كورنيش الدمام ليلا ......روعه

[معلومات العضو فهد الغريري]

السلام عليكم ورحمة الله وبركاته

اقدم بين ايدكم هذه الصوره لكورنيش الدمام.

وهذي دعوه لرواد منتدى الدواسر الرسمي لكي يزرون هذا الكورنيش الراائع..










ارجو ان نتال استحسانكم,,

تقبلو ارق التحايا

اخوكم / فهد الغريري

 

 

 

 

[معلومات العضو مـنـيـر آل راكـان]

الله الله الله


أبو راشد خلك عند الباب الحين امرك


بيض الله وجهك على هالصور الأكثر من روعه


والله حمستني اجي الشرقيه

وحنا منطفحين بسموم الرياض


لاهنت يالقرم على هالصوره الجميله



تقبل وافر التحيه الصادقه لمقامك العالي

أبــو فـــارس

 

 

 

 

[معلومات العضو فهد الغريري]

مرحبا ومسهلا يابوفارس

ياليت تسير علينا يابوفارس

ولا يهمك بصيرلك مرشد سياحي بس تعال انت

تقبل ارق التحايا

اخوك / فهد الغريري

 

 

 

 

[معلومات العضو عبدالرحمن الشرافي]

ننحاش من الرطوبه لــ الرطوبة ههههههه



لاهنت يا

ابو راشد

على هذه الصور الحلوة بس يا زيناها في غير الصيف



تقبل تحياتي

 

 

 

 

[معلومات العضو ابن وتيد السباعي]

ارررررررررررررررحب يا ابو راشد

والله صاير مرشد سياحي وانا ما ندري

اقول تنادي ولا ما تنادي نسمعك ولا نسفهك

عندكم رطوبه تحمس الطير في السماء

ان طعتني يا ابو فارس محلك زين

ههههههه

لاهنت يا ابو راشد على هذه الصور الرائعه التي تستحق الزياره بلفعل ولاكن مهوب ذا الوقت

لك اجمل وارق تحيه

من اخوك/ابن وتيد

 

 

 

 

[معلومات العضو عبدالله آل بريك]

هههههههههههههههههههههه

هالصيف بالذات ما طبيت الشرقيه قاعد بالخرج وحر الخرج

واللحين مشوي جاهز للتوصيل ههههههههههه

لا هنت يا فهد على هالصور بس قلبت علي المواجع

أقرب طياره على الشرقيه أن شاء الله


وتقبل خالص أحترامي

 

 

 

 

[معلومات العضو بـدر الودعاني]

لاهنت يابوراشد على الصور الرائعه

لكن مثل ماقالوا الشباب

الرطوبه ذابحتنا

ألحين وقت أبها

والله من الجو الزين

 

 

 

 

[معلومات العضو !! بنـ بدوي ـت !!]

طالع بالصور حلووووووووووووووووووو
بس الوووااااقع احلىىىىى
يعطيك العافيه ياخوي على الصووور ..
دمت بود

 

 

 

 

[معلومات العضو فهد الغريري]

ارررحب يابوسالم تراحيب المطر


ابوسالم الى يازينها في الصيف الكرنيش في الشتاء مايصلح نفداك


والله لا يهينك على هذي المتابعه الراااائعه

ارق التحايا

اخوك /فهد الغريري

 

 

 

 

[معلومات العضو فهد الغريري]

العزيز الغالي : ابوسعد " ابن وتيد

اررررحب ياذيباااااااااااااااااااااااااااااان

ابشرك روحة الرطوبه من يوم ظهر سهيل


لكن انت عزم وسير علينا نفداك وزاهل الرطوبه


قد رطوبنتا ازين من رطوبة السفانيه يابوسعد


ارق التحايا


اخوك / فهد الغريري

 

 

 

 

[معلومات العضو فهد الغريري]

اخوي العزيز عبدالله ال بريك


الله يسعد مساك يالغالي


اررررررحب تراحيب المطر في الشرقيه بين اخوانك


وخل عنك لهوب الخرج وتعال عندنا نفداك وسع صدرك


وتقبل ارق التحايا


اخوك / فهد الغريري

 

 

 

 

[معلومات العضو فهد الغريري]

العزيز الغالي ابو هادي

اررررحب تراحيب المطر


خل عنك ابها وتعال عندنا والله من الوناسه وسعت الصدر


الشرقيه ماغيرها شي نفداك

الرطوبه فينا فينا


ارق التحايا

اخوك /فهد الغريري

 

 

 

 

[معلومات العضو فهد الغريري]

الاخت الفاضله : بنت بدوي


الله يسعد مساك بالخير


الواقع طيب ان شاءالله من وين رحتي بتلقين الحر قدامك

عشان كذى الله الله بالشرقيه يازينها ويزن حرها

ارق التحايا

اخوك / فهد الغريري

 

 

 

 

[معلومات العضو ابو زيد الغييثي]

الشرقيه ماتنعاف

ولاكن الرطوبه الله يستر شي عجيب


والصور زوينه


ودنا نجي الدمام ولاكن رطوبتها ولاشغال يمنعون




تقبل تحياتي

ابو زيد

 

 

 

 

[معلومات العضو دخيل المساعره]

السلام عليكم......... صبحكم بالخير
يالبى والله نجد يالربع انا في الشرقية

ودي افارقها باي وسيلة لكن


ويش اسوي الدوام اللي حدانا عليها


بس نصيحة انحاشوا منها ما فيها الا

الرطوبة و الزهادي