لـيـهـ الأعــتــذار.. !!

[معلومات العضو ابو تموم الدوسري]

ليـــــــــــــــــــــه الإعتـــــــــــذار !!


يا غشيمه ليـه تبديـن الأسـف والإعتـذار؟
أصلا احنا منتهين ان كـان هـذا يجهلـك!!

ثم أنا مـا ودي أفتـح بيننـا بـاب الحـوار
بس أنا عارف فضولك.. بالنهايـة يقتلـك!!

تسأليني من معي بعدك خذت فكري وصـار..
يحتفل فيها قصيـدي.. وعلّمَتنـي أهملـك؟؟

واسمحي لي راح أجاوب لك سؤالك في إطار..
الصراحه.. وادري إنّ آخر كلامـي يزعلـك

ذيك بنت ٍ من غلاهـا عاملـه فينـي حصـار
وين ما وجهت نبضـي لجلهـا قلبـي سلـك

ذيك بنت ٍ تزرع البسمات فـي كـل الديـار
تغفـل بطيبـة نواياهـا .. ولا تستغفـلـك

ذيك يوم إنك تركتينـي علـى شبـه انهيـار
جتني وطرت بهواهـا للسمـا وابعـد فلـك

ذيك يوم آكلمك وابقى على الخـط انتظـار
حطت الدنيا انتظار وجت تقول: اشتقت لـك

ذيك غيم وصالها ما شـح فـي ليـل ونهـار
وانتي ياخذك التغلـي للغيـاب ويشغلـك !!

ذيك يوم إني –أموّل- لك تفاصيلـي دمـاااار
جت تغني: (الماضي لك/ وبكره لك/ وبعده لك)

وعن جمال أوصافها خايف يصيبـك انكسـار
لانها لو تلتفت لـك؟ ضيّعـت مستقبلـك!!

وانصحك من حسنها لايبتـدي قلبـك يغـار
وابعدي عنها تراها " حبه .. حبـه .. تاكلـك"

نور عيني حبّها .. يعنـي لـي أكبـر انتصـار
حزت عرش ٍ من ملوك الأرض ما حازه ملـك

كن قلبي من بعـد مـا حبهـا علّـق شعـار:
" الرجاء الإبتعاد .. القلـب هـذا ممتلـك "

واعتقد ما فيه داعـي يكتمـل هـذا الحـوار
بس هـي كلمـه .. إذا ودك تعرفـي منزلـك

شفتي البنت اللي احتلت مكانك .. باختصـار:
ذيك تسواك ِ وتساوي كل طوايفْـك وهلِـك


الشاعر ..
عبدالله الظفيري

 

 

 

 

[معلومات العضو خالد المشاويه]

صح السان قائلها ولاهان ناقلها

الله يعطيك العافيه

 

 

 

 

[معلومات العضو في صمتي لك كلام]

صح لسان قايلها ويد ناقلها
رهيييييبب الشعر انا لو منها اروح انتحر ههههههههههههههااييي

 

 

 

 

[معلومات العضو ابو تموم الدوسري]

صح بدنك يا الذيب

تسلم هذا من ذوقك يا خالد

الله يعافيك

وشكرا على مرورك

 

 

 

 

[معلومات العضو ابو تموم الدوسري]

صح بدنك يا في صمتي لك كلام

تسلم هذا من طيب اصلك

لا ان شاء الله لا تتنتحر

هههههههههههههه

 

 

 

 

[معلومات العضو شافي بن راشد النتيفات]

صح لسان شاعرها ولاهنت ع النقل .

 

 

 

 

[معلومات العضو ابو تموم الدوسري]

صح بدنك

ولا انت يا الذيب

وشكرا على مرورك

 

 

 

 

[معلومات العضو سلفر]

القصيده لاتحمل اي معنا سامي لانهم كلهم في النهايه لقاهم على سماعه الهاتف
فااليوم هاذي وباكر هاذيك
الشعر اذا مايكون لشخص واحد وعشق واحد
واخرتها تصير هي شريكه الحياة مايصير له طعم ولا نكهه مثل الورد الصناعي

السموحه مجرد رائئيي

 

 

 

 

[معلومات العضو ابو تموم الدوسري]

شكرا على رائيك


وشكرا على مرورك

 

 

 

 

[معلومات العضو غلا نجد]

يعطيك العافيه

سلمت ودمت

 

 

 

 

[معلومات العضو ابو تموم الدوسري]

الله يعافيك

وشكرا هذا من ذوقك

وشكرا على مرورك