ابن لعبون يشكي على الأمير أحمد السديري

[معلومات العضو النايف]

الشاعر محمد بن لعبون رحمه الله، من مبدعين زمانه في شعر النبط له هذه الرائعه في علم من أعلام زمانه ، الأمير أحمد بن محمد بن تركي بن محمد بن سليمان السديري رحمه الله جد الملك عبد العزيز طيب الله ثراه من أمه وكان من أعظم الأمراء في نجد وأنبلهم وأنبههم ذكراً ، وكان أميراً على بلدتهم الغاط وولاه خالد بن سعود سدير كله سنة 1253 فنزل المجمعة عاصمة سدير وفي سنة 1254 تولى امارة مقاطعة الأحساء فقام بها خير قيام في أيام خالد بن سعود وخورشيد وعبدالله بن ثنيان والامام فيصل بن تركي ولحسن سمعته ونزاهته ثبت مركزه مع هؤلاء الأضداد كلهم وبقي اميراً على الأحساء الى أن توفي بها سنة 1277 رحمه الله رحمة واسعة وأموات المسلمين.له من الشعر ما أود طرحه في المستقبل بإذن الله أرجو لكم أوقات طيبه مع هذه الرائعه.

ياهل العيرات عن دار التلاف=من عفا الله عنه يردف له رديف
عن ديارٍ كل ما فيها يعاف=يا ركب ويلاه من سيفٍ كسيف
جيت ناس عقب أهل مي نشاف=يطبخون الزاد بالماي النظيف
من عقب زل الزوالي زاللحاف=والنمد والجوخ سفوا لي سفيف
شف منازل مي في ذيك الحضاف=يا حراش ان كان يحتاج تعريف
ذا مصب الماء وهذاك الرفاف=والحرم هذا وهذاك المضيف
موحشات كل ما فيها يخاف=مهرة الخيال فيها ما تقيف
يحلف الحلاف ما شافه وشاف=بالمنازل زول عطبول زريف
كم عف الله لي بربعه من مطاف= مع نزول اعطان مشتاه ومصيف
لي زليف كل هرجه بالخلاف=العجب لله دره من وليف
ينكشف لي عن ثناياه الرهاف=من رفيف البرق له رفيف
يا لطيف من حكاياه اللطاف=سمي لعيونها عبد اللطيف
كن وصف جعودها فوق الرداف=الهوا والماء من فوق الغريف
ياهل العيرات ما منهن عجاف=رابيات بنجد في هيف وريف
من جبل تيما الى حد الاحقاف=من خشوم طويق لبطانة عفيف
هايتات كالمها زرق الخفاف=من بنات عمان ممشاهن خفيف
ان سمحتو ياركب ما من خلاف=وان قصر حظي فهاكم لي شريف
خط مفجوع سلامه كالرعاف=ماطره كالدر لمحب دنيف
تفتضح منه العذارى بالظراف=والزهر باللون تيجانه نظيف
بارتحاب مع تحيات نظاف=جالبات النور لعيون الكفيف
زاهيات كنهن ورد القطاف=سالمات الزيغ من قلب وليف
باندماج يا ركب لي وانعطاف=وانطراحٍ بالوطا ما قط شيف
للذي له في حشا روحي عطاف=بالوداد وبعد رسمي والطريف
ما عليكم لو على ملط الشعاف=تاصلون السير منها بالوجيف
من عزيز الما الى حد الصحاف=لو أقول بيوم ممشاكم قصيف
عامداتٍ نجد من بعْد المساف=خاصات (الغاط) من نجد المريف
ملتجين في ذرا ستر العفاف=أحمد لا زال مزبان المخيف
ميمر تدعيك ناره بالكشاف=مرخص الكوما الى غلي الرغيف
با جتوال وانحراف وانصراف=كالسحاب الجود ما مده فصيف
صيرف بالقيل بل صراف قاف=مستجار الدار غطريف ظريف
يا ثقيل الروز بأيام الخفاف=فيه ثقل الروز والطبع الخفيف
اشتكي لك من عيافي للعياف=من هوى طرد الجوازي نامعيف
راميات من سهام بنصراف=من غزال في فوادي له رنيف
موريات يا السديري بالرضاف=ورية الوقاد للقدر الرهيف
لو حظي بوصالهن حظي الغداف=بالهوى ما بات لعيوني ذريف
حالة تنعاف يا أحمد بالكساف=عن طريق اللوم فيها وتعنيف
وابق لي عون عليهن وانتصاف=لك نصيف سهامهن وأنا نصيف
وان تعذر منك يا ريف الهجاف=في صدود ما علينا به نكيف
بالعباد وكيف يقضي بايتلاف=حاجة بالشام ناس بالقطيف
فان عذرت فلا تعودنا خلاف=ما مضى والخط لا يارد قصيف
وان بدا لك لازم غير ارتشاف=راح حم شفاه حنا ما نقيف
وانت سالم والسلام ايضاً يضاف=فرقه الترحيب من صوب الوليف

 

 

 

 

[معلومات العضو بدر بن سعود]

تسلـم يالنـايـف ‘‘



رحم الله الشاعر بن لعبون والأمير أحمد بن محمد السديري ‘‘



صح الله السانكــ وتسلم يمناكـــ اخوي النايـف ’’


نقل جميـل وتنسيـق رائـع ؛





مرحبا ومسهـلا ..

 

 

 

 

[معلومات العضو ابو زابن المسعري]

تسلـم يالنـايـف ‘‘



رحم الله الشاعر بن لعبون والأمير أحمد بن محمد السديري ‘‘



وتسلم يمناك اخوي النايـف ’’


نقل جميـل وتنسيـق رائـع ؛

 

 

 

 

[معلومات العضو مـنـيـر آل راكـان]

أخوي النايف



قصيده رائعه


وسطور اروع

ويعطيك العافيه


وفي إنتظار جديدك



أبــــو فــــــارس