتيبه المشهورين ويتميز بالشجاعه ولايهاب الموت ولحق باالغييثات

وكان من بين القتلى في تلك المعركه رحمه الله وهذه نهاية الشجعان في ساحات القتال

لاهنت ياتركي على ذكر هذه المعركه

تقبل تقديري واحترامي

 

 

 

 

[معلومات العضو خالد الحقباني]

رحم الله الامير خزام الفارس الشهم

وبيض الله وجه الغييثات والدواسر وعتيبة الهيلا