الشيخ راكان بن حثلين مع محبوبته

[معلومات العضو محمد بن الأشيب الغريري]

زواج الشيخ راكان بن حثلين شيخ العجمان
ومع كثر نجوم الليـل اللـي حسبهـا راكان بن حثلين قد أحب أحـدى بنـات قبيلتـه ( العجمـان ) ولـم
يتمكّن بالزواج منها لأن لها ابن عم أقرب منه ( حسب عادة التحجيـر )؟ فأشـار عليـه والـده بالـزواج بغيرهـا لكنـه رفـض تعلقـاً بـهـا وفي احدى الأيام نزلوا بالفلاة ؛ فأرسله والده ( فلاح ) ليجلب الحطب ؛ فـرأى راكـان محبوبتـه تمشـي مـن بعيـد فانشغـل بالنظـر اليهـا وأطال ؛ في تلك الأثناء حضر ابن عمّه ضيدان بن حزام للسلام على عمّه ومعه فرس مشهوره وبندق غاليـة الثمـن ونـادره فـي ذلـك الوقـت تسمى ( الغتما ) ام طلق .. فقال : ياعم ما شبّيتـم ؟؟ وليـس عنـدك أحد ؟؟ فأجابه عمه ( والد راكان ) : كلّن في شغلـه مـع الدبـش أمـا
راكـان فينظـر مظاهيـر فلانـه وأبطـأ فــي المـجـيء بالحـطـب أخبر والد راكان ابن أخيه بالحكايه وصادف ان جـاء فـي تلـك الأثنـاء ابن عم البنت الذي حجّرها لنفسـه ؛ فقـال لـه ضيـدان : الا تبيعنـي فلانه ؟؟ لا أريدها لنفسي بل أريـد أن أمنحهـا الحريّـه فـي أن تختـار مـــن تـشــاء ( لعـلـمـه أنـهــا ستـخـتـار راكـــان )؟
فقـال لـه : بعتهـا لـك بـالـذي فــي يــدك .. الـفـرس والـبـنـدق ! فـقــال ضــيــدان : اشتـريـتـهـا مــنــك وكان ثمن الفرس التي أعطى أكثر مـن ستيـن ناقـه وناولـه الفـرس والبندق ؛ فأراد عمه ( أبو راكان ) أن يردهمـا إلا أن ضيـدان أقسـم عليه بأنه سيقتل الفرس بهذه البندق إن منعه مـن ذلـك ؛ فأخـذ ابـن عم الفتاة الفرس والبندق ؛ فقال فـلاح بـن حثليـن ( والـد راكـان )؟ :. .

يا من يبشّر بأريش العيـن راكـان =حنّـا شريناهـا وخلـص نشبـهـا
شرّايها في غالي الاثمان ضيدان=ببنت الأصيل اللي طويلٍ حجبها
واعطاه(غتما)من طويلات الاثمان=اللي على المحراف عجلٍ ندبها
كلّـه لعينـا وقفتـه بيـن الاظعان=يومه يخايـل ويـن حروة عربهـا
ما يهتني بالبيـت راقـد وسهـران=وما أكثر نجوم الليل اللي حسبها

وسلامة الجميع
__________________

 

 

 

 

[معلومات العضو مجروح الزمن]

بيض الله وجهك
يابن غرير


على ايراد مثل هذه القصص ولاهنت يالذيب

 

 

 

 

[معلومات العضو صالح الجعيدي]

بيض الله وجهك يابن غرير
على ايراد مثل هذه القصص ولاهنت يالذيب
و لاتبطي بجديدك يالغالي. مع خالص التحية والتقدير....

 

 

 

 

[معلومات العضو محمد بن الأشيب الغريري]

مجروح الزمن

لاهنت يا النشمي على هذا المرور العطر


ووجهك ابيض يالسناااااااااافي





ولك ارق التحايا







اخوك / ابن غرير

 

 

 

 

[معلومات العضو محمد بن الأشيب الغريري]

ووجهك ابيض يا صالح


وتسلم يا السنااااااااااااافي على التصفح الكريم



وابشر باللي يسرك ان شاء الله





ولك عاطر التحايا







اخوك / ابن غرير

 

 

 

 

[معلومات العضو ابو المثنى التركي]

لاهنت وبيض الله وجهك

 

 

 

 

[معلومات العضو ابن وتيد السباعي]

ان اشهد ان له ولد عم كفوووووووووووو يحط على اليمنى

الله يرحمهم ويغفرلهم شيوخ يعجز التاريخ ان يكتب عنهم

وعاده الحجر عاده قديمه مكروه وليست من سلم الرجال المشاكيل


لاهنتيا ابن غرير على السالفه الجزله التي هي من عوايدك لا عدمتك

 

 

 

 

[معلومات العضو المـزوون]

يعطيـــك العافيه اخوي .. ابن غرير .. وسلمت يمناك على ذا القصه .. الي اكثر من رائع اعجبتني كثير .. لا هنت ..

وتقبل مروري .. مع التحيــه ...

المـزوون ..

 

 

 

 

[معلومات العضو محمد بن الأشيب الغريري]

ابو المثنى التركي

ومن قال ماهان وبياض وجه على التصفح




ولك تقديري

 

 

 

 

[معلومات العضو محمد بن الأشيب الغريري]

لاهنت يا بن وتيد على هذا المرور اللي اسعني وعلى التعليق الطيب

وفعلاً اللي عنده عزة نفس ما يرضى انه ياخذ وحد ما تبيه حتى ولو كانت بنت عمه





ولك مودتي






اخوك / ابن غرير

 

 

 

 

[معلومات العضو محمد بن الأشيب الغريري]

اختي المزون

لقد اسعدني هذا التواجد في متصفي

واتمنى كل ما يطريح ان ينال احسان الاعضاء الكرام




وتقبلِ ارق التحايا






ابن غرير

 

 

 

 

[معلومات العضو عبدالرحمن الشرافي]

اخوي:/ ابن غرير


الله يبيض وجهك


على سرد هذه القصة والقصيدة الجزلة والشهيرة




فلك مني خالص الشكر والتقدير

على جهودك الواضحه للجميع

 

 

 

 

[معلومات العضو محمد بن الأشيب الغريري]

المراقب العزيز / عبدالرحمن الشرافي

ووجهك ابيض يا السناااااافي على التصفح العطر

ولقد اسعدني هذا التواجد المشرف




ولك تقديري





اخوك / ابن غرير

 

 

 

 

[معلومات العضو ابوعبدالرحمن الودعاني]

	أحسنت قصه جميلة مع إنه فيها نظر لنساء وهذا لا يجوز شرعاً لكن العذر في ذلك كثرة الجهل في ذلك الزمان..

 

 

 

 

[معلومات العضو محمد بن الأشيب الغريري]

شيخنا الفاضل / ابو عبدالرحمن الودعاني

لاهنت على التصفح والتعليق النير

ومثل ما قلت لكل زمان رجاله وعاداته .






واتمنى لك دوام التوفيق










اخوك / ابن غرير