يا ذعار شب النار يا ذخر جدي

[معلومات العضو سالم الخضراني]

بسم الله الرحمن الرحيم
السلام عليكم ورحمة الله وبركاته

اقدم لكم قصيده للشاعر فهد بن مسفر بن قحيفان الخضراني

يا ذعار شب النار يا ذخر جدي ..وجهز لنا يا ذعار دله وبراد
عساي اروق شوي ولا استردي .. بنات فكري كلها اليوم شراد
يلعبي الهاجس على غير ودي .. لعب الفريق اللي يبي كاس الاسياد
بين الهجوم اللي لهم مستعدي.. وبين الدفاع اللي تحداهم اعماد
في ملعب كل الجماهير ضدي .. وتحمسوا كل الفريقين بعناد
وعرفت انا معاد منها مصدي ..من يوم شفت اللي على الشاشه يعاد
وصار المواجه مالنا منه بدي .. والوارده تسري على صوت وراد
والطير لامن تل سبقه يهدي .. عساه يرفع راس راعيه لاصاد
وان كان ما جاب العشى لا يعدي .. جعله مراح مروح راح ما عاد
راع التجارب يتعب المستجدي.. وتلقى ابتكاراته قديمات وجداد
والباب قدامي حشا ما يلدي .. ابوي شاعر والقرابه والاجداد
والشعر ماجاني بليا مقدي .. ولا حصل صدفه على غير ميعاد
اطبع ورق وانسخ ورق واستمدي .. عون الكريم اللي له الخلق سجاد
ولا كل ما حضرت يمكن يسدي .. المعركه تبغي لها زاد وزناد
تبغي لها خطه هجوم وتصدي .. وجيش على خوض الميادين معتاد
الى متى وانا استرح واستعدي .. الشعر يبغي له جنود وقياد
تكفوون يالشعار انا باح سدي .. الشعر قلت قيمته والخطا زاد
يشكي عليكم حالته في تردي ..لعبت به الشله على روس الاشهاد
يا فارس الميدان يدك بيدي .. بيني وبينك طعمه الملح والزاد
بنصارع الامواج جزرن ومدي .. ولاطارت الغتره من الراس وشعاد
اعمل بجدك مثل ما اعمل بجدي .. حتى نجي في قمه الشعر رواد
نطلع معا ذاك الطريق المودي .. قمة جبل ما ياصله كل نقاد
سقها ونحرها الفضاء المجرهدي.. وعند النهايه كل شاعر وما فاد
يا لجنه التحكيم بالله شدي .. واعطو قليل المعرفه درس وارشاد
الشعر مانرضى عليه التعدي .. والسرمدي يكتب على كرته ابعاد
اما كسبنا المعركه والتحدي .. ولا اعذرونا لا طلبنا التقيعاد

 

 

 

 

[معلومات العضو مبارك العمور]

صح لسان الشاعر والناقل

وابيات جزله من جزل

 

 

 

 

[معلومات العضو شافي بن راشد النتيفات]

لاهنت يابوشافي على النقل

وصح لسان ابوذعار

 

 

 

 

[معلومات العضو مبارك بن شافي النتيفات]

صح لسان الشاعر فهد بن مسفر الخظراني على هذه الدرر الراااائعة

ولاهنت يابوشافي على النقل المميز

تحياتي وتقديري

 

 

 

 

[معلومات العضو سالم الخضراني]

صح بدنك يالشاعر مبارك العمور
الله لا يهينك

تحياتي وتقديري

 

 

 

 

[معلومات العضو سالم الخضراني]

المشاركة الأصلية كتبت بواسطة مبارك العمور

صح لسان الشاعر والناقل

وابيات جزله من جزل

المشاركة الأصلية كتبت بواسطة شافي بن راشد النتيفات

لاهنت يابوشافي على النقل

وصح لسان ابوذعار

صح بنك يا ابو شالح مرورك شرفني يا شاعرنا ولا هنت
تحياتي لك

 

 

 

 

[معلومات العضو راشد المسعري]

راع التجارب يتعب المستجدي.. وتلقى ابتكاراته قديمات وجداد

أنشهد

والباب قدامي حشا ما يلدي .. ابوي شاعر والقرابه والاجداد
والشعر ماجاني بليا مقدي .. ولا حصل صدفه على غير ميعاد

عز الله كفو وماظلم حظه ، شعراء وشعرهم فاخر


ابو شافي:

عز الله إن اللي نقلته دسم ويجمّل

بيض الله وجه الشاعر العملاق ابو مسفر

ولاهنت مرة أخرى ،،،،

 

 

 

 

[معلومات العضو سالم الخضراني]

صح بدنك يا مبارك لاهنت يالذيب
تحياتي لك

 

 

 

 

[معلومات العضو سالم الخضراني]

المشاركة الأصلية كتبت بواسطة راشد المسعري

أنشهد




عز الله كفو وماظلم حظه ، شعراء وشعرهم فاخر


ابو شافي:

عز الله إن اللي نقلته دسم ويجمّل

بيض الله وجه الشاعر العملاق ابو مسفر




ولاهنت مرة أخرى ،،،،

صح بدنك يا بو محسن وماعليك زود
الله لا يهينك مرور شرفني وتستاهلون الجزل ..تحياتي ووتقديري

 

 

 

 

[معلومات العضو محمد راشد النتيفات]

صح لسان الشاعر والناقل

 

 

 

 

[معلومات العضو بطل]

صح السان القايل وصح السان سالم اقتناص جميل وموافق

 

 

 

 

[معلومات العضو سالم الخضراني]

محمد راشد النتيفات


شكرا لك على المروور الجميل ولاهنت

تقبل تحيااتي وتقديري

 

 

 

 

[معلومات العضو سالم الخضراني]

بطل

تسسسلم على المرووور الله لا يهينك يا البطل على المرور الطيب


تحياااتي وتقديري لك

 

 

 

 

[معلومات العضو تناهيد]

سلمت على النقل الجميل
ننتظر جديدك
دمت