انتصار البدارين من الدواسر على الدعاجين من عتيبه

[معلومات العضو شمسان الودعاني]

هذي الوقعه حدثت بين قبيلة البدارين الدواسر اهل ثادق (( التي تقع بالمحمل شمال الرياض 120 كم )) وقبيلة الدعاجين من عتيبه واسباب هذيه المعركه اخذوا الدعاجين ابل البدارين اهل ثادق من (المفلا) واقفوا بها فلحقهم البدارين وحصلت معركه شرسه استبسلوا فيه البدارين فأنتصروا في المعركه وقتل فيها عقيد الدعاجين نهار بن زنيدان .
والمعركه عند ابرق عرهان القريب من محطة فيحاء العتش 30 كم شمال ثادق
والوقعه علي وقت الامير علي بن عيسي البدارين أمير ثادق وهي مثبته بوثائق بتاريخ 1324 هـ موجودة بموقع اسرة العيسى :

وهذه قصيده للشاعر عبدالمحسن بن فوزان ال سويلم البدارين الدوسري يقول


قال من فنه علـى الزيـر غنـى بـه ون بـدا فـي هرجـه جـاب معنـاهـا
دار يا للي فرعة العتـك وهضابـه عـقــب شـيـبـان بـنـوهـا سكـنـاهـا
حق نحمى حمـى بلدنـا ونرعـا بـه مــا نبـالـي كـــل مـــاراح يـفـداهـا
كـم عقيـد جــاء يبيـهـا حذفـنـا بــه لاضـواري تاكلـه مـات مــا جـاهـا
سعد من حنا ضحى الكون له لابه نحتضـي بالقالـة اللـى حضرنـاهـا
هيه ياللـى تنقـش الكـف بخضابـه جــادلٍ بقـصـور فـيـحـان مـربـاهـا
الذلـيـل الـلـى خطبـهـا تـهــزا بـــه مـال هابـه لـو مـن المـال يـاداهـا
شوقها فعل المواجيـب يحظـى بـه كـل نفـس شهـودهـا فـعـل يمنـاهـا
ال زايـد فعلهـم سيـف وقضـى بـه لا العـدو هـم علـة الكبـد ودواهــا
قـايـلـة يـــوم الـفـكـر دار دولابـــه اذكــر الله ثــم اصـلـي عـلـى طـــه

 

 

 

 

[معلومات العضو ابو زابن المسعري]

ابن شمسان الودعاني ارررحب تراحيب المطر ياكحيلان
بيض الله وجهك على نقل هذه الوقعه المثبته بالقصيده
ونعم والله بالبدارين حامين ديارهم من اول وتالي

 

 

 

 

[معلومات العضو نآصر البدراني]

كُفو بربعـــــي لاد بدراااااااااااااااااان


" نبني ديار ونستوطن ديار ونحماها "


بيض الله وجهك ياصبي ودعان على القصه ومصادرها وتوثيقها بالقصيد ..