الغلا يذبح الاودام

[معلومات العضو كنسل مواعيدك]

اقبلـي طيـف تمـرد علـى رمـش العـيـون/ وارحلي جزءٍ مـن الـروح ياخذنـي وراه
كـن فـي صـدرك برامـج نظـام الايفون/ والخـدود بـروق مزنـن علـى كـل اتـجـاه
ودي اني كنـت لـك قبـل غيـري مايكـون/ بس انـا مـن خلـق حظـي ملقيـنـي قـفـاه
والله انهـا ماتخـيـب الهـقـاوي والظـنـون/ كون في من طاع نفسـه ونقـص مستـواه
كل ماشفت اسود الليل من فـوق المتـون/ قلت انـا اكبـر متهـم مـايـدور لــه بــراه
والله ان الموت رحمه ولا اعيش مغبون/ الزمن مافـل صفحـة كـتـاب الا طــواه
كنت هادي قبل اعرفك وحركت السكون/
وادري ان الحـب لـو عـاش تاليـه الوفـاه
الـغـلا يـذبـح الاوادم مـثـل ذبــح الفـيـون/
كــل شــي لــه بـدايـه ويـاصــل منـتـهـاه
كـل شـي لاجـل تغـريـد بعيـونـي يـهـون/
والدلـيـل ابـيـات شـعـرٍ تناقـلـه الــرواه
لو عرفنا من عيال الظهور من البطـون/
كـان محـدٍ شـاف موتـه بعيـنـه واحـتـراه
ان تكوني لي وانا لك ومن غيري بـدون/
هكـذا شــرع المحـبـه ولا يـلـزم وصــاه
مابقى لي منـك ياكـود ضربـات الطعـون/ كل طعنـة عشـق ماكتـب لـي منهـا نجـاه
*
الشاعر / حمود ابن عقرب

 

 

 

 

[معلومات العضو نآصر البدراني]

الله الله


صح لسان الشاعر الكبير / حمود ابن عقرب


سلمت أخوي على النقل ولاهنت ..

 

 

 

 

[معلومات العضو محمد راشد النتيفات]

صح السان الشاعر ولاهنت على النقل

 

 

 

 

[معلومات العضو شافي بن راشد النتيفات]

ارحب مليون وبيض الله وجهك على نقل هذه
الشامخة وصح الله لسان الشاعر الكبير
حمود بن عقرب

 

 

 

 

[معلومات العضو مبارك بن شافي النتيفات]

الله الله


صح لسان الشاعر الكبير / حمود ابن عقرب

وسلمت يمينك على النقل الرائع

تحياتي وتقديري