يا زينها دنيا

[معلومات العضو سعد الردعان]

يازينها دنيا تجيبك قريبي=ماتدري اني لك لو اصد تواق
ماصد لجل ابعد حشا ياحبيبي=لا تحمل القلب الشقي فوق ماطاق
اخاف تاخذ دنيتي و تغديبي=واخاف نور الخد يحرقني احراق
اصد عنك وما نفع ياطبيبي=احرقتني ياشوق في نار الاشواق
و ان كان تبيين الغلاء فيه عيبي=لو غط علم الوبل بيشاف براق
هذي رعود الحب في وسط جيبي=تشرح مشاعر ماحد فوقها فاق
من اول اقول العنا في نصيبي=و اليوم اقول انه على خاطري لاق
انا احمد المعبود علام غيبي=يادرة مكنونة وسط الاعماق

 

 

 

 

[معلومات العضو مبارك بن شافي النتيفات]

ياسلام ياسلام

صح لسانك ياسعد

وتقبل مروري المتواضع على هذه الدرة

تحياتي وتقديري

 

 

 

 

[معلومات العضو شافي بن راشد النتيفات]

و ان كان تبيين الغلاء فيه عيبـي >>>لو غط علم الوبل بيشـاف بـراق
هذي رعود الحب في وسط جيبي >>>تشرح مشاعر ماحد فوقهـا فـاق


ياسلام ياسلام

صح لسانك ياسعد

 

 

 

 

[معلومات العضو سداح الدوسري]

صح السانك يا ابو سالم شاعر جزل ولاهنت

 

 

 

 

[معلومات العضو اسد الوادي]

لاهنت يا اخييي الشاعر
سعد الردعان
كلمات روعه وصح السانك
وسلمت الأيادي على القصيده الجزله
وفي انتظار ابداعكم



يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور