،،،،،،،بستان الشعر،،،،، - الصفحة 4

**معلومات** **العضو** · 31-01-2009, 04:20 AM

دنيا عنيده لو عطت ناعم اللمـس=يقفا نواعمها من الشـوك شوبـي
كم واحدٍ منها شكا حامي الحمـس=وكم واحدٍ منها صفت له شروبـي
ولا يتفق بكره مع اليوم عقب امس=كلٍ ظهـر ماصـار بـه للقلوبـي
دنيا كما عدٍ وليلـه دهـاً دمـس=وكلٍ على حظـه يجـر الغروبـي

**معلومات** **العضو** · 31-01-2009, 04:24 AM

هذي خوافي خاطري تحت الاقلام= تكتب معاناه الجروح القديمه
الحظ عيا بالهوى طاح ما قام= عيا يقوم الحظ رجله سقيمه

**معلومات** **العضو** · 31-01-2009, 04:29 AM

ليل الحقيقه كل ما جيـت اناديـه=عنـي يصـد ولايبيـّن لنـا شـي
واصبحت اهمش كل ماكنت اسويه=متظارب الآفكار متوحـي الكـي

**معلومات** **العضو** · 31-01-2009, 04:43 AM

كنت انصحك قبل انجرافك بياديك=ياللاسـف ماتسمـع الشـور فهمـان
سارت بك القدره وضاعت خطاويك=وزلت بك اقدامك على كل ميدان
دوس اللغم ياجاهل الدرب يرميك=من يجمع اشلائك اذا صرت غلطان

**معلومات** **العضو** · 31-01-2009, 04:52 AM

خذينـا مـن ليالينـا مواقيـف وعبـر ودروس=نطيـح ونرتكـي ونقـوم مـا ماتـت عزايمـنـا
جهلنا وافتهمنا مـن جهلنـا وش مقـام الـروس=وبنينـا واعتلينـا للمعـالـي مــن مكارمـنـا
مادام ان الزمن فنّد لنـا العالـم بـلا ملبـوس=فلاداعـي نشـك بمظـهـرٍ يـبـدي توهمـنـا
سراب القيظ وان حل الظما ما اروى وراه نفوس=سـرابٍ يطّـرد يشعـق بريقـه لجـل يعدمـنـا
سنين الوقت تقبل لك وتشرح لك بدون عسـوس=تركنـا الهافيـه والطيّـبـه منـهـا تغانمـنـا

**معلومات** **العضو** · 31-01-2009, 04:59 AM

سند على صم الجبال الشواهيق=لاصار مالك صاحبٍ تنتخي فيه
اما تذريك الرجال المطاليـق=والا تعديك الخطر من مباديه

**معلومات** **العضو** · 31-01-2009, 05:02 AM

غنابها ميحد مـن الوجـد مـوال=خمس الحواس يسائلني ونا ابيـك
ووش تنتظر يامحرق القلب والحال=غنابهـا خالـد وغنـا مهـاويـك
وغنا بعد تذكار عيشـي بالآمـال=وان كان يحصل لك تناسين مغليك

**معلومات** **العضو** · 31-01-2009, 05:12 AM

ليت الغرور اللي يجي من سوايـاك=تقتاد به بعـض الغناديـر ياهـوه
وليت الكلام اللي يجي فيه طاريـك=ماينقطع مـن فـم ناسـن تحاكـوه
وليت السحاب اللي تنشـا يراعيـك=ينصاك في دارك ومشيه على الدوه
ويسقي ديارك لين ينبت براضيـك=ورد الخزامـا والنفـل مـا تعـدوه

**معلومات** **العضو** · 31-01-2009, 05:16 AM

كم هير ماي فرند حييت حييت=يو آآر ولكم مرحبا الف ترحيب
كم هير خل الجرح تبرا خوافيه=واللي بعد في هارت من وند بيطيب

**معلومات** **العضو** · 31-01-2009, 06:07 AM

والله وصرتنا اليوم العضوووو النشيط في المنتدى اشوفها مكتووووووبه

مايدري اني مستانس

**معلومات** **العضو** · 31-01-2009, 06:13 AM

عزالله اني فالهوى اسم مجرور=مجرور بالكسره على فتحه الباب
ابغاخبير(ن) فالقواعد ودكتور=يشوف لي وش موقعي بين لعراب
اما يقدمني على الفعل مجبور=والا يدور لي دوى جرح لحباب

**معلومات** **العضو** · 31-01-2009, 06:20 AM

البطه اللي تنوش الحر في وكره=ترقا مراقيه وتحول محاويله
ماتدري انه صبر والى انتها صبره=يشكها تابعه والموت توحيله

**معلومات** **العضو** · 31-01-2009, 06:25 AM

دارت رحا الآ يام والوقت ميدان=احدٍ جفاه الوقت واحـدٍ يناديـه
صوارف الآزمان حطت بالابـدان=مياسـمٍ ماهيـب جمـرٍ نطفـيـه
في داخل الاعماق تبقا لها ازمان=ويبقا صديد الجرح لونـا نخفّيـه
نصبر على ماصار والصبر عنـوان=وباب الفرج محدِ من الخلق جافيه

**معلومات** **العضو** · 31-01-2009, 06:33 AM

اثرك مع الوقت تلعبها بمظمارك=الين بانت وبيّن كل مافيها
لاشك آبعلمك وان طال مشوارك=تراك مثل الثعل لوكنت تخفيها
حفرك ودفنك عليك يثور غبارك=واحذر يمينك توقع في مكاويها
مياسم الوقت عندي تصطلي نارك=وان قالها الله لزوم انك تلاغيها

**معلومات** **العضو** · 31-01-2009, 06:44 AM

فكس آآرانتاج وارد فخامه ذالزمان=ابيضٍ لونه كما لون نوٍ مستخيل
فُل اٌكشن بالفخامه وراهي بالبيان=حايزٍ كل الجوايز وجاب المستحيل
بالسطاوه والرهاوه وشارات الآمان=يمتلك كل الوسايل موصوفه قليل
فتحه اسبيرين لوحات وحروفه بلان=والعدد طبق وسوى مادخل فيهن دخيل
هدروليك وياي ملفوف والمكره عوان=للفزايع واللوازم تنحر للقبيل
ذبذبه وارباق وارسال شاشه للعيان=وعن محيط الوضع حوله يصوره الدليل
عاج ناعم واسطوانه وكاسيت وكيان=وعن حراره حاله الجو يعطيك الحصيل
وبصمه المفتاح ميزه بدت له بالآوان =لاتفر سويك والا تدّور له بديل
ماتشغل لين تبصم موقع بالبنان=صممه راعيه حتى توقع للآصيل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية