قصيدة في امير النتيفات مطرف بن نمشان

[معلومات العضو شافي بن راشد النتيفات]

سلام ياشيخ نٍ خذا مركز الطيب
لاعدت اكبار الاسامي نعده
له مركز ن مافيه شكٍ ولاريب
امارة ٍ لبوه من بعد جده
مطرف مقامه في كبار المواجيب
مقام غيره لو حضر ما يسده
نسل الشيوخ محققين المطاليب
اهل المهار القحص واهل الاشده
خذو سنام المجد غصباً بلا طيب
غصباً على من كان ماهوب وده
ميرادهم حوض المنايا اليا هيب
والضد في يوم الملاقا تضده
سطواتهم يشبع بها الطير والذيب
لا وصل يوم الكر والفر حده
لاد العميري في الملاقا معاطيب
فيهم على الاعداء شراسه وشده
مخضبت جرد السيوف المحاديب
كم شيخ قومٍ خضب الدم خده
واهل الكرم يوم السنين الشلاهيب
يوفون كيل الجود صاعه ومده
اهل المكارم في القسى والتراحيب
واهل البشاشه والسخاء والموده
اخير من تلفي عليه المراكيب
حواتم ٍ تسدي الجميل وترده
ادروع ابن نمشان ستر الرعابيب
حر ٍيبشر بالعشى من يهده
امير قوم ونصبوه المعازيب
قصره عواصيف الدهر ماتهده
شيخٍ مجرب مايبي له تجاريب
هداج مابيح قسى الوقت سده
ماهوب من تحسن به الظن ويخيب
طلق الحجاج وتنفد المال يده
منصى بني عمه ومنصى لجانيب
يعنى بفعل الطيب والطيب قده
قلته وانا قولي على حق ومصيب
والصدق في حق الاجاويد بده
تمت وعطرا ختامها المسك والطيب
والعود الازرق كل مافاح نده



كلمات الشيخ / ظافر بن هشال ال بريك


اهدا الى رئيس مركز الهدار وشيخ شمل قبيلة النتيفات الشيخ / مطرف بن فهد ال نمشان النتيفات

 

 

 

 

[معلومات العضو مبارك بن شافي النتيفات]

صح لسان الشاعر ظافر بن هشال وبيض الله وجهه

وابوفهد يستاهل

لاهنت يابوشالح على النقل

 

 

 

 

[معلومات العضو فهد الغريري]

صح الله السان ابن هشال وعز الله شاعر جزل ويستاهل الامير ابن الامير مطرف بن فهد ابن نمشان وابيض وجه يابو شالح

 

 

 

 

[معلومات العضو نآصر البدراني]

صح لسان الشيخ / ظافر بن هشال ال بريك وبيض الله وجهه


على قصيدته الشيخه في من يزين به القصيد ويزهى به ويستاهل


الشيخ / مطرف بن فهد ال نمشان النتيفات شيخ شمل قبيلة النتيفات



لاهنت يبو شالح