قصيده اعجبتني حييييييل (طفولة معاق )

[معلومات العضو ماعاش من يذلني]

"طفولة معاق"





الطفولة ..


أحلى ما في هالحياة ...


مرحلة من غير هم ..


كنّا دايم نبتسم


كنّا حتى لو بكينا .. وجارت الدنيا علينا


بعد لحظات وثواني ..


بسمة فينا ترتسم ...




كنّا نركض خلف كورة .. لا لا أنا ما كنت معهم !..


وحدي بس بعيد عنهم .. كنت أضحك من ضحكهم ...


جالس لحالي أهذري .. جالس أحسب كم( كوبري) ..


صلّحه ( أحمد ) في ( ماجد ) ؟


والله واجد !!




وقبل ما يحل الظلام ..


للبيوت نروح نجري .. لا لا أنا ما كنت معهم !..


أمشي وحدي بعيد عنهم .. أمشي وأعدد أثرهم !..


وهم عني يبعدون...


يبعدون .. يبعدون ...


إلا( ماجد ) !!..



كان مثلي حيل ضايق ..


بس حزني كان حارق ..


كان يسألني ببراءة : ...


ليش تعرج ؟


... قلت مادري - باستياء -


ليش تبكي ؟


قلت مابكي - بكبرياء -



ضاق مني ..


ثم سألني في غباء ...


قال ( وثرايك تثابق )؟


وراح عنّي ..!!..


كنت أسأل دوم نفسي ..


ليش ما أركض معاهم ؟؟


ليش دوم أمشي وراهم ؟؟


وش بلاي ؟؟ أو وش بلاهم ؟؟


ليه أنا غير الأنام ؟؟


زاحمتني الأسئلة ..


كل شيٍ أجهله !!


وإن تعبت من الإجابة ..


أحظن الحيرة وأنام ...




مرّت سنين وكبرت ..


صار همّي اليوم أكبر ...


حتى دمعي صار أكثر


للأسف توّي قدرت ...


أفهم إني شخص ( عاجز) !!


يعني بيني وبينكم


مليون حاجز !!!


صدقوني ذي حقيقة ...


لا طلعت السوق .. كل ما أمشي دقيقة


ألقى كل شوي أبله ..


يمشي ويناظر صديقه ...


ويغمز له .. يقول : ناظر ..


وش يناظر ؟؟!!


وتتفجّر في خفوقي


ألف ضيقة




ووحدة في وسط الزحام ..


طالعتني باهتمام ..


بنت في عمر الزهور ..


أي رشاقة .. وأي أناقة .. وأي عطور !!


قلت في نفسي ياهوووو ..


هي تناظرني بغرام ؟ أو هي نظرة والسلام ؟!


بس أكيد إنها تعرفني .. شايفتني ...


شايفتني في جريدة ..


وأعجبتها لي قصيدة !!


إيييييه أنا توّي افتكرت ..


لي قصيدة ..


كنت ناشر معها صورة


بس صورة .. ياسلااااا م


وفاجأتني ...


لمّا صارت لي قريبة ... كانت تتمتم بطيبة


( يكسر الخاطر حرااااام ) !!!!!


وتركت دمعة غريبة ..


وضاعت بوسط الزحام ..


دمعة كانت تحكي وضعي .. زلزلتني ..


ارتطم قلبي بضلعي .. دمرتني ..


صدقوني ...


أصعب اللحظات وأقسى ..


لاغدا الرجّال يكسر .. خاطر انثى ...


كيف ينسى ؟؟؟!!


جاوبوني




وزاد همّي ...


يوم فكّرت بوظيفة .. ثم زواج ...


أي وظيفة ... وأي زواج ؟؟


اللي مثلي ...


مهما طالب .. لو يلف ولو يدور


زين لو حطّوه كاتب


لا ... وعلى بند الأجور ...


ما هو رسمي !!!


صدقوني لو تدرّج .. وصار راتبه يتصاعد


وابتدا وضعه يزين


ما أظنه بيتزوّج .. إلا من بعد التقاعد ...


من سنة إلى سنتين ..




وفي النهاية ...


يابلدنا .. مهما كانت تسميتنا


عاجزين .. معوّقين


لك عهدنا .. وذا قسمنا :


أقسم بالله العظيم .. منزل الذكر الحكيم


أن أصونك يابلادي .. من شرور العابثين


من مطامع كل حاسد ... من نوايا كل فاسد


وإني لك حصنٍ حصين


إنتي ناديني وشوفي .. لا نويتي بالجهاد


والله أقهر لك ظروفي .. دامك انتي لي بلاد


وباسم كل العاجزين ..


دام فينا أصبع يطول الزناد


لا يهمّك يابلادي ..


وازهليها ...

 

 

 

 

[معلومات العضو شافي بن راشد النتيفات]

سلمت يمينك على النقل

 

 

 

 

[معلومات العضو عبدالرحمن بن فلاح آل بريك]

يعطيك العافيه على النقل .

والله يعوضه في الآخره .

ويخلف عليه في شبابه ~ْ.

 

 

 

 

[معلومات العضو مبارك بن شافي النتيفات]

الله يعوضه الجنه

وشكرا لكي على الطرح والاختيار الجميييييييييييييييل

تحياتي وتقديري

 

 

 

 

[معلومات العضو عقاب بن هذال ال بريك]

يعطيك العافيه على النقل .

والله يعوضه في الآخره .

تحاياي . . .

 

 

 

 

[معلومات العضو محمد.الودعاني]

سلمت يمينك على النقل



تقبلي مرروي

 

 

 

 

[معلومات العضو سالم الخضراني]

شكرا على النقل والاختيار الموفق


تحياتي وتقديري

 

 

 

 

[معلومات العضو الــخــضــرانــي]

يعطيك العافيه على النقل

والله يخلف

شكرااا