التغطية المصورة لحفل الشيخ سعدبن عجلان بن منيرالغييثات الدوسري بـ مناسبة مشاركته بـمزاين أم رقيبة لعام 1435هـ

[معلومات العضو الإداره]

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار ومرتادي الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ فهد بن هادي الغريري عضو مجلس إدارة الموقع الأستاذ راشد بن محسن المسعري قام بالتقاط الصور هادي بن فهد الغريري في ليلة من ليال الفرح والاجتماع وليالي ام رقيبة الخالدة ، اقام الشيخ سعدبن عجلان بن منيرالغييثات الدوسري حفلاً بمناسبة مشاركته في مهرجان أم لمزاين الإبل لعام 1435هـ .وقد أقيم الحفل يوم الاربعاء 1434/2/22هـ الموافق 2013/12/25م اقبلي ياهامت الشعر من كل اتجاه=اقبلي مثل السحابة ووبل اغيومها وانحري عودً ينومس ويطرب من نصاه=نسل قومً في الملاقاء تضد اخصومها الغياثات السطر و الحميه والوجاه=قومً اتنافس وتدحم بقو اعزومها وسعد بن عجلان ما تختلف فيه الرواه=ابلجً يقدم على الطايله وايرومها اصوكً لأقال قولً راع الطيب احتماه=عشت يانسل المكارم ويازيزومها فعل أبوه وفعل جده على قيد الحياه=مامحته اصدوف بقعاء ولا اخطا يومها الشيخ سعدبن عجلان بن منيرالغييثات من اليمين الشيخ سعدبن عجلان بن منيرالغييثات بجانبة الشيخ ناجي بن جفيران الحقباني فـقـرات الحـفـل مدعث بن بداح الغييثي إنطلقت فعاليات الحفل المنبري عند وصول جميع الضيوف التي قدمها مدعث بن بداح الغييثي وقد بدأ الحفل بآي من الذكر الحكيم وكلة توعوية قدمها فهد بن راجح الغييثي. فهد بن راجح الغييثي. لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر محمد بن باني المخاريم. الشاعر محمد بن باني المخاريم. ألقى الشاعر محمد بن باني المخاريم.قصيدةً بهذا الحفل ، حيث يقول في قصيدته : ترى خير مانبديبه اسم الله الرحمن = اله بكل الكون تمضي مقاديره وبعد ذكر علام الخفايا عزيز الشان = تنقيت جزل القاف ويهون تسخيره تعنيت من وادي الدواسر لابن عجلان = رضا له ومن تقدير ربعه وتقديره سعد كاسب الطولات ومكرم الضيفان = شجاعن من دروب الوفا مااختلف سيره وسيع البنايد جعل يفداه كل هدان = على ضيف بيته ما يقدم معاذيره راعي مجلس من طيبين العرب مليان = تعاقب عليهم بالدقايق مباهيره وبعدها يقدم قرّح الضان والقعدان = تقلط بصيوان توافد مساييره محل ابلج يعرف وينصون الضفران = كما عيلم تنطح وروده مصاديره وهقاويه تطلع به على نايف الضلعان = على المرجله تلعب براسه سعاطيره تقدم بوضح لا نهمها تزيد جنان = ليا طبت المضمار ثارت معاصيره مغاتير بن عجلان لا طبت الميدان = ترجه وترفع بالتحايا جماهيره ويطلع بعض من شاركو عايفن زعلان = ليا شافها تصغر بعينه مغاتيره طوال الرقاب العارية والوجيه زيان = ليا جاتها اللجنة تسبب لها حيره تلاد تورّثها عيال من الشيبان = سوى وسمها المعروف ما لمسها غيره ملكها شجاع نال طيبه من الجدان = على سكة اهل المجد يبعد مشاويره من عزوة لا جال اللقا تقمع العدوان = غييثات وافين المواقيف والسيرة زحول تضد الخصيم وتوسع الحدان = ويفاجون غرات الاجانيب بمغيره يجي فارس منهم ويقضي على فرسان = بضرب السنان اللي وساع مطاييره وسندهم قروم في الملاقا ترجح الميزان = دواسر لامن الحرب دقت مزاميره ليامن تعلو فوق صم الرمك شجعان = صناديد ميدان القتاال ومغاويره لهم عادة في الحرب يروون دهم الزان = ليا قام جمع الضد تزمي طوابيره تنصوه باللي تنزع الروس من الامتان = ولامن كسرت العظم ياصعب تجبيره وكل القبايل وافية مابها نقصان = ولا ضايع من حقهم حبة شعيره وختام الكلام اعداد مايمطر الهتان = صلاة على اللي سنته للبشر خيره الشاعر محمد بن مسفر بن قحيفان الخضراني ثم ألقى الشاعر محمد بن مسفر بن قحيفان الخضراني قصيدةً بهذا الحفل ، حيث يقول في قصيدته : يالله المعبود يالواحد الفرد الصمد = غافر الزلات للروح عند احسابها عزنا بالدين في ظل حكام البلد = أسرة ال سعود مثل الاسود بغابها ريس البيعه وعبدالله أو ولي العهد = أسعد اللحظات في وقتهم عشنابها بيض الله وجه شيخ جمعنا فالوعد = واعتنا بالحفله اللي تواجهنابها الكريم اللي إلى مد وانفق مااقتصد= مكرم الضيفان في حفلة تلقابها أشقر الفنجال والطيب وسماط يمد = والدلال الصفر يمشي بها صبابها القدم والقهوجية شكو مر النكد = والهرافا والمفرّد تعب قصابها يابن عجلان ادحم الجمع وابشر بالسعد = دعوة الطيب إلى جات رحبنا بها وكل رجلٍ ودك أنه يجود إبما وجد = والبشر ماكل شي ينال إعجابها والقصيد احساس وشعور وسرور ونكد = ومن يسكن بوديان مكة يعرف اشعابها البعيد اليا دعانا نحاول نبتعد = والحشيم نقول دعوتك ويش ابطابها والرفيق اللي على سلمّ العليا صعد= لا نصتنا دعوته ما تباسينابها ياسعد ياوافي الشبر ياطير السعد = دعوتك عندي لها وقفة يدرابها وقفة تقعد صغى الراس وابيات جدد = من بحر الابداع ماكل شخص جابها شيلة في الوضح لو شالها اليامي سعد = تذهل عقول المخاليق لا غنابها ياسعد خلك تقدم وحنا لك سند = وسل حد الحضرمية وشد نصابها واحتزم بي للثنادي ولا تحتاج احد = أدحم الشعار وأسد عن غيابها لا حضرنا بالمواقف كفينا اللي قعد = وإن تعصت بعض الاهداف ماحدن صابها نطرح الشاارة بضرب الركاده والركد = لا اختلف مرمى الضريبة على ضرابها مايجيب الما نهار التحدي والظهد = لا تلاشا الجم والدلو من جذابها كون من تروى الضوامي بدلوه لاورد = شاعر لا اخطوا جزال المعاني جابها ياهل الهقوات ماكل من يزرع حصد= وضح صبيان الغييثات ما يهقابها كم عقيد لا صدفها صفق ركبه وصد = تجبره هيبة جنبها على جنابها ويوم كل سل سيف التحدي واستعد = وضح بن عجلان كل يحسب حسابها التلاد اللي من الجد وارثها الولد = وقف لا ينباع فيها ولا يشرابها يوم بعض الناس لا قال قول ماوكد = كلمته تمشي على الخلق والله ادرابها لو نشدت اكثر هل البل عن اقصاها هجد= خص لا جا العلم خلفاتها واجلابها ياسعد هات المغاتير ياطير السعد = خلها تطرب جماهيرها واحبابها الصديق يشوش لاجات وابليس يهجد = والجماهير الغفيرة تشد اعصابها البكار اللي وبرها مثل لون البرد = والسيوف الجرد تشبه لوصف ارقابها كل وضحاً نيها عن حجبها ما ابتعد = والنحر بوابة مايسكر بابها وانده العليا بصوت رفيع منفرد = عزوتن في الهوش ماتعتزون إلا بها واندب الشيخة بصوتك وسلطانه بعد = واختصر الاسما الشهيرة وعرفنابها وانهم اللي كن حسه تزجام الرعد = لا هدر سلطان واقبل بها واقفابها أوضح منشاه من صوب شيخ معتمد = مدته لا الله عطا منه ما يسخابها لا تخيرنا النوادر وكملنا العدد = واكتمل عد الثلاثين ياحسابها في ميادين الشرف ماحدن ياوي لاحد = دلة الرسلان وين انت ياشرّابها جايزة من ثبت الدين باطناب ووتد = ما نقول إنها غريبة إلامن فزنابها إن خذيناها كحلنا عيون اهل الحسد = ومن عوايدنا الاوايل وحنا اولابها وإن رميناها وجا في بنادقنا صدد = عشقة ابو زيد حظه عجز ماجابها ومن فقدنا في لقا السبت يلقانا الاحد = الاوله مهما يطول المدى فزنابها والبشر لو فازم منا إلى يوم الأبد = معجزات الفوز تدرون من كسابها واحدن لا قفا من ثلثينه سجد = ساعتن ماخيّب الله رجا طلابها ركعتين في رضا اللي إلى كلن رقد = فتحّت لارضاه سبع العروش ابوابها الشاعر زابن آل عمار ثم ألقى الشاعر زابن آل عمار قصيدة بهذا الحفل المنشد بخيت بن ناصر الهواشلة ثم أنشد المنشد بخيت بن ناصر الهواشلة قصيدة بهذا الحفل لــــقــطــات عــــامـــــــه مـــــن الـحـفـل وختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لشيخ سعدبن عجلان بن منيرالغييثات الدوسري على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه (صوت قبيلة الدواسر) منتدى قبيلة الدواسر الرسمي www.alduwaser.org/vb

 

 

 

 

[معلومات العضو سيف2013]

مشكورين علئ تصوير ان شاء الله
سنه جايه ينافس علئ
الاول

 

 

 

 

[معلومات العضو نآصر البدراني]

بيض الله وجه الشيخ سعدبن عجلان بن منيرالغييثات الدوسري


على الحفل الطيب وابن عجلان فايز بالطيب والعلوم الغانمه


وبيض الله وجيه أدارتنا الموقره متمثلةً في ابو راشد وابو محسن


وصاحب المجهود الكبير هادي بن فهد الغريري ..

 

 

 

 

[معلومات العضو بدو]

بيض الله وجه الشيخ سعد بن عجلان الغييثات والله يبارك له في حلاله وماله وشكراً للمنتدى وجهودهم الطيبه