صرخة ندا من "برك" تنخى وتزهم

[معلومات العضو محمد سعد السباعي]

بيض الله وجهك بيض الله وجهك بيض الله وجهك مدد بلا عدد يالمسعري

عز الله بدعت فأبدعت عسى يمينك ماتشل

وهذا يوم القصيد وامثاله يامال الشحم


عسى الله أن يفك أسر مهدي آل بريك ويعتق رقبته آمين

 

 

 

 

[معلومات العضو المسعري]

[QUOTE]صح لسانك أخوي المسعري وبيض الله وجهك
أسأل الله أن يعتق رقبة ابن عمنا مهدي
وأن يجعل هذه القصيدة في ميزان حسناتك[/QUOT




الشاعر القدير صاحب البيان الساحر
فراج بن فهد



اشكر لك مرورك والله يسمع منك

 

 

 

 

[معلومات العضو المسعري]

ولد ودعان
مرحبا ومسهلا


مرورك شرف والله يقبل دعاااك

 

 

 

 

[معلومات العضو المسعري]

أشكر جميع من أطلع على متواضعتي وشرفني بأطرائه وهذا ان دل فإنما يدل على جمال ذائقتكم
شكرا شكرا
واتمنى من الله العزيز القدير ان يفك رقبه اخينا

 

 

 

 

[معلومات العضو شوق2]

	هـذا نهـارن مالنـا بـه صـدة=عقّـب صبـيٍ ماوفـا مــاروده انا ااااااااااااااااااشهد انه نهارً مالنا به صده0 صح بدنك يابو خالد مليار0 عز الله انك كفيت ووفيت0 الله يجعل ماكتبت في موازين حسناتك0 وفعلا هذا القصيد الي يجمل راعيه0 والله يفك اسرمهدي ويرده الاهله سالم تقبل مروري وتحيتي وتقديري00

 

 

 

 

[معلومات العضو كلاش]

المشاركة الأصلية كتبت بواسطة المسعري

استجابة للنداء اللذي وجهه الشيخ/ الزقروط بن ناصر آل بريك لعموم قبيلة الدواسر عامة ولمنتدى قبيلة الدواسر خاصة ، أرسل هذه القصيدة إلى جميع دوسري أينما وجد:-

دق الجرس في ليلة مشهودة = للابة اللي كل صعب تروده
دق الجرس للي تروم الطالة = دواسر جيش الفعول تسوده
دواسر كسب المعالي كسبهم = وكسب الجزيلة عادة معهودة
لامن دعا الداعي بصوت عالي = كل فزع لوهي بعيد حدوده
واليوم ماللحمل كون جماله = في وقفتن لاهل الوفا محمودة
صرخة بني عمي ودرع جنوبي = يوم انتخوا فالدوسري وجدوده
هذا نهارن مالنا به صدة = عقّب صبيٍ ماوفا ماروده
فياراكبٍ من عندنا منجوبة = بنت العماني للطلب معدوده
ركّابها حرٍ ومعه رسالة = مرٍ تقاود له و مر تقوده
ينصى هل الوادي كعام العايل = لاجاء نهارن للبراء مردوده
دارٍ لنا فيها مواقف عزة = كم طاح فيها حاكمٍ وجنوده
سلّم على أهل الدار كلاٍ باسمه = وارفع بصوت الصرخة الملهودة
اليوم ماللطيب كون الطيّب = والرجل ماله كون جبر عضوده
وانص السليل والسفر منباجي = واشهر على راس الحجا وارجوده
ديرة رجالٍ فاللقاء بتاعة = الدار تحمى من جرات إيسوده
وقبل السليّل لا تعدا تمرة = دار ترد المعتدي وحشوده
وانص البديع وماقف الشجعاني= عون الدريك وفزعته وسعوده
وانص الحمر دار الوفا والعزة = دار الكرم لاهل الكرم ماعودة
وميّل على الهدّار حق ولازم = رجالهم كسب الثنا منشوده
ومن كان في الافلاج يسمع صوتك = تبشر بعزك لا نخيت افهوده
واشمل على الخرج واهل الشيمة = دار حميناها بقدح زنوده
دارٍ لنا ماهيب دار لغيرنا = يوم السيوف بحدها مجروده
تلفي على أهل خريص يامندوبي= تلقى رجالٍ فاللقا معدودة
ومن كان في الاحساء وفالشرقية = يزود فعل اربوعنا من زوده
وتنصى خليج العز دولة دولة = كل الخليج ومن سكن بحدوده
وانكف علينا لا توخر تكفا = الليل لا يضوي ورى سامودة
تلفي على أهل سدير واللي حوله = كم طامع حطوّه وسط لحوده
ومن كان فالزلفي من اهل النخوة = والغاط في دربك لزوم تروده
وانص الشماسية ديار ربوعي = في ديرةٍ بين السهل ولهوده
وانص القصيم ولا تخلي ديرة = من كان في دوسر لزوم تعوده
وانكف على أهل العاصمة في ساعة = لازم توافيهم بدرب العودة
من كان من ربعي وهو يسكنها = سلّم عليه إعداد ذاري نوده
صرخة ندا من برك تنخا تزهم = من حرّها ذاب الجبل وحيوده
اليوم مهدي تحت حكم القاضي = وستة ملايين تفك قيوده
من كان في زايد يجينا فازع = ومن كان في تغلب تبين جهوده
وانتوا هل الوقفات واهل الفزعة =والرجل جوده من عطا ماجوده
والرجل يظهر لا وفت حزاته = في موقفٍ كل الرجال اشهوده
(وشيوخنا وتجارنا ملزومة ) = وقفة شرف لاجيالنا ماكودة
وختامها ياسامعين الصرخة = الرجل ماله كون جبر اعضوده

لله درك يالمسعري

صح لسانك وعسى الله يفك البريكي

 

 

 

 

[معلومات العضو خالد بن محمد]

صــــــــح لسانك وبيض الله وجهك علي القصيدة الطيبه

والله يفرج علي مهدي ويرده لاهله سالم غانم

اللهم أميـــــــــن

 

 

 

 

[معلومات العضو المسعري]

الاخت الشاعره شوق2

شرفني مرورك العاطر ياغاليه



الشاعر الحاظر الغايب كلاااااااش

اسعدني مرورك وتعليقك ولاعليك زووود لو اني زعلان عليك لعدم تواجدك وانت من اركان شعراء المحاوره



خالد بن محمد


ووجهك ابيض ولاسوينا شي هذا اقل شي نقدمه والله لايهينك على المرور

 

 

 

 

[معلومات العضو راشد المسعري]

صح لسانك يابو خالد ودائما في قلب الحدث

للرفع لوجود قضية مشابهة هي قضية ابن العم بن شويرب الصخابرة ، الله يظهره وييسر ما تبقى من الدية المطلوبه

وللجميع ودي وتقديري ،،،،

 

 

 

 

[معلومات العضو فهد الخريم]

صح لسانك
دائما في قلب الحدث

 

 

 

 

[معلومات العضو مبارك بن الجوير]

صرخة ندا من برك تنخـا تزهـم
من حرّهـا ذاب الجبـل وحيـوده

صح الله لسااااااانك
عزالله ابدعت بالشعر وبالمدح ماخليت ولابقيت
ماشاءالله عليييييك وانا اخووك
*************************
وبخصوص العلم عسى الله يفك اسره
رحمة" له ورحمة" لوالديه
والدواسر كلبوهم كفؤ وقدّ المنصى يابن مسعر
والناصي لهم والمندوب كفؤ
وال بريك يستاهلون الفزعة..

 

 

 

 

[معلومات العضو مبارك بن شافي النتيفات]

الله لايهينك يالمسعري

وعسى الله يعتق مهدي

 

 

 

 

[معلومات العضو راشد المسعري]

للمعلوميه يا اخوان قصيدة اخونا المسعري لها ثلاث سنوات وقد قيلت في حينها واما الاخ مهدي ال بريك فقد ظهر من السجن ولله الحمد بعد اكتمال المبلغ المطلوب عليه.
تقبلوا ودي و تقديري ،،،

 

 

 

 

[معلومات العضو حسن بن بطحيه]

صح السانك يالمسعري ولاهنت