ياطير ياللي تودي علومً مفيده

[معلومات العضو أبو شيخة]

السلام عليكم قصيدة للشاعر سالم بن صمهود

ياطير ياللي تودي علومً مفيده =هذا سلامي لشخصن دوك عنوانه
وصل سلامي لبو نصار وقعيده =لان مجلسه مايطبه من هفا شانه*
كود ابلجنّ يرمي النيشان ويصيده=يمشي على منهجّ للذرب واخوانه*
صالح خذا المرجله منهاجً يجيده =له منهجً من فعول الطيب سيسانه
يفداه منهو تدنا كود فقريده =عطوه شيً تعلا فوق حيطانه
الاش عسى يعجل في طوي قيده =حتا يريح بعض الاشخاص من شانه
ظروف الايام تمحيصه وتغريده=كلن تميزه حسب الفعل ولسانه
الاش مهما تقول الناس ياجيده=لاكبرت السالفه قُرب الردا حانه
الاش لو هو من ادنا الناس ماحيده =وش خانت اللي ذلوله دوم هزلانه
ظروف الايام فيها شر ومفيده =كلن تميزه حسب الفعل واقرانه
من كان يبغا طريق المجد ويريده =ينشد عن اسلوب صالح وشهي اركانه
الايام لابد من ترمي به تصيده =وتعطيه درس يذكر عقب نسيانه
يقوله اللي وطاه ظروفً مجيده=وخلالها شاف كلً حسب ميزانه*
وصلو على المصطفى ماراح للسيده =من سابقً قادها الركاب بعنانه*

سالم بن صمهود

 

 

 

 

[معلومات العضو ابومبخوت الدوسري]

عليكم السلام ورحمة الله

قصيده رائعه لشاعر سالم بن صمهود

اشكرك ياابوشيخه على نقلها ولاهنت


تم التنسيق وتقبل تحياتي ,,

 

 

 

 

[معلومات العضو خيالية]

عليه الصلاة والسلام نبينا محمد صل الله عليه وسلم

صح لسان الشاعر ، وبارك الله في نقلك ..

 

 

 

 

[معلومات العضو شافي بن راشد النتيفات]

صح الله لسانك ولسانه ولاهنت على النقل

 

 

 

 

[معلومات العضو سالم صمهود]

بيض الله وجه الناشر والقاري

 

 

 

 

[معلومات العضو فيصل الدمامي]

دائما نستمتع بما تقدمه لنا
جميل ورائع ومميز ماقدمته لنا
دام لنا قلمك وعطائك الجميل والرائع والمتميز
دمت ذخرا لنا
دمت بحفظ الله