ضجو ألبدوان من وقت مرير = مابقى غير ألحلال يهملى 0 طلب من ملك ألانسانية قصيدة لوالدي

[معلومات العضو عزام العتيبي]

جف الضرع وهلك الفرع وفنى الحلال وهلك وهمل أهل الحلال يشكون اللى الله قلة حيلتهم

وضعفهم ضجو بصياح في القنوات وفي الاسواق وفي المجالس ولدى الدوائر الحكوميه

بدون جدوا ولافائدة ولا من مجيب ألبطانة قد أطبقت عليهم من كل جانب !!

والتجار ألمسعورين من جانب أخر ينخرون في جسد تهالك من الدهر والعيش المر

وأهل الماشية بين نارين هل يصرفون على عوائلهم ولا على مواشيهم التي هي مصدر

رزقهم !!!1

وهم يتمنون مقابلة ولي ألامر الذي وكلهم لمن لايعمل لمصلحتهم !!

يريدون عطف صاحب القلب الكبير ملك ألانسانية وهم يعلمون أن أمرهم أذا وصلة زال

مابهم من شدة وقحط وهم لايريدون أكثر من ذلك !!!!!

مازبنـا غيـر وجهـك ياقديـر = الحكيـم اللـي علينـا معتـلـى




وماطلبنا غيـر ستـرك ياستيـر = لاتولينـا ألضـعـوف ألعـذلـى




عارفين اللي طلب غيرك حقيـر = وأنت تفرح حين عبـدك يسئلـى




وياملكنا صاحب القلـب الكبيـر = مالنا غيرك علـى الدنيـا ولـى




كيف تتركنـا لعدميـن ألضميـر = لين قادونا مثـل قـود ألطلـى !




بالنظام وسيف حكمـك الشطيـر = أذبحونـا بالغـلاء وأفنـو هلـى




فنيت ألانعام مـن فعـل خطيـر = وشعبـك الـى بالبطانـة مبتلـى




جفـت ألخلفـات مافيهـا دريـر = وكـل درب نسلكـة دايـم خلـى




ألبطانـه فعلهـم بالشعـب غيـر = نارهـم دائـم علينـا تصتـلـى




من فعايلهم غدا شعبـك ضريـر = والله أنـة مابقـى فيهـم مـلـى




رأحو البدوان ينعـون ألشعيـر ! = والزمان الـي وطاهـم ممحلـى




ضجو اهل ألطرش من وقت مرير = مابقـى غيـر ألحـلال يهملـى




لاعقـار ولالهـم دخـل غزيـر = ولا محافـظ بالبنـوك وتمتلـى !




يابـو متعـب عيفونـا بالبعيـر = ورث أهلنا كيـف عنـه نختلـى




أذبحونـا بالشهيـق وبالزفـيـر = ومن فعايلهم ترا نغلـى غلـى !




مارضينا غير حكمـك يالشطيـر = (بس ) مانبغـا الحـلال يهملـى

الشاعر طلال بن هذال بن نشار

 

 

 

 

[معلومات العضو مبارك بن شافي النتيفات]

اخوي عزام تسلم يديك

وصح لسان الشاعر وعزالله انها في محلها

تحياتي

 

 

 

 

[معلومات العضو عزام العتيبي]

الاخ ابو شافى


صح بدنك وتسلم على مرورك المميز تقبل تحياااااتي وتقديري

 

 

 

 

[معلومات العضو محمد بن سالم الخضراني]

صح لسانك ولاهنت وابو متعب الكل يعلم ان قلبه كبير جدآ

والله يعين اهل الحلال على هذه الاسعار الخياليه

تقديري ,,

 

 

 

 

[معلومات العضو شافي بن راشد النتيفات]

صح لسانك وبيض الله وجهك ووجه الشاعر
وعسى الله يصلح الاحوال وابومتعب
ان شاء الله ما يقصر مع الشعب

 

 

 

 

[معلومات العضو حماد الدوسري]

اخوي عزام تسلم يديك

وصح لسان الشاعر وعزالله انها في محلها

تحياتي

 

 

 

 

[معلومات العضو دغش بن حمد بن منصور]

ارررررررررررررررحب يالعتيبي تراحيب المطرررر

والله يحييك بين الدواسر

شرفتنا وصح الله السان الشاعر واللي عند ملكنا مهوب بعيد

لكن عسى الكلام ياصله عن هذه الامور اللي عقدت اهل الحلال والمواطنين

بيض والله وجهك على النقل الطيب ولاهنت

 

 

 

 

[معلومات العضو فارس الدبالين]

مرحبا بك اخوي عزام بين اخوانك

وصح لسانك ولسانك الشاعر قصيده جميله وتشرح احوالنا الحاليه

تحياتي وتقديري ..

 

 

 

 

[معلومات العضو محمد بن حمد الشكرة]

صح لسانك ولاهنت وابو متعب الكل يعلم ان قلبه كبير جدآ

والله يعين اهل الحلال على هذه الاسعار الخياليه

تقديري ,,

 

 

 

 

[معلومات العضو عزام العتيبي]

مشكورين على مروركم المميز وأتمنى من ملك ألانسانية

أن يصدرأوامرة بتسعيرة للشعير ويحاسب من لاينفذ الامر

ألملكى تقبلو تحيااااتي